|
اختكم في مشكله تكفون شوروا علي
السلام عليكم ورحمة الله وبركاته عن جد محتاره ومتنكده وضايق خلقي ومدري شسوي واتمنى الاقي عندكم المشورة والنصيحة والرآي السديد آنا ما تزوجت للحين بس لاني آحب لي وآحد ويعلم الله اني احبه من كل قلبي وهو يحبني ويموت فيني ويمكن الطريقة اللي عرفته فيها غريبة وغير مقبوله لكن شسوي وان شاء الله ما تبخلون علي بنصايحكم انا مالي لا بالشات ولا بغيره ولا عمري فكرت ادخلهم حتى ماسنجر ما ادخل من زود خوفي على روحي والحمد لله واثقه من نفسي لكن وحده من زميلاتي الغاليات علي شفتها بعد ما فرقتنا الدراسه بحوالي 5 سنوات وقالت لي ادخلي معي ماسنجر انا خفت وقلت لها لا مستحيل ادخل ماسنجرعاد انا كنت فاهمه الماسنجر غلط قالت ادخلي شات صوتي وعطتني الرابط المهم دخلت الموقع وانا ساكته والعالم تسولف وانا ساكته ما ارد ولا شيء طلعت منه وقلت لصديقتي خلاص ما راح ادخل مره ثانيه بعد فتره كم شهر وانا بأحد المنتديات لقيت رابط مدري شلون دخلت ونفس الطريقه ساكته ما تكلمت ولا كتبت شيء شيء وكان فيه واحد اسلوبه راقي ودمه خفيف عجبني برضوه ما سولفت معاهم صرت ادخل مستمعه فقط ومع الوقت صرت اكتب سوالف عاديه جدا والا اظل ساكته الولد يعلم الله ما شفت منه شيء ابد وبمرور الوقت قال شوفي انا ابي اتزوجك حتى لو ما شفتك احس ارتحت لك ويعلم الله ان نيتي سليمه خوذي رقمي وكلمي امي من شان نتفاهم شلون اجي اخطبك لأنه ما يبي يحطني بموقف صعب مع اهلي عطاني الرقم ويعلم الله اني عاقله وما عمري فكرت ادق على شاب وبالعكس دائما انصح اللي حولي وانتبه لخواتي بالسوق من الشباب مدري شلون تجرأت ودقيت والله الوم نفسي المكالمه ثواني وماحكيت لو بحرف وبعدها مادقيت ارسل لي مره رساله وقال امي راح تكلمك واتصل رديت يوم سمعته صوت حرمه تكلمت وقالت لي انا ولدي يبيك وهو مطلق وعنده ولد وقالت لازم تعرفين من شان نكون واضحين وانا عارفه ان الطريقة اللي تعرفتوا على بعضكم لكن ابي وعد منك ما تدخلين مره ثانيه وولدي أوعدك وعد ما يشبك وانا من كثر ما مدح فيك ولدي حبيتك ويوم سمعت صوتك حبيتك أكثر بعد شهر تقريبا قال انه بيجي هو وأمه وقالت امه لو سألوني اهلج بقول عرفتها عن طريق صديقتك هو من قبيله وانا من قبيله ثانيه اتصلوا على البيت وقالت السلام عليكم ووو حنا ناس متعنين من المدينة الفلانية وجايين خطاب لبنت فلانه قالت امي من انتم قالت لاجيتنا ان شاء الله بتتعرفين علينا بعد وصولهم وجلست الام مع امي قالت ودي اشوف بنت فلانه يوم طلعت لهم قالت ما شاء الله فلانه تسلم عليج عاد ما طولت وطلعت وووووومرت الاياااااام ابوه سوى حادث وبغيبوبه وهو كانت وظيفته مو رسميه وليومك يدور يتصل علي يقول لي اصبري وانتظري امه تتصل تقول حنا شارينك وانا احترت صار لنا سنتين واحنا على هالحال وربي ما تتخيلون امه شكثر واصله تتصل وتقول سلمي لي على امك وخواتك طبعا اهلي ما يدرون اني اكلمه واكلم امه وهو يقول لي هانت شلون تبيني افرح واتزوج وابوي بالمستشفى وامه قبل كم يوم كان يكلمني وقالت لي هانت والله اني ابيج لولدي اليوم قبل بكرى لكن ننتظر قومة ابونا بالسلامه وهو مقدم على وظيفة لأن اخوانك مستحيل بيرضون بواحد ماله وظيفه وانا احترت تقدم لي كم واحد