|
إلى خلووود الخالد : هي فكرتك أنا جيتك أدورجها :) .. خطا مافهمتي والصح منه منصاب ..
اقتباس:
حياها الله بنت ٍ زانت مهارجها=من هرج ٍ به المقدية ما دونه حجاب وأنا عليّا بيبانها صـكت مزالجها=فغدا مني درب المقدية بمجناب توسّر لي وأنا سيقاني يمّه أدوّجها=والله ولاقصدي أحك ناب ٍ على ناب مير عيارة ٍ عندي ووساع ٍ فجايجها=من وسعها .. أدخلت وزري بمخلاب والله مهب وزر ٍ مير شيّاة أنضّجها=لعلها تستوي له على الكيف صبّاب فأحرقتني ونفس ٍ ماودي أنا أحرجها=ستره من طيحة ٍمن العليا للأذناب حقك علي ..فمحبتك دوم أسيّجها=لجل ما ينوشها جفا ولا ماجا بالعتاب فأنتي أخت ٍ بياض الوجة دوم ٍ يغنّجها=من بنات شجعان ٍعريبين الأنساب أنا أدري إني من كـَّ..ثرت عجايجها=لكنها عجايج ٍماهيب تقرب للإنشاب إن حصل خير .. ولا ترا قراح ٍهمايجها=نرفل بهندام العقل ولاقوله عجاب لاهيب ترقيعة ٍ بركاب العذر أسورجها=ولا ني جاية ٍأقلدة ابن نحيت حجاب الدعوة ..فكرة ٍذكرتيها جيتك أدورجها=فـ..صرت بدل الحمامة كني غراب :) فيشهد عليا إله الكون مبلجها=خطا ما فهمتي والصح منك منصاب دموع عذري ..ومن قلبي لك أزعجها=على ما صار .. وعذراً القاف شاب |
ياحبي لكم الثنتين...
أثر العتاب بين الأحبة يطلع مثل هذي الدرر:rolleyes: ورا ماتتعاتبون كل شهر:smile: أمزح،........................ والله يشهد على محبتكم، وماحبيت أصير عذول، لكن القصيد أعجبني، وفوق هذا جمال الأخلاق بينكن.. وهذي تحية أعجاب...وعسى ماثقلنا عليكن. . |
حيا الله أختي من زمرة المتقين و الشاهينة الأزدية و city dreem
وحيا الله ابياتك الطيبة ..وهذا هو اسلوب أبيات اختي من زمرة المتقين التي اعرفها و التي تتسم بالعقل والحكمة والطيب . وما حصل الا الخير ....ومهما حصل من سوء فهم تظل الأخوة التي بيننا اقوى من كل خلاف واختلاف ... وشاكرة لك هذه الابيات بماتحويه من مشاعر جياشة ، فيها من المودة والصدق والطيب ما فيها . وبالتأكيد ســـأجاريها بأبيات خاصة ان شاء الله .. ولكن هذا مرور اسجل به شكري وتقديري وامتناني العميق .... من القلب شكرا ولي مرور خاص يليق بها وبك وبكم جميعا احبتي ... |
اقتباس:
يا حياها الله غفا :smile: .. ترا ما شفتي شي من مثل هالعتاب المنتج للدرر وخاصة للي جوعان شعر ووده يلهم :smile: .. فتحتي نفسي وودي أستلمك أنت وأعطيك خوش بمبه ومن الكبــــــار .. حتى أشوف ردة فعلك ..
بتقولين يالله منها مكثر مسامجها=ياليت من حَجنا سالمين ٍ والعتاب فهذي لقافتنا وهذي نتايجها=قشّعتنا بالدفاشة ..احربتنا ابمشعاب دوروا ياعرب شيخ ٍ لها يعالجها=ذا رد علي بقولي تحية إعجاب؟؟؟ ها .. ؟ فجا دورك ياغفا :smile: :smile: أمزح .. المهم أن أختك ويشهد الله أنها تحبك في الله وتحترمك وتقدرك وتدعو الله أن يجمعها بك في جنته .. |
يا سلام يا انقليزيه ابياتك حلوه مثلك جزاك الله خير وصح لسانك
بعدين انا عندي رد او مشاركه الظاهر اني كتبتها بس الظاهر انحجبت مدري انحذفة رد على ابيات خلود الخالد وهو مجرد رد لا اكثر ولا أقل اذا اعجبها اهلاً وسهلاً واذا ما اعجبها تحذفه براحتها الكلمها اللي بصدرك لا تكلمها تذي عباد الله وترجع وتذيني ارفع مقامك عن الزله وكرمها الحق لو كان ما يرضيك يرضيني دام المداين حلاها من معالمها تبقى معالم حلاها اشهور وسنيني وشكرألكم وداعٍ |
/ \
جيتك يالشاهينة ببيات(ن) احوّجها=عساها تعالج ماجاك من التهاب البيبان تسكرت وش عاد يفتحها=غير خلود اللي وقفت كل ناب من قال اسرحي في مرابعها=و حطي لثامة و امسكي المشعاب البنت معذوره لزاد فيها غضبها=زين ما طارت بها أرقاب حتى غفا ما سلمت من عججها=و البنت ضيفه من بعد الغياب خلي المزح يا بنت مع اللي ولفها=و عرف طبعك وصار له طلاب v v ما هي إلا مشاعر كتبتها في إنسانه عرفتها :smile: |
اقتباس:
أشوف اللقافة ماشي سوقها ؟ :smile: .. طيب قلتي :
خلي المزح يا بنت مع اللي ولفها=و عرف طبعك وصار له طلاب
مزحي للي ما طلب مني مزح كان من العيار البللم :smile: .. عجل كيف للي طالبه برسم الخدمة ؟ .. تفضلي :
أنا كني لحبوب اللقافة أروّجها=وكني بااصف أنا بصفة الإرهاب بل ! ..أجل جوري جايه بمفالجها=من حروفٍ كاتبة مريض أعصاب تومي بها على من كثرت عرابجها:) =لها وجه بلا برقع ولا نقاب البنت من حظ صدام الله يخارجها=عند ربع ٍ تحسبنهم لها أحباب كرري الزيارة عيني جوري .. هلا بك على قل الكلافة .. :smile: |
. . يعطيــكم العـافيـه وصـح اله ألسنتكـم جميــع :smile: . . |
اقتباس:
استأذنك اختي city dreem على كتابة هذه المداخلة في متصفحك ...فقد قرأت رد اختي الغالية غفا ولم احب ان اسبقك بالرد عليها وانتظرت حتى تردين ..لأرد عليها بالشكر والمحبة المتبادلة وأختي غفا هي منبع الذوق والأخلاق ... حفظكم الله جميعا |
اقتباس:
أضحك الله سنك أختي .. إنقليزية يعني تبين تنطقين المعرف city_dreem ؟:smile: ..
dreem's secret why is نهايجها؟=city_dreem ٍ خيمة ٍلها بأطناب :)
أرب فهمت معنى ؟ :) إن شاء الله .. |
اقتباس:
الصفحة منها زادت وهايجها=هلا بها عِد المطر سكـّاب :)
وفاا .. صح بدنك .. |
اقتباس:
ولو ؟! فالعين ما ترقى حجايجها=الذوق كلك ذوق بطن وثياب
أشكرك عزيزتي ولا داعي لأن تستأذني بارك الله فيك .. |
| الساعة الآن 7:45 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab