|
~~*`~~شـــAــــاعـــــرة والفضل للّه...جعلني فريدة~~*`~~
http://kro12.jubiiblog.fr/upload/larme.jpeg
لأولئك : هم يحسدوني على شعري فو آســفـــا حتى على الــشــعر ِ لا أخــــلو من الحـســـد ِ امّــا انتم : فلكم : . . . . . قصيدة او :دمعة انسابت خلسة من بين عيني ...لتنسكب ...في ...بياض قلوبكم ... وبهاء ذائقتكم ... اقبلوا انسكابها .... ! ! ! !
شاعرة وراس مالي = دمعة وجـــرح وقصيدة لا بغيت الشعر جا لي = مثل عبد ٍ عند سيده وهبْـة ٍ من ذا الجلال ِ = ربنا وحـــنّـا عـبيده ما شريته من حلالي = ولا سرقته من جريدة ورث من عـــم ٍ وخالي = حيثني بنت ٍ مـجـيدة بنت شيخ ٍ ذو معالي = مات وعلومه رصيده وشــاهد ٍ يا هملالي = له ملوك ٍ عن قصيده ومن عمامي ورث تالي = فا لشـعر ماني جديدة كنه بحسبة عيالي = وان زهمته جاك سيده وان ضحكت وزان بالي = جبت لي منه فريدة وان زعلت وشان حالي = جا يراضيني بـ...صيدة شــاعرة والطيب فالي = مير بي عيب ٍ ((عنيدة )) اليمين اعكس شمالي = والطريق اللي أريده اســـلكه لو هو جــبالي = اســـلكه لوّيّ وحــيدة شاعرة وآخــــر هبالي = دمعة وجـــــرح وقصيدة / \ / \ / \ / \ |
ماشاء الله رائــــــعة رائـــــعة رائــــــعة
بنت شيخ ذو معالي *** مات وعلومه رصيده والنعم والله... |
. . شاعرة والطيـب فالـي مير بي عيب ٍ ((عنيدة )) اليمين اعكـس شمالـي والطريـق اللـي أريـده اسلكه لـو هـو جبالـي اسلكـه لـوّيّ وحـيـدة . . كفــــو اللــه . . رائعــه ومبـدعـه يـاخلوووود .. ولـن تضيف شهادتي شي لمسيرتك الشعريه الفـذه اللهــم بــارك عسى ربي يحـرسـك بعينه اللي ماتنـام . . تقــديري .. وإعجــابي http://www.22522.com/vb/images/icons/icon14.gif . . |
....موفقه.....
|
ابيات قوية من شاعرة واثقة وخلوقة
شكرا لك بكل حرف وابداع فيها |
لا لا
شكلي بغير نظرتي للشعر بجد كنت اكرهه واحس ان الشعر غير مفهوم بس ماشاء الله لاقوة لابالله ابيات سهله ومعبره صح لسانك وقلمك ياخلووود الخالد |
اقتباس:
وكيف لا تكون قصيدتي رائعة ..! بعد مصافحة عطر الشمال لها .! مجرد مرورك العاطر كفيل بأن يكسوها بالروعة والبهاء دمتي ودام شذاك عطر الشمال \ / \ / \ / \ |
اقتباس:
إذا كانت شهادة وفـــــــــــاء المشاعر لا تضيف شيء لمسيرتي الشعرية فانا على استعداد للتنازل عن هذه المسيرة الشعرية كما أسميتيها ..! يكفيني شرف ...مرور ذائقة كذائقتك الراقية جدا ً ... وقصائدي ...تتوارى خجلاً ....بمرور ذائقة رائعة ومتمكنة ...كذائقتك الشعرية ... من القلب شكرا وفــــــــــــــاء لهذا المرور البهي ...كطلتك ...! \ / \ / \ / \ |
ماااااشااااااء الله والنعم فيك خلوووووودنا وصح لسانك
أبيات رائعة لاتمل حفظك الله وزادك من فضله |
قبل توقيت الزوالي**شفت للجزله شريده
كنها برقً همالي **والبرد يمي تحيده مالحظت ابها ممالي** ولا لقيت ابها فقيده يوم انا قرم العيالي ** في معاني الشريده وللوفا والطيب والي**وللحصى مثل الحديده وللكرم !!حاتم قبالي **جايني في يوم عيده والرفيع يزيد عالي**ماتعداه الكيده ولاني براعي هبالي**شعري أعرف كيف أجيده وصح لساااااااااااااااااااااانك |
رااااااااااائعة من رواااااائع الشعر ماشاءالله تبارك الله |
اقتباس:
وفق الله الجميع ولا أدري شعرت ان ردك أعمق من مجرد مرور وكلمة تعليق ..! شي يشبه للجفا ، وشي يشبه للزعل وشي يشبه للعتاب ....في جوابك شي غامض ، فيه حاجه مبهمه شكرا لك طال السفر على المرور العاطر \ / \ / \ / \ |
قلب المؤمن دليله...!!!