ورفضتهم كله من شانه لان حبيته وحسيت بصدقه واخلاصه تقدم لي واحد وقلت له شوووف ترى اهلي يضغطون على وبوافق لاني احرجت نفسي عند اهلي من كثرماارفض ودخل المستشفى بسبة كلامي يقول لي انتي البنت اللي كنت ادور عليها بالرغم من ان حالته المادية اقل من عادية لكن ما تهمني الماديات وربي انا محتارة مدري شسوي ما ابي غيره وانا متأكده اهلي بيسوون لي سالفه وماراح يوافقون لانه مطلق تكفون شوروا علي وراح اتقبل النصيحة والرد مهما كان قاسي لاني غلطت من البداية والعمر يجري والكلام زاد واسفه ان طولت عليكم بانتظاركم |
حياك الله اختي انفاس تبغين مشورتي صلي صلاة الاستخاره قومي الليل وصلي وادعي ربك بلي تبين وعني انا لو انا مكانك مافرط فيه دام انه جاء وطرق الباب الرجال بنسبه لي مالهم امان وفي هالزمن نادر تلاقين احد يضحي من اجلك او يقدر زوجته كلن له اسلوبه ورائيه بلحياه وهذا رائيي اهم شي صلي وادعي ربي والله يفرجها عليك يارب وماعليك من العمر هذاني داخله 27 وعادي والله ماهتميت الي كاتبه ربي لو بعد مية سنه بيصير بيصير خليك واثقه بالله واذا اتصلت امه قوليلها على الاقل يجي نسوي بس ملكه عشان تضمنين بس مثل ماقلتلك عليك بالصلاه والاستغفار
|
وعليكم السلام ورحمة الله
وبركاته _ اختي انتي غلطتي يوم سمعتي كلام صديقتك كان طردتيه من حياتك هذي صديقة سو _وبعدين ليش كلامتي الرجل اختي صلي صلاة استخاره _بقول نصيحه يمكن ماتعجبك لاتتزوجينه تراه مارح يثق فيك ابد وتصير حياتك نكد _اطلب الله الخيره وتوسلي له بدعاء ان يفرج همك وان يختار لكي السعاده _اسل الله ان يعجل بفرجكي امين_وصلى الله على محمد وسلم _ |
اختي بشائر الرحمه احنا لانعلم الغيوب هي غلطت ما نقول لا لاكن يمكن هذا نصيبها ولو كان مايبيها ماكان خلا امه تجي وتتعنى لمن بيتهم كان جلس يماطل فيها ويلعب عليها بس اهم شي هي تستخير والله يكتبلها الي فيه الخير
|
صدقتي يا اختي فتاه بلا عنوان
عذرن انا استعجلة في الرد |
اختي في الله انفاس ،،
اوصيك بصلاة الاستخاره انها خير مايدل المرء على الخير واكثري منها ،، لاتتغلب مشاعرك عليك فكري بكل عقلانيه وابعدي المشاعر عنك لان المر لو مشى بمشاعره لضاعت الدنيا على اساس كذا اقول اهدي شوي وفكري كويس واتخذي قرار حاسم يحسم لك هالموضوع لانه من المستحيل ان يذهب من عمرك بانتظار شي لايعلم ماهي اخرته لذلك انصحك باتخاذ القرار الحاسم والعاقل وماترينه مناسب لك ولعائلتك ،، دعواتي لك بالتوفيق وتيسير الامور والهدايه لكل خير ان شاءالله ،، |
اقتباس:
أختي العزيزة : فتاة بلا عنوان الله يحييك ويخليك يا غاليه وربي اسعدني ردك وتجاوبك معي ومحاولتك مساعدتي وصدقيني اني اصلي واستخير ان كان فيه خير لي يكون من نصيبي وان كان فيه شر يبعده عني ويعلم الله انه صادق واخذ جوال اخوي من اول ما زارنا و يوم صار لأبوه حادث اتصل على اخوي وقال عن ظروفه واهلي مستغربين تعلقه فيني وبنفس الوقت يقولون اللي بييننا وبين هالناس مجرده اتصال وزيارة وحده واحسهم مو راضين فيه لانه مطلق و انا وربي خايفه من ربي واحاول اترك المكالمات واكتفي بالمسجات للتطمن عن الاحوال فقط انا عارفه اني غلطانه من البداية لكن هالغلط ولد حب والله العظيم ما احبه اثنين من قبلنا