الي عمرهااقل من 18لااشوفها
 

السلام عليكم ورحمة الله وبركاته


شلوونكم يابنات اليوم جايبهـ لكم موضوع أنشاء الله يعجبكم


هذا الزمن اللي عشناه فيما مضى

عصر ماقبل البطاره ... عصر المبزرهـ

أعتقد كل شخص فوق الـ 18 مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز احم بحـممم



هالزمان راح أقسمه لأيااااام .. علشان تعيشو الجو




>>أياااااام الكشخه <<

الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وذا الروج

واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده

وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم




>>اياااااام بقاله أبو سعيد<<




\
//
\


الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- يالله كّــرم النعمه

ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه مبزرة البيت كلهم ....ويحظها لو صارت العلبه لها لحالها يقعد ثلاث ايام بالثلاجه وهي تلط منه




>>أياااااام التصرفات الغريبه<<

حدث ولاحرج .. مدري عاد هالتصرفات توارثتها الأجيال ولا لا

بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <--

لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. الحين تصير صادق

أما اللي بيعلم أنه تسذوووب يمد لسانه ويطير لسانه بأصبعه <--- ماأعتقد اني وفقت بهالشرح




>>أياااااام التلفزيون السعودي <<

طوووووووووووووووووط <-- فجرت أذانيكم صح
... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي عشر .. يبدا القران وبعد أفلام كرتونهم الماصله

أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي

وصرت أتابع أفتح ياسمم .. وبدر وأنيس .. ياحبي لهم

<-- الحمد لله والشكر من بعد شخصيات الكرتون .. صرنا نحب أنيس

وبعد هالتطور صرت أتابع برنامج أطفال القصيم وأطفال المدينه وأغانيهم الماصله

لا والأفلام الهنديه .. اللي كانو يجيبونها على القناة الثانيه

فلم الولد والفيل

وفيه فلم ثاني اللي الحرمه تقطع العقد اللي لابسته عند المعبد <-- يعني طلقت زوجها


وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش" .. "ومسلسل جواهر .. اللي فيه زوينه وحمد وجواهر "< ماكنت احب زوينه الشريره



أيااااام الأناشيد .,.,

متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه

<-- يامصل المصاله بسسـ

سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي





>>أياااام الدلاخه <<

أنا أشهد اني كنت اكبر دلخه في تاريخنا .. بس الحين يوم كبرت .. أذكى مني مافيه

<-- لايكثر

يكفي اني ماانام الليل من الوسوسه اللي فيني " مره كنت العب بالحوش وقرصتني نحله مادري نامس <-- من الدلاخه ماأفرق بينهم
المهم أكتم الوجع اللي فيني وأكمل لعب وإذا جيت انام فاضيه مافيه شي عندي غير التفكير .. قمت اوسوس .. أتاكد اني طبيعيه .. المهم شفت في يدي نفخه بسيطه "مو من النامس مدري من وش" .. بس أول ماطرى على بالي الناموسه اللي قرصتني .. والحين يجي تأثير التلفزيون السعودي علي ..هي والبرامج الوثائقيه اللي تجيبها عن المستنقعات والجراثيم اللي فيها وتنقلها لنا النامس

قلت الحين بأموووت .. واروح اصحى خواتي والظاهر جيراننا كلهم صحو من صياحي ..أقول لهم أنا بأموووت .. المشكله اللي بكبري كلهم صاحو معي .. وأتفقد يد أختي أنا عندي نفخه بأيدي أنتي ليه ماعندك لاااااااا ..لاااااااااااااااائهي ئهي ئهي <-- صيحاها يوم انها بزر وأتفقد يديني ورجليني وكراعيني وأطلع وجه الشبه بين كراعين خواتي .. لو فيه أختلاف بسيط .. زاد الصياح ثم أقعد أتفحص عيوني بالمرايه ..أنا عيوني حمراء لااااا راح أموووت <-- حمرت من البكاء

وعلى هالحال لين يصبحون الناس .. وبعدين أكمل يومي عادي وإذا جاء وقت النوم نعيد هالأسطوانه وأروح أتفقد نفسي أنا طبيعيه ولا راح أمووت



>>أياااام المدرسه <<

أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم <-- أول مره يشوفون شي جديد كـخخخ

لا والمطاره وماأدراك ماالمطاره .. كنت أروح بمطارتي واليوم الثاني أتبادل أنا وأختي بالمطاره <-- يقطع أووم القرف يعني ينقال لها انها بتكشخ هههه

لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه



>>أيااااام الممنوعات <<

كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..

أذكر كل ماقلنا لأبوي نبي أتاري .. قال لنا الأتاري مااسمع له طاري


كان الميك أب عيييييب


بس أزين شي ان طلعت الشارع عادي

كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البراءه بتشقق بعضها



,.,

* الموضوع ملطوووش أباً عن جد *

تسلم يمينك اللطاشة



لاتنسين ضفدع كامل


وسلامتك سلامتك نود لك سلامتك


والفساتين الكرتة والحزام عرضه شبرين


هههههههههههههههه هههههههههههههههههه


الله يسعدك رجعتيني للماضي

(المشرف)هههه

هههههههههههههههههههههههههههههههه

هذا كان زماااااااااااان
.
.
.
.

:smile: أيام مضت ماأجملها وماأجمل تلك الذكريات مشكوررررره يالغاليه

اشكركم على المرور

ترا بحط اذاني وآذانك اربع ، اذا قالوها صرنا تختبص ، ولو فكرنا لوجدناها فعلاً أربع ولكنها براءة الأطفال .