مادمتي تشعرين بشي فما عليكِ إلا أن تجديه بواسطة هذه الكلمة وهي ( الامل aml ) . . معجب بذكائك !!! ( ماشاءالله ) . . طال السفر |
اقتباس:
هلا فيك فيزيائية مبدعة شكرا لك على هذا الإطراء ولكن اين انت ِ يا أخت العرب ..! عودي هنا : : |
اقتباس:
صح قلبك يالغالية الزاهرة وحفظك ودمتي رائعة ومميزة ولا حرمت تواصلك الرائع : : |
اقتباس:
صح لسانك سامي العتيبي وصح ابداعك ابيات جميلة وفيها سلاسة لي عودة خاصة بها من القلب شكرا سامي ولا حرمنا تواصلك : : |
قصيدة رااائعه عزيزتي خلود ....
اثرتي حماسي لأكتب بعضاً من قصائدي؟!!! اتمنى ذلك .. عندما انظر لقصائدي تخنقني العبرة لخوفي بأن لا ترى النور مطلقاً كم يعذبني هذا الشعور ولكن ؟!! .... لك ِ خالص شكري |
بفراشي ساهره افكر والفجر قرّب طلـــوعه
النوم مجافي عيني والعالم حولـــي رقـــود ماينام اللي قايده نار الشوووووق بضلـوعه عايش بسجن الاحزان صعبه يفك القــــــــيود قضبانه من جرح والآم وحرمــان مصنــــوعه ودي اطلع ومشكلتي الاقدار اقوى جنـــــود وحيده بحبس انفرادي والزيارة عني ممنوعه عذبني سياط الفرقا ولهفتي مالها حـــــدود اللي مثلي مايسليه غير صـــبره ودمــــــوعه يقضي عمره بانتظار الله يصبر الموعـــــــود هذي جزء من قصيدة قديمة وطــــــــــــــويلة كتبتها بمراهقتي اكتبي رايك بصراحه لانها كانت اول بداياتي عذرا لوضعها هنا وعذرا لحذفها مره اخرى تعرفين (كيد الاخوات لاصارت هوشه ينتقمون ) تقبلي تحيتي دوختك آآآآآآآآآآآآسفه |
اقتباس:
هلا فيك اختي ام ساري واسعدني جدا ثقتك بي وكتابة ابيات لك ولو كانت قديمة وواضح انها بداية تجربة ولكنها بداية جميلة خاصة انك تملكين مفردات معبرة ومنتقاة وانا متأكدة ان قصائدك الان نضجت اكثر من ناحية الوزن والاتقان ...وكلنا في البداية نسقط في حفرة الوزن ...بل لازال هناك شعراء يسقطون فيها سهوا ..... هي محاولة جيدة جدا ولكن لن احكم عليها لأنها كانت في بداياتك واتصور ان قصائدك الان اكتسب قوة وثبات وان الوزن لن يكون عائق في مسيرتك الشعرية . ولاداع للإعتذار فالمتصفح متفحك عزيزتي ...وآمري ... اكرر شكري الجزيل لك غاليتي |
شـــــــــــــــــــــكـــــــــــــرا لكِ عزيـــــــــزتي ... خلــــــــــــــــــــــــود
نعم نضجت كثيراً واتمنى ان استطع كتابة ابيات منها اترك ذلك للزمن .. |
| الساعة الآن 4:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab