يابو سعود البارحة تالي الليل============= حلمت حلم يا العصيمي مصيبة
البرق يبرق بس مابه مخاييل=============== وصوت الرعد ذيب تزايد قنيبه
والأرض رويانه وتمشي كما السيل============ والناس تمشي ما تحسب لمصيبة
ومريت لي وادٍ خلي من الزيل============ مابه خضار ولا يروي قليبه
وحلال خلق الله ضمايا جهاجيل===========هزيل ما يروي عياله حليبه
ومشيت ما يقرب مع الأرض بالميل=========تسعين ميل وكل ميل بجديبة
ولقيت لي ناس عراة مهابيل============والأرض عند الناس ذولا خصيبة
واقمت فالديرة حوالي مية ليل==========لين ان راسي لاح يالقرم شيبة
وصحيت من نومي وانا آحط وآشيل======سؤال حيرني ومثلك يجيبه
حلمك ترا واضح ولا فيه تفصيل=======والله ترا ما فيه شك وريبة
يامن دخلت بكار من غير تحصيل======أبعد عن الداب وتجنب شعيبه
سوق ترا مافيه يا كود تطبيل========بيشة على الكهرب وصدق وطيبة
بترولنا ياخوي يمشي كما السيل===== والديرة بخير وعز وهيبة
سوقك يبي يآخذ من الحط والشيل=====مدة ثلاث شهور مشقوق جيبه
لكن تبي تفرح وتسمع تهاليل========من بعدها والله عليم بغيبه

المشاركة الأصلية كتبت بواسطة قمـر الريـاض والله هذي يادكتور بننقلها للمنتدى الاقتصادي وبنثبتها ثلاث شهور هونيك :) وصــــــــــــــــــح لسانك تعبير وبالشعر ماشاء الله وش بقيت لنا :)

المشاركة الأصلية كتبت بواسطة نوراي دخلت اقرء موضوع وطاحت عيوين على هالعنوان ...رؤيا تركت الموضوع وجيت اركض رؤيا الحق .. صايرة كاني شارلك هولمز وانا اتقصى تعابيبر الشيخ فهد .. بس حسافة ابي ترجمة قمر بدل ما تقولين هونيك وهون وتنقلين ترجمي ..ولاّ بس فالحة تقولين تبين اتنافسيتن الشيخ ..و بعد الترجمة انقليها منتدى تعليم التعبير خاشينها عني ..:mad: شافت بترول قالت اقتصاد

المشاركة الأصلية كتبت بواسطة قمـر الريـاض ههههههههههههههههههههههههههههه لا والله يانوراي شفت تطبيل وبيشه قلت اسهم :sm59: وآمري وش تبين اترجمها لك فرنساوي والا انقلش ههههـ :biggrin:ـهههه