لاتطلع برا ترا بياخذك حمار القايله . وبيني وبينكم كبرت وأنا لدي رغبتة برؤية هذا الحيوان الذي يخوفوننا به .

اذا قلنا بنتسبح (( نتحمم) قالوا لنا جعلك سبحة لولوه . ولولوه بعد الإستفسار عنها اتضح أنها لما فكت الدش طلع لها ديدان من الدش بدلاًمن المويه (( تخويف عشان ما نتحمم ) .

اذا بغوا يشجعوننا على انجاز عمل معين يبل الوالد أوالأم أصبعه ويضع قليلاً منه على خشمه ويقول يله بسرعه قبل ييبس خشمي . هاهاها , وتلقى الواحد منا فريره عشان يخلص قبل ييبس خشم أبوه والا أمه .


ولكن أنا عاصرت هذه الفتره الجميله وأتمنى أن تعود لما فيها من البراءه .


أما أطفال اليوم ومنهم أبني يدخلك من هنا ويطلعك من هناك ويخلك تصدق بالقوه .

إييييييييييييييييييييه يالله حسن الخاتمة خخخخخخخخخخخ

إييييييييييييييييييييه يالله حسن الخاتمة خخخخخخخخخخخ :tongue:

ألا ليت الطفولة تعود يوماََ :tongue:

إإإإإإيييييييه يا حربيه:eek:
ايام ررررررراحت و حياه جددددددددت نتذكررررررر ون ايامها بكل حذافيرها http://up3.m5zn.com/get-5-2008-oqpf0ss9uhe.gif
تذكررررررتوها هههههههههه
الله يسعدك حربيه

ههههههههههههههههههههههههههههه
ضحكتيني
موضوع جميل

:)ههههه ان مالحقت على هالاشياء

ياااليت ماضينا يعود

مشكووووره

خيتوووووووووو

واااااااااااااااو ذكريااااااااااااااااااات

الللللللللللللللللله يازين زمن اول افتح ياسمسم

نعمان وعبله وفايز التوش والجوهره والصياد

كله كوم وبرنامج (قــــف) احذر تسلم وتطورنا وصرنا نشوفه بالقناة الثانيه هههههههههههههههههه

يالله حسن الخاتيه رجعتينا طعش سنه للشباب ههههههههههههههه

الله يسعدك ويوفقك

يعطيك الف عافيه

تسلمي على الموضوع الرائع
يازين أيام زمان ياليتها تعود

هههههههههههههههههههههههههههههه
ذكرتيني بايام زمان الله يسعدك

هههههههههههههههههه اووه ـ وين راحت ايام البرآءهـ

جوونان الووصف ههههههههههههههههههههههههه

انا الي كنت اسويه من الكلام الموجود احط أصبعي في فمي ولازم يمتلي الأصبع من السعابيل وبعدين امردغه

في حلقي خخخخخخخخخخخخخخخخخخخ اوووم الوناسه

الف شكر ..

ههههههههههههههههههههههههههههههههههههههههههههه ............... الله يوسع صدوركم ...

هههههههههههههههه وربي انك خيال انتي وسواليفك فعلا ذكرتينا بأيام زمان

وإنتي الصادقه بعد حقت الأخبار بالقناة الأولى ترن ترن تــــرن ترررن..

يعطيك العافيه

اااااااخ الله يحسن خاتمتنا

هههههههههههههههههههههههههههههه

اما انا لا جت سالي ولا ليدي عشت جوهم ويايويل احد يناديني باسمي ياسالي وياليدي

<<< والله يامن خفت العقل


يسلموآآآآآآآ

......................

الله يعطيك العافيه بس لاتنسين كعبول وبسيط

ايام مضت وانشاء الله الي جاي احسن

هههههههههههه انا اهم شي عندي بشار وعدنان ولينا هين احد يقومني منه

ـهههههههههههههههههآآآآي
اهم شي ابله نوره ياعيوني ..

يخت مدري وش نحس فيه وقتها ..

بصراحه عن نفسي كنت اغنيها مع بنات 6 وانا في اولى ومدري وش معناها ـههههههـ

يوم كبرت وصرت 6 صرت اعلمها الجيل اللي بعدي ـههههههههههههههـ طبعا فهمتها وصرت اقولها للي لهم مكانه ..


ايام وربي تهبل..

صدقت الاخت اللي فوق انا ابي اشوف حمار القايله هذا ..!

الله يعطيك العافيه بصراحه مافيه اجمل من الماضي
حلاوته ممزوجه بمراره

حررررررربيه الف مبررررررروك ...كيف حصلتي على وسااام تميز؟؟؟

ايااام حلوه
يعطيك العافيه

الله عليك ياحربية

ذكرتينا بالايام الحلوة

ليتها ترجع

ولاتنسين الشرايط الحمرا اللي نحطها بشعورنا

والفنانة تقوم تخرمهابالمقص وتسوي اشكال!!!

والا الأبة البيضا اللي نلبسها مع المريول لازم!!!

وافلام الكرتون(شكلي بسوي موضوع ثاني)!!!
بس وش اسوي احب الماضي بكل تفاصيلة

سنان يا سنان يا أحلى الاصدقاء!!!

والا الدعايات اول ما حطوها

اذا سمعنا موسيقتها نجيك مدرعمين

واللي في الحمام يطلع بسرعة!!!!

مكرونة بيتوني وشاهي البنتليز

والطفل السعيد

الله على ذيك الايام ياحلوها

الف
مليون
شكر على اللطشة الرائعة!!

كل شي قبل بساطه ومافي تكلف ياحلوها من ايام