تعلقنا ببعض بشكل مو طبيعي والله كلامك خلاني اتعلق فيه اكثر لكن اهلي تعبوا معي يضغطون علي بقوه خصوصا ان جاء واحد على قولتهم ولد حموله ومالي هدومه وصليت واسخرت ورفضت انا على مشارف 29 وصدقيني امه حبيبه لأبعد حد وتقول انا عارفه ان طريقة تعارفكم خطأ وهذا سر بيننا ولو ما اني شفتك وشفت اهلك والسمعه الطيبة عنكم ما اصريت عالموافقه تصيرين مرت ولدي ما تتخيلون تتصل على بالاعياد وبرمضان على اساس تبارك لي وتتطمن علي وهي تراها كبيرة بالسن يعني وحده فاهمه وعاقله وعارفه الدنيا زين انا خايفه تمر السنين وانجبر على غيره ويضيع حبنا وهو حاليا ما يقدر خصوصا انه مقدم على كم وظيفه ويكمل دراسته والله يقول كله على شانك خل نصبر تصدقين يرسل لي صور الاوراق والاثباتات لأن احيانا اقول انت تكذب علي بس تسكتني وبالفعل تكون الاوراق صحيحه لكن ما الله كتب له وظيفه اسفه يا اختي على الاطاله لكن حسيتك فاهمتني |
اقتباس:
والله معترفه بغلطتي لكن كل شيء مقدر ومكتوب والا والله العظيم بهاليوم مالي بهالسوالف ولا دخلت هاتشات لكن من فرحتي بصديقتي كان همي طريقة التواصل معها عمت عيني عن هالامور لكن ما بدر مني شيء يغضب رب العباد الا اني حبيته وهو حبني انا ما كلمته على طول اقسم بالله مدري شلون دقيت وكله ثواني قفلت ما قلت ولا حرف بعدين ارسل مسج وقال امي بتكلمك وما رديت الا بعد ما سمعت صوت الحرمه تراه ولد ناس تدرين شقال لي والله لو ما اخذتك تحرم علي حريم الكون قلت له اهلي ما يرضون عشانك مطلق وبعد من قبيله ثانيه قال والله لا اجيب جاهه لاهلك ولو احط خيمة قدام بيتكم اخذك اخذك ان شاء الله والله انه يدعي الله ان يجمعنا على خير وقلت له عن عدم الثقه قال شوفي حنا ما غلطنا وتمادينا بعلاقتنا عشان افقد الثقه فيك وانتي تفقدين الثقه فيني ولو مو واثق فيك ما استمريت معك يكفي حبنا الصادق الله يوسع عليك دنيا واخره يا الغاليه واسفه عالاطاله |
سؤال ولاتجيبين عليه خلي الاجابة بينك وبين نفسك
هل حدث بينكم خلوة او خلاوت من يوم عرفتيخ الى يومك ثانيا هل تاكدتي من صحة ماعرفتي عنه من معلومات هل وقع حادث على والده حقيقي هل المراة التي جاءتكم والدته اذا كان هو براءة من توقعاتي التي ربما تصيب وربما تخيب بناءا عليه احسمي الموقف يا خطوبة رسمية وزواج يالله يعوض كل واحد خير وفقك ربي |
اقتباس:
يعني عن جد شاريني الله يكتب اللي فيه خير ويكفيني شر من فيه شر |
اقتباس:
|
اقتباس:
والله كلامك عين العقل وترى هذا مبدأي بالحياة اني احكم عقلي قبل قلبي لكن حاولت اشيله من حياتي ما قدرت الله يجزاك الجنة عالنصيحة والله دايم افكر كذا لكن الرجال شاريني وانا ابيه بعد ولو وافقت على غيره احس راح اظلم اللي راح اخذه لاني تفكيري بيتعلق بالاول وحرام اظلم ولد الناس الحمد لله انا حافظة نفسي الله يكتب اللي فيه خير وصلاح ويهديني وجميع المسلمين |
اقتباس:
