تعسرت اموري بسبب الذنوووووووب
 

صباح الخيرر

كيف حالكم الله يوفقكم ويجزاكم خير



انا اغلب احلامي تحذير من معاصي معقوله هالقد انا مذنبه وعاصيه يارب اغفرلي

اشوف احلام غيري عكسي تماما ماشاء الله وانا كل شي توبي توبي

اتمنى تجيني بشاره بدون تحذير اللحين انا تبت من كل معصيه حذرت منها بالحلم الحمدلله ماانكر لكن يجيني تحذير لاشياء مااتوقعها سبحان الله زي مره فسرولي قالوا انك مسيئه الضن بصديقتك وانا صحيح كنت احسبها انها ماتتمنى لي الخير لكن بعد الحلم تغيرت وصرت احبها واعزها واكتشفت انها تحبي لي الخير


وقبل سنوات حلمانه لكن مافسرته الا السنه هذي وقالوا ان اموري راح تتوقف وراح امر بمشاكل اذا ماتبت من المعاصي وهذا اللي حصل خلاص السنوات اللي راحت وانا خايفه ان ربي غاضب علي انا تبت الحمدلله يوم عرفت التفسير لو قبل مفسرته كان تبت لكني تاخرت مافسرته

و افكر احس اني مستهتره كيف اعصي يوم حلمت بالحلم تبت عشان امور دنيوييه يعني على كيفي اتوب وانا قدمت توبتي خوف من الله لكني بعد التفسير خفت وتبت اخاف ربي يغضب علي لاني افكر بالدنيا انتم وش رايكم شسوي

توجيه نصيحه مساعده منكم وبارك الله فيكم جيمعا

سلام عليكم

ابشري بالنصيحة فجر ..
مايظهر لي يا فجر انك تتعظين وتخشين غضب الله سبحانه وتعالى وهذا امرجميل جدا ..
خذي نصيحة من مجربة .. اذا احسستِ بضيق الجأي الى الله سبحانه وتعالى اكثري الاستغفار واكثري الدعاء وصلي كل يوم ركعتين لله سبحانه وتعالى وادعيه بما تحبين وتشتهين فهو واســـع الكرم سبحانه وتعالى ...
والصدقة لا تنسينها وتذكري ان الصدقة ليست مال فقط .. وكل معروف تقومين به صدقة حتى ابسط الامور مثل التبسم في وجه المسلمات و التي ممكن ان يستثفلها البعض ربما يكون له فيها خيرا كثيرا يعود له ..
ولا تنسي اختي ان تتمسكي بأذكار الصباح والمساء وقراءة القرآن والدعاء للمسلمين دائما بالخير ..
واذا تبتي عن ذنب اختي لا تعودي له مهما حصل حتى ولو كان صغيرا وجاهدي نفسك بما تستطيعين .. والله انه احيانا تغرينا امور ونقوم بفعلها واذا تذكرنا نعيم الاخرة اصابنا الندم والحسرة واسأل الله سبحانه وتعالى ان يجمعنا في الفردوس الاعلى وان نكون ممن يستحقها .. واسأله سبحانه وتعالى ان يثبتك على الدين والتقوى واعلمي مادامك حريصة على خشية الله فهذا بحد ذاته دافع قوي لك على عكس من يعمل ولا يلتفت الى مايرضي الله سبحانه وتعالى وضميره في سبات عميق قد يفيق وقد لا يفيق نعوذ بالله من ذلك .. واي سؤال بهذا الخصوص ان شاء الله انصحك بما هو خير لك . اسأله سبحانه وتعالى ان يوفقك ويثبتك ويفرج همك ..

اللهم ردنا اليك ردا جميلاً

جزاك الله خير اختي المناال على كلامك الطيب فرحتيني


طيب يالغاليه المنال هل التحذير على ان اموري بتتوقف اذا ماتبت وانا تاخرت ماتبت الصراحه خلاص يصيير ربي غاضب علي ؟
جاوبيتي وريحيني والله اني ندمانه اشد الندم وخاف ان الله يحرمني من امنيه حياتي

ماشالله اختي المنال كلامك يشرح الخاطر انا بعد بعمل بنصيحتك كلنا مذنبون ومقصرون عفا الله عني وعنكم وعن جميع المسلمين
وجزااااااااااااك الله خيرآ
اللهم أشفي والديها وردهم لها سالمين

الله بجزاكم خير

سبحان الله قد يكون خير لك
فغيرك غارق بالذنوب والمعاصي ولم ييسر له الله سبيل للهداية..
يكفي احساسك بالذنب وحزنك على حالك..اكثري من الاستغفار والدعاء..واستعيني بالصبر والصلاة

هنا اقول لك فيه شيء داخلك يحبطك فلا تلتفتي له لانه من الشيطان ومكر الشيطان مكشوف يحبط الانسان حتى يخليه ينغمس في المعاصي ....... يا اختي رحمة الله وكرمه وااااااااااااسع جدا جدا ... انتي جربي ماقلته لك والله لن تندمي ابدا .. وانصحك انك ماتلتفتي للي ترينه في منامك اذا كان يسبب لك الضيق لانه اكيد من الشيطان يحاول يضيق صدرك كل ماتقربتي من ربك سبحانه وتعالى .. احترزي من كل اللي ترينه ويضيق صدرك ... وامنية حياتك ادعي بها ربك واسغفري بنية تحققها وايضا جربي ان تكثري من الصلاة على النبي عليه افضل الصلاة والسلام وستكفين همك ويغفر لك ذنبك ... كلمات صادقة اختي انصحك بها واكرر لك لن تندمي لان من توكل على الله فهو حسبه ولا تشكي همك الا لله سبحانه وتعالى فهو نعم الوكيل .

مهما عملنا لشكر ربنا سبحانه وتعالى على نعمه الواسعة فنحن مقصرون .. والله يشرح صدورنا ويصلح قلوبنا ويثبتنا واياكم على طاعته ... وحياك الله يا اختي .

اسال الله ان يشرح صدرك
ويثبتك على الطريق المستقيم