منتديات موقع بشارة خير - فتاة تصرخ امي لا تدعين علي ...

السلام عليكم ورحمة الله وبركاته ....
قصتي ليست للتشهير ولكن لتنبيه الامهات كنا في زياره لاقربائنا
لا حظت ان بنتهم هي دايم تفتح قلبها لبنتي الله يحفظها الا شوي قالت بنتي تبغاك قلت خير ان شاء الله رحت وجلست معها الا انفجرت بالصياح وتبكي بحرقه ضميتها لصدري وبعدين هديتها قلت لها وش فيك قالت امي تدعي علي دائما قلت انا نلاحظ هذا الشئ نصحناها مافيه فائده واذا قلنا لأبوك اخاف نسبب مشكله بينه وبين امك قلت طيب حاولي اذا شفتيها ضايقه لاتثيرين اعصابها ولا اطلعي من المكان اذا شفتيها في يوم هاديه ومبسوطه ناقشيها في الموضوع سلمي على راسها وقولي وش السبب اللي خلاك تدعين علي اخاف يايمه ماتأخر زواجي ولا طفش العرسان الا من دعائك علي ارجوك يايمه ادعيلي بالهدايه احسن ....
ومررره ثانيه بكت تقول امي تدعي علي بالسرطان والموت وعدم التوفيق
قلت لها مالك الا حل واحد هو الألتجاء الى الله وتوسلي الى الله بالدعاء ان الله يحنن قلبهاعلي ويحنن قلبي عليها
هي الصراحه نفسيتها تعبانه ..........الله يفرج عليها ..........
ااخر شئ دعيت لها الله يفرج عليك ويرزقك ويرزق بنتي الزوج الصالح وجميع بنات المسلمين
كنها هدت شوي لدرجت انها قالت لبنتي تمنيت اني مابعدت عن حضن امك واول مره احس بالحنان ..
كلمه اخيره ..ارجوكم لاتدعون على عيالكم نصيحه لوجه الله
السلام عليكم ورحمة الله وبركاته ...