يعلم الله اني لم افعل ما هو مشين او يغضب الرحمن تراي عاقله وما لي بهالامور صح اسمع منه كلام حب واعجاب بشخصيتي ومخططاته لمستقبلنا وصدقني لو احس منه مجرد احساس انه راح يتجاوز الخطوط الحمراء راح اقطع اللي بيننا نهائيا وبالنسبة لشخصيته طبعا انا شفت صورته وهم اختي يوم جاء لبيتنا شافته ووصفته لي نفس اللي بالصورة غير الأوراق اللي يرسلها لي نفس الاسم والصورة انا ما اشكك بشخصيته لأننا كنا صريحين من البداية والموضوع ما اخذ جانب اللعب والتسلية كان جدي بكل شيء وجيته هو وامه للخطبة وقدر الله على ابوه الحادث اما بالنسبة للأم هي كبيرة وتخاف ربها وكانت صادقه معي من البداية ويوم قال لي حادث ابوه قلت له ابي اتأكد وصح زعل علي لأني ما وثقت فيه ارسل لي تقرير من المستشفى واعطاني رقمهم وقال لو تبين تكلمين الدكتور كلميه اخوي صدقني انا لو مو واثقه فيه وبحسن نيته ما استمريت ولو احس انه يبيني يتسلى والله ما ارضاها على نفسي ارسل لي رساله وقال قرب الفرج وكاتب قريب راح نزوركم وانا لي فتره ما رديت عليه بحطه امام الامر الواقع |
اقتباس:
اللهم لك الحمد ان صرتي ما اظنك عاقلة وحكيمة ومع ذلك اقول لاتضيعي نفسك حاولي تحسمين الامر لاتتهاوني معه اكثري من الاستغفار حافظي على سورة البقرة قراءة مع النفث فربما تعثر موضوعكم باسباب حسد وفقك ربي |
صلــــــــــي صلاة الاستخــــااارة
واستغفري ربــكـ وادعــــــــــي ربي يكتـــــــب لك اللي فيه الخيـــــــر وأنـــــاا من وجهـة نظري انك تقطعين المكـــــااالمات اللي بينكــــم مادام الى الآن ما صار شي ,, لأنـك ماتدرين يمكن ها المكالمات حرام ,,,, والله يسعدكـي ويكتـب لكـ اللي فيـــــــه خيـــــر يــــــــــــــــاارب 00 |
اختي انتي غلطتي لما دخلتي الشات وما بني على غلط فهو غلط
|
اقتباس:
وان شاء الله يتم حسم الموضوع وربي يكتب اللي فيه خير ا |
اقتباس:
جزيتي خيرا يا غاليه وانا ما ارد على المكالمات لي فتره يرسل لي مسجات يطمني على وضعه وانها راح تفرج قريبا ان شاء الله وقلت له ما راح ارد على اي اتصال الا بعد مايكون اللي بيننا رسمي وبالحلال |
اقتباس:
|
اختي من الاول غلطانه في مكالمتك حتى لو قصده شريف المفروض ماتكلمينه والله يوفقك لما يحب ويرضى
|
اختي الغآآآآآآليه ... انفاس
اسعدكِ ربي دنيا واخر يـــــــــــارب... وفرج همك وبدل حالك الى احسن حـــال يـــــــــــــارب .. اخيتي .. لا تتركين نفسك هكذا لا تعلمين متى ينتهي الحــــــال .. هذا الدنيا متاهات ..... لا بد ان تنهي الموضوع يـ خطوبه وملكه ..,.. يـ كلاً يدور على رزقه .. لا تتركين نفسك بـهذا الحال والعمر يمشي والدنيا تجري ,.. قوولي له اخطبني .. ونملك .. . لا يتطلب مال الكثير ... او لا تتطلب اصلا مال . مجرد مملك ويملك .. حددي انتي وقت الملكه اجعليه قريب جدا . بـ اقرب فرصه .. لا تجعلينه بعيد .. لو رفض حآآآآآآآآآآآآآآآآآآولي ولا تتركينه هكذا ابدا ابد. حددي مصيرك بيدك.. استغفري ... وادعي ............... طمنينا عليكـ |
اختي انفاس وربي موضوعك شغلني كثير لدرجة اني رحت اوضي للفجر غسلت ايدي ووجهي وعلى طول رحت لرجلي بس ماقول الا الله يحميك ويفرج همك ويجعل الخير في دربك ويكفيك كل شر ويحميك بحمايته ويحققلك كل الي تبين وربي فهمتك وحسيت فيك الله يوفقنا كلنا قولي امين
|
والله الذي لا اله الا هو
