| رحلة زمن |
2010-05-01 5:55 AM |
مشكوره كنان وهذا قصتي (كنت مثل اغلب البنات سماع اغاني ومشا هدة مسلسلات وغيرها وكنت اموت على مطرب معين واحب الافلام الهنديه لدرجة اني ابكي اذا فاتني فلم وفي نفس الوقت اسمع اشرطه دينيه وخاصة انشودة ليس الغريب ومره كان في يوم الاربعاء وانا في الصف الثاني ثانوي وكان عندنا عزيمه وفي نفس الليله حفله غنائيه لمطربي المفضل وابي اخلص بسرعه الشغل عشان اروح اسمع له بس صار مالم يكن بالحسبان وهو اني كنت استمع لي ليس الغريب وتتكلم عن القبر والدود وغيرها مدري وش صار معي جلست افكر في كلام الانشوده واتخيل نفسي تحت التراب وفي القبر وبعدين جلست ابكي بكاء مو طبيعي وطلعت غرفتي وصليت العشاء وقبل ما انوم اتخذت قراري بان ماعاد اسمع اغاني ولا اشوف افلام وقمت الصبح وعلمت اهلي وطبعا ردة فعلهم الضحك علي واني بااااااارجع مره ثانيه ومن ذا الكلام المحبط وسبحان الله كان الله اراد اختبار صدقي ففي نفس اليوم كان فيه فلم هندي بيجي العصر وطبعا انا كنت احب الافلام الهنديه جاء وقت العصر وجاء الفلم معه ودخلت المطبخ وخواتي وامي ينادوني له وان كنت بين محتاره مره اقول اشوفه اليوم وبعدين اتوب ومره اقول اصمدي واثبتي وطبعا غلب جانب الخير عليه وما شفته وسويت شاهي وطلعت في حديقة بيتنا لين اذن الغرب ومن ذاك اليوم الى الان وانااحاول اجاهد نغسي على ترك المعاصي وفعل الطاعات وما اقول اني كامله احيانا تضعف نفسي امام الملهيات ولكن اتوب بعدها وادعو الله الثبات)وهذي قصتي يالله عاد بشوف قصصكم
|
