منتديات موقع بشارة خير - لية تسمعني وتمشي؟؟ اة ليتك ما مشيت

اتمنى تعجبكم ...

صعب لامنك فشلت... وصعب لامنك لقيت
ان من يكرة نجاحك... يدري انك مانجحت

امس ضقت ورحت اقلب ذكرياتي وانتهيت
عند صورة طفل صوتة مثل صوتي لا نجرحت

وش مثل؟ لا والله هذا انا يوم ابتديت
انطق حروفي تعلثم في لساني لاانمدحت

هذا انا يوم الحياة فنظرتي عشرين بيت
ومسجدين ومدرسة من طين كم فيها اصطبحت

هذا انا واصبحت اتمتم (هذا ان) حتى بغيت
اختنق..بس القدر عيا على موتي وطحت

وصاح صوت الطفل فيني انت من وين ارتميت
قلت انا المستقبل اللي فية كم همت وطمحت

امس كنت ابي اكبر بس والله لو دريت
اني اللي عشت لاجلة ..مت عندك واسترحت

لو دريت ان الزمان يجر رجلي ماعديت
لو دريت ان البحور بلا مواني ما سبحت

كان دربك لي طويل وكل ماشفتك هويت
قلت لك كبوة جواد وما كبيت وما جمحت

لية تسمعني وتمشي؟؟ اة ليتك ما مشيت
وآة ليتك من كثر عثرات الايام انتصحت

ضاعت احلامي وظل الحزن فيني واهتديت
لطريق اللي يوديني على دمعي ورحت

يالحزن ليتك مثل دمعي وتنزل لا رقيت
بس اعرفك لومسحت الدمع تبقى ما نمسحت

كان حلمي في وجود انسان يفرح لا فرحت
كنت اشوف الناس مثلي كل ماجعت وظميت

مادريت امن الاوادم ناس فوق وناس تحت
آة يا اول ذكرياتي خذني فحظنك نسيت

لا اسألك عن وجة ابوي الي معة ياما سرحت
خذني فحظنك ابغفى يااة مبطي ماغفيت

وان لمحت دموع عيني سو نفسك ما لمحت
اضحك وعلم زماني من انا ومن وين جيت

مودتي