اني من الصباح وانا افكر فيكي يا اختي _ اسل نفسي ورد عليها اقول يمكن كذا واكذا وارجع وسكت اما كلامة اختي فتاه يوم قالت الواحد مايعلم الغيب صح مايعلم الغيب بس مابنيا على باطل فهو باطل انا اذا بغيت ازرع ارض واعرف انها ترجع علي خساره ورفضت ازرعه هل هذا علم الغيب لا _اعقله وتوكل _ اللهم يارحمان ياذ الجلال والاكرام يا ارحم الراحمين يارب ياصمد افرجها علها وكتب له الخيره يارب وشفي اخو فتاه بلا عنوان _امين امين امين_وصلى الله على محمد_ |
انفاس والله مادري شقولك بس الله يصبرك ويكون بعونك أسأل الله ان يفرجها عليك
صدقيني اني اكبر ضحايا الشات وفيني هم مايعلمه الافاطر السموات الله يفرج همومنا تكفون ادعولي |
والله يااختي مدام الرجل يماطل افهميها عاد انتي
ومابني على باطل فهو باطل وانا سمعت الدكتور فهد العصيمي في احدى حلقاتة يقول اي علاقة محرمة بين رجل وأمراءة تمنع ابواب الرزق وتعيش تعيسة في حياتها واي شيء تتمناهمايتحقق لها لان هذا المحرم حاجز بين الخير والدعوة يعني كيف تستخيرين الله وانتي تكلميني اجنبي وكيف تتسهل امورك وانتي تعصين الله بالمكالمات سارعي بقطع العلاقة وارجعي الى الحلال لان الرسول صلى الله عليه وسلم قال " من متع نفسه بالحرام حرمه الله لذة الحلال في الدنيا قبل الأخرة " ولا تنسي غاليتي - " وخير الخطائين التوابون " وماراح يتعيشون في سعادة راح يشك كل منكم بالأخر حاولي انك ترضين الله وترضين بما قسمة الله لك لان هواء النفس لا يأتي بخير وعصفور باليد ولا عشرة بالشجرة وافقي على الخاطب ووكلي امرك الى الله قبل ان يفوت العمر والله يرزقك بالزوج الصالح |
أمم فيه اسئلة تدور ببالي ما الذي يجعل الوالدة ( أمه ) تحرص عليك كل هذا الحرص و هي تعلم أنه تعرف عليك بطرق غير صحيحة ؟ و لماذا لجأ للنت ليبحث له عن زوجة ؟ و السؤال الأهم : ما سبب طلاقه ؟ و إجابة هذا السؤال تترتب عليه إجابات الأسئلة السابقة .. أنا لا أنقص من شأنك و يظهر من كلامك أنك حقاً تخافين على نفسك و لكن المشكلة أن الغلط يجر الغلط .. هو بإنتظاره السنتين لم يخسر شيء و ربما لو لم يضمنك لن يجد زوجه في محيطه ! حيث أنه كان من الأولى تحديد مهلة ليخطبك فيها حتى لا يضيع عمرك بالإنتظار و يذهب الخطّاب و لا يعودون فالآن يجب أن تخبري والدته ( إن كانت والدته حقاً ) و برسالة و ليس مكالمة أخبريها أنه جاءك خاطب و أمامكم شهر للرد عليه و أنك استخرتي الله , و بإنتظار ما سييسره الله بأمره فإن كان لكم خاطر في فأرجو أن تزوروا أهلي قبل إنتهاء هذا الشهر و إلا فإن الله سيكتب النصيب فأنا لا استطيع مماطلة أهلي أكثر من ذلك و أنتم لا ترضونها لي .. يجب حسم الموضوع و هذا أفضل حل .. و أعلمي يا أختي كما قال الإخوان أن ما بني على خطأ و باطل فهو خطأ فالجئي لله بالدعاء بأن ينور دربك و بصيرتك و يدلك على طريق الصواب و استخيري الله ثم قومي بالخطوة التي قلت لك إن يسرها الله و دوووون مكالمة برسالة لأمه فقط و عسى الله أن يفرج أمرك و يهديك سواء السبيل أختك .. |
اقتباس:
الله يكتب اللي فيه خير وجزاك الله كل خير |
اقتباس:
اقسم لك بالله يجون ناس يخطبون وصدقيني اخذ الموضوع جد وافكر فيه لكن فيه شيء يمنعني اوافق و ان شاء الله اخذ بنصيحتك يا الغلا وراح احطه امام الامر الواقع بحسم الموضوع قريبا والله يكتب اللي فيه خير مشكوره فديتك |
اقتباس:
الله يوفق وين ما رحتي |
اقتباس:
اشكر لك هالمتابعه فديتكم لا خلا ولا عدم ومشكوره عالدعوه لا انحرمت منكم |
