منتديات موقع بشارة خير - يمه مريولي توسخ ( خاطره محزنه ورائعه )

منتديات موقع بشارة خير (https://www.22522.com/vb/index.php)

- منتدى النثر والخواطر (https://www.22522.com/vb/forumdisplay.php?f=33)

- - يمه مريولي توسخ ( خاطره محزنه ورائعه ) (https://www.22522.com/vb/showthread.php?t=122521)

يمه مريولي توسخ ( خاطره محزنه ورائعه )

.

يـــمـــه ..

تكفين اسمعيني ...

يمـه بسألك شي ..

جاوبيني ..

هو صحيح اللي مات

داخل القبر يصير حي ...

يــمـــه ...

سمع أنــا صوتك ..

كل يوم اسمعه ..

واذا حاكيتك هاوشوني ..

قالوا انسي ..

روحي يالله العبي .... !!

يمه تعالي ارجعي ...

والله خلاص بسمع كلامك ..

ما اخرب العابي ..

وان قلتي يالله ..

روحي نامي ..

أروح حتى ماتزعلي ..

يمه تكفين ارجعي ..

اليوم حطت لي المديره ..

نجمه من فوق جبهتي ..

يمه سمعتها تقول..

مسكينه هالبنت صارت يتيمه ..

قالت لها ابله منيره ..

مسكينه توها صغيره ..

وش كانوا يقصدون ..

يمكن عشاني صرت عاقله ..

ولا عشاني دايم اسرح

يمه مريلولي توسخ ..

ماكان قصدي اوسخه ...

بس تذكرت انك تقولي ..

بعد شهرين..

بشتري لك لبس ثاني ..

يمـه تعالي اشتري ...

يمـه عرفتي مها ..

صديقتي اللي معي ..

زاعلتني ..

تقول ماصرت انا اضحّـكها

راحت تدور غيري

عشان تلقى احد يونسهـا

يــمــه

يالله خلاص لاتمزحي

يالله قومي

تعالي معي للبيت ارجعي

يمه يمممه

نسيت شي ..

بقولك ترى بيتنا صار فاضي ..

ماحد يجينا ..

وكل اللي فيه انا واخواني ..

ليه وين اقاربنا ..

وين خالتي ..

اللي كانت تجينا ...

يمممه قوومي يالله تعالي ..

تكفين يالله تعالي ..

ماودي ارجع لحالي

والله خايفه ..

ترى امس جيتك ..

مارديتي ..

حسبتك نــايمه ..

أو اقولك ..

خلاص خلاص ..

انا بجيك بكرى ..

اذا راحوا من هنا الناس ..

تكفين يمه بكرى اصحي ..

تكفين يمه بكرى ارجعي ..

.

.

.

.

.

منقوووووولهـ ..

جزاك الله خير هي حزينة حزينة كيف بحال طفلة كانت بين احضان امها اكيد متقدر تنسها

صراااااحة فظيعة ...وجميلة في نفس الوقت
يعطيك العافية

والله الكلمات ابكتني نقل راااائع

يعطيك العافيه
حزينه جدااااااااااا\

قطعت قلبي الله يسامحك..الله يحفظ لنا والدينا ويرزقنا برهم..
مشكووووووووره ريمو ع الموضوع ..

الله يعيييييييييييييييييييييييين
الله يحفظ لنا امهاااااااتنا ويخليهم لنا
اللهم ارحم الاموات واغفر لهم

ماعندي تعليق إلا ..........

ليــــــــــــــــــــــــــــــــــــــــــــــتن ي مادخلت ...

يارب احفظ امي وارزقني برها ...

تقطططططططططع قلبي .............................................
شكرا حبيبتي ...

حزينه جدا..الله يلطف باحوال كل اليتامى ويعوضهم بكل انواع السعاده اللي انحرموا منها..ولا يحرم احد من حنان الوالدين واذا ما عنده والدين لا يحرمه من حنان احبابه واصحابه..
سلمت يداكي غاليتي...