اقتباس:
اللهم امين ويفرجها عليك ويوفقك وين ما رحتي يا قلبي والله مالي بالشات لكن يعلم الله ان دخلتي له عشان صديقتي وصار اللي صار |
اقتباس:
صدقيني هو ما يماطل ووضح لي ظروفه وارسل لي تقارير ابوه وكلم اخواني يعني ما خدعني ولو نيته اللعب والمماطله ما تواصل مع اخواني للحين وبالنسبة لكلام الدكتور انا هذا اللي افكر فيه لكن اذا فكرت اننا نبي بعض بالحلال مو بالحرام يهون على كل شيء وادعي ربي بالمغفرة والستر دنيا واخره الله يوفقك يا الغلا عالنصيحة وبارك الله فيك والله اني راضيه بنصيبي حتى لو ما تزوجت لكن كل ما صار خطبة بعده يجي الرفض مني حتى اهلي احيانا يجي الرفض منهم احيانا افكر اقول ليش كل هالفترة وما تم اي موضوع يمكن يكون هو نصيبي والله اعلم اسفه لو طولت عليك بالرد لكن كلامك سليم واعترف اني غلطت من البداية |
اقتباس:
شوفي هو بالبداية قال لأمه وكان صريح معها وقال رأيه فيني وصدقيني وهي تفهمت رأي ولدها واحترمته لأنها عارفه انه عاقل ومو راعي سوالف ولعب هذا اولا ثانيا قالت لي شوفي انا من حقي اتطمن من ناحية البنت وراح نسوي مثل ما يسوون الناس و ما جو لبيتنا الا بعد ما سألوا عن أهلي يعني مثل أي خطبة وترى جت امه و حنا لنا شهر بس من عرفنا بعض وطلبت مني اني ما ادخل الشات مره ثانية وبنت الحلال من شافتني تعلقت فيني لأن الحمد لله ما قاصرني شيء بنات لا تظنون اني سيئة الاخلاق لا والله تراي حريصه كل الحرص على سمعتي وسمعت اهلي مو مدح فيني لا وربي لكني عاقله وياما حليت مشاكل امهات عيال و تأكدوا ترى فيه حدود لعلاقتنا وهذا هو اللي زاد احترامنا لبعض يعني واحد يخاف علي وتراه مأمني على الحجاب ولبس الجوانتي وسألته عن سبب الطلاق وقال ما تفاهمنا مع بعض وبنت الحلال راحت بطريقها والله يستر عليها دنيا واخره يعني لو فيه عيب صدقيني راح يحط اللوم على طليقته فيها وفيها صح كلامي والا لا هو ستر عليها وهذا يدل انه يخاف الله وليش لجأ للنت يقول انتي غير فرضتي احترامك من الجميع وكانك ظالتي ولقيتها انا معترفه بغلطي وبنفس الوقت عاجزه اضحي بحبي له وان شاء الله بسمع نصيحتك وراح اعطيه مهله والله يكتب اللي فيه خير والف شكر يا الغلا على تواجدك لا خلا ولا عدم اللهم فرج همومنا واسترنا في الدنيا والاخره |
اللهم آمين
الله يسعدك و ينوّر دربك |
اقتباس:
|
اللهم اكتب لي الخير كله حيث كان ثم رضني به
|
اللهم يا حي ياقيوم ياقريب يامجيب ياسميع الدعاء يامن لا يخفى عليه شيء في الأرض ولا في السماء فرج همي ويسر امري وافرح ناظري بما اتمناه عاجلا غير عاجلا
وكل من قال امين |
عزيزتي الغاليه أنفاس
أتمى أن تتقبلي نصيحتي لكِ بصدر رحب ويعلم الله اني لكِ لناصحه غاليتي لن اقول لكِ ان مافعلتيه حرام ولكن اقول لك توبي الى الله توبة نصوحه لعل الله ان يبدل سياتك حسنات ولاتنسي ان الله يفرح بتوبة عبده اكثر من فرحة الام بولدها غاليتي والله انني خائفه عليك وعلى جميع بنات المسلمين من هولاء الذئاب البشريه فلو كان مممن يخاف الله ويتقيه لما وصل لك بهذه الطريقه واحضارامه ليس دليل كافي لصدقه اما سمعتي عزيزتي بقصة الفتاة التى غررت به العجوزعندم طلبت منها مساعدتها فى نزول المصعد وبعدذلك و ضعت لها المخدر وقامت بخطفها بمساعدت بعض الشباب ممن لايخافون الله فلا يخدعك بكلامه المعسول واعلمي ان من ترك شيئا لله عوضه خير منه واقطعى علاقتك به لعل الله ان يعوضك بخير منه وأعذريني ا اقولك ان تستبدلي صديقتك باخوات لك في الله يعينونك بعد الله على الخير ويبعدونك عن الشر لان ماانتى فيه الان شر وهى السبب فيه ولا تنسي الدعاء لها بالهدايه ولاتبخلي عليها بالنصيحه لانه ربماتكون هى ايضا ضحية ممن لا يخاف الله أسال الله العظيم رب العر ش الكريم ان يسترنا ويستر بنات المسلمين اجمعين أعذرينى على الاطاله |
السلآم عليكـــــم ورحمــة الله وبركــآتة00
آختــــــــــي الموضوع مايتحمل المجــآملآتـــ ,, ولآ العوآطــــــف عشــآن كدآ رآح آقولكــ رآيي بكل صرآحة وحعتبركـ آختــ عزيــزة وغـــــآلية والخيــــــــآر لك 00 آولآآ 00 آشكــ في مصدآقيتو ومشـآعرة ,, والمفروض آنت بعد تشكين ,, كيف تصدقين ؟؟ بالكلآم !! آي وآحد رآح يظهر الجــآنب الآيجــآبي في شخصيتو ومستحيـــــــل تعرفيــنو آلا بعد العشـرة 00وجيتــــو البيت عـــــــآدي ماتثبت شـــئ والله ماتثبت 00 فكـــري بالعقل ؟؟ آي وآحد يقـــدر يسوي كدآ ,, يمكـــــن مـآتكون آمــو !! ويمكــــن تكون آمـــو وضــــــآحك عليهــآ بعد يعني اذآ جد الجـــد يقول مـآبيهـــــآ !! بسـآلك سؤال 00 البنـــــــــــآت اللي رآحو ضحية للشبـــــآب كيف صـآرلهم كدآ ؟؟ مستحيـــــــــل يكونـو غبيـــــآت ,, ولا مهـــــــددآت ,, آجـــآوب عنــــــك // لآنهم وثقـــــــو في الشبـــــــــآب وقــــــآلو نفس كلآمكـ00 وآنـــــأ متآكدة من هالكلآم ,, يالغـــــــــلآ الــزم ماعليــــــــــك سمعتكــ ,, وسمعــــة آهلكــ ,, وآكيد شرفكــ!! آســــــــــآلي نفسكــ هالأسئلة ::: ** آيش اللي يخليك توثقــــــــي فية؟؟ كلاموووو ,, تصرفـآتة (لا يالغلآ هالكلآآم مايقنع بالعقل وآي وآحد نيتـــة مو زينة رآح يسـوي نفس الشئ !! لآنو يبغـــــى يكسب ثقتكــــ وآتوقــــــع يصطنــــــع آشيــآء مآهي بشخصيتو بس عشـآن يكسبكــ والبنـــــــآت آكثر من يصــــدق ) ** معقولــــــــــة يجي اليـــوم اللي يطنشك فية ومــآ يرد عليكــ؟؟ (ايووووووة يالغلآ معقولــــة !! يمكن اليـــــوم آو بكرة ........) ولييييييية لا ليييييييية لا ايش حستوين؟؟ ** آيش بتكــــــــــون نظرتكــ عن نفسكـ ؟؟ (مـآبغــى آجرحكـ .. آتركلك الجــــــوآب 000) ** لو كونــــتي ولد وبمكــــــآن هالشــــآب ايش نظرتكــ لآي وحدة مكـــــآنك؟ (آتوقــــع آنك ماحتوثقـــــي فيهـآ ولا تآمنـــي بيتك وسمعتك عليهـــــآ >>هـــــذة نظرة الأغلبيــــــة آذا مو الكل !!) ** آيش معنــــــــــى آرتــآح لك وحبك آنتــــي من بين الموجودين؟؟ (لآتقولـــــي عجبتـو وحس آني مو رآعيـــــة هالحركـآت ؟؟لييـــــــة مو العكس !! يعني يقولــ عنــــكـ جديدة ,, ومـآتعرف هالحركـآت ,, وآقـــدر آلعب عليهــــــــــآ ورآح آكسبهـآ بكل سهولة ,, وبمــآ آنو حس آنكـ ماحتتقبلي تكونـــي معـآه علآقـــة برى الآخلآق و.. و.. قـــآل آدخل معــآهــآ بالذوق وآقول آني بتزوجهـآ و..و..)!! ================= يالغلآآ شوفــــــــي آنأ (وأعــوذ بالله من كلمــ’ ــةآنــأ )آكلمك بالعقــل وآتمني تسيبي العوآطـــــف ع جنـــب وتفكري بالعقــــــــل آنســــــي كل اللي صــــآر وكل اللي شوفتـــــية منــو وفكري بعقلكــ ؟؟ آنـــــــآ مستغربة كيف وثقتــــــي فية ؟؟ كيــــــــف ؟؟ دوري جــــــــآوب صدقيني ماحتلآقـــــي رد مقنع وآنتــــــــي مو تقولــي آنك عـآقلة !! آثبتـــــــي لنفسكـ هالكلاآم وآنأ متآكدة لو آنك فكرتـــــــي بعقلكــ بعقلكــ بعقلكــ ... مــــــآ كونتــــي تحتـآجي شوري ولا شور غيري ولا حسيــــــتي أنو المشكلة كبيرة 00 خلآصـــــة الكلآم آقطعــــــــــي العلآقــــة نهآئيــآ فيـــــــة وفي آموو ( والله آنــي آشك أنهـــــأ آمــو) !! بدون مقدمـآت آقطعيهـــــــــــــآ ومآحتخسري شي !! لو كـــــــآنو يبغوكــي حيجـــــو ويخطبوكــي ويحددوو وقت الزوآج ولو ماكـآنو شآرينك ماحيسآلو فيكــــــي 00 ولا تقولي ظرررررررروفهــم ..و.... (سنتين ظروف !!) بالعقــل ولا تضعفـــــــي وتكلميهم لو آيش مـــــآ صـــآر ..,, لو قــآلو نتفق مع آهلك أو آي شي .. بيتكـــم ويعرفونـــو ولو حآبين ينهوو الوضوع يجووو من البـــــــــآب لو مــآآقتنعتتي في كـــــــلآمي فكري وقـــــآرني بين هالنقطتين وشــــوفي اية أقل وآخف عليك وعلى آهلك؟؟ ***** فرضــــــآ طلع يلعب عليــك وخرب سمعتك ؟؟لا تقولي مستحيل وربي مو مستحيل ( شوفــي النتــأئج من السمعة الــــــى ... ضيـــــآع عمرك ع الفــآضي )مــــــآيسوى عليك بس لآنك تحبيــة !! والله مايسوى عليك ======>>وهذا الآغلــــــب00 ***** فرضــــــآ تزوجتـــــــية فرضــآ ؟؟ ====>> مع آنــــــي مستبعدة ومــآ آتوقع تضمنــــــي آنك حترتـآحي معــآة؟؟ وحيستــــــآهل كل اللي سويتــة عشــآنو وحيعوضك !!عن سمعتك عن نظرتك لنفسك !! ويمكن الوقتــ يكشف لك عن آشيـآء ماتوقعتيهـآ فيه .. ويمكن يطلقكــ ويعـــآيرك؟؟آي شي مــآ تـآمنـي شي في الحيــــآه آحنـــــــــآ نعيش في الحيـــــآة ونتعـآمل مع بشر !! ماتــأمنــــي آحد كل وآحد مصلحتووو 00 &&& لفت آنتباهي &&& _ لمــــــــآ تقولي يمكن نصيبك؟؟ هذا الشيطــــــــــــآن يحــآول يخفف عليك _ لمــــــــآ تقولي يعلم الله اني لم افعل ما هو مشين او يغضب الرحمن >> النص لا يالغآ سويتي بمجــــــرد آنك تكلمية حرآم 00 لا تنســـــــــــــــي %%% مـــــــأ بنـــــــي على بـــآطل فهو بــــــآطل .. بــــآطل !! +++++++++++++++++++++++++++++++++++ من تركــ شيئـــــــــآ للــــه عوضة الله خيرآ منــــــــــــة00 بالمنــــــــآسبة التقرير اللي جــآبو عـــــآدي مايثبت شي يمكن حــآدث قديم ولا مزور؟؟ وآحتمـــــــآل متفق مع الدكتور ؟؟ كل شي جـــــــــــآيز 00 ويمكن يكون يسجـــــــل المكآلمآت !!! آقطعــــــــي العلآقـــــة آقطعيهــآ فبل لا يفوت الفوت ؟؟ آجلسي مع نفسك جلسة صـآدقة وآنهي الموضوع وأثبتي لنــأ ولك آنك عــــــآقلة ,, وبشرينـــآ الله يستر علينـــــــآ وعليك يآختي 00 آختكــ00 سبحـــــــــآنك اللهـم وبحمدك آشهد آن لا آلــــــــــــــــــــــه آلا أنـــــــــــــــت أستغفركــ وأتوب اليكــ 00 |
^
^ آمال ماقصرتي الله يجزاك خير و الله يهدي الجميع لما يحب و يرضى .. |
| الساعة الآن 5:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab