|
بعد أربعين سنه من شراء الارض من عمي وابي يقولون ؟؟؟؟؟؟؟
السلام عليكم ورحمة الله وبركاته.
قصه وكارثه وضلم حصل من اعز الناس لنا وهم عيال عمي اخو ابي سبحان الله .والله ما احدثكم الا بالحقيقه ويشهد عليه ربي .انا اخوكم ال الساده الشريف . القصه تبدئ .من ابي الله يطول في عمره.وعمي الله يرحمه ويسكنه الجنه .يقول ابي قبل اربعين سنه كنت انا وعمك نعمل سويا وناكل سويا ووالله حتى اذا شرينا الملح اننا نتقاسمه..فمابالكم .فقد كانت عيشتنا صعبه .وحتى الخبز نقسمه على عشرة انفار .فما نحن منهم ذالك الوقت .المهم... عرض علينا جدي .ان نشتري اراضي زراعيه كبيره في ذالك الزمن فشريناه بأربعة الاف وخمس مائة ريال .يقول ابي عمك دفعها وقلت له سأردها لك ماتى مستطعت .فمن. طيبت عمي شراه وكتب الصك بأسمه واسم ابي ..وبعد مده اعطيته حقه وستوفى ...وقبل عشر سنوات توفي عمي الله يرحمه .ويسكنه الجنه .وكان ابي. اكثر الناس حزن عليه .لان لا يملك الا اخا واحدا فقط .المهم قبل ايام وبالتحديد قبل شهر اتوا اولاد عمي الي ابي .وطبعا اكبر واحد فيهم عمره اربعين واصغر واحد عمر خمسه وعشرين .اتوا الي والدي وقالوا له نريد ان نؤجر هذه المزرعه ونستثمرها .قال ابي زين كويس .طيب .وقالوا لا نعطيك ريال لان فلوس الاجار نبني بها عمائر او فنادق .طبعا اولاد عمي حالهم ميسور ويملكون اراضي ومحلات وحالهم ماشاء الله ميسور .قال ابي لهم قسمي اعطوني من الارض واجروا انتم على كيفكم .فرفضوا وقالوا له اساسا انت ياعم لم تدفع والي اخره ابي والله والله انصدم من فعلتهم ولم يستوعب كلامهم قال يا اولادي والله العضيم اني اعطيت ابوكم وقالوا له لا تحلف فعندنا شهود انك لم تدفع ريال واحد .المهم ابي والله مصدوم .فأخذ ابي الصك واراهم وقال لهم كيف ابوكم .بيسكت عني كل هذه السنين وانا لم ادفع وكيف انهوا لم يخبركم اساسا ومن اين اتيتم بالشهود وكان لايدخل بيني وبين اخي احد ولا احد يعلم مابيننا .فسبحان الله .هذه الدنيا لن نأخذ منها شيأن غير الذكر الطيب..واذا الناس احبوك ترحموا عليك .واذا لم يحبوك دعوا عليك فوالله والله ...وهذه رؤيه لزوجتي ووالله لن اكذب عليكم . الرؤيه . تقول رأيت ابوك .وهوه جالس على كرسي فوكان رجل يقول انهم تلاعبوا في الاوراق .وانهم زوروا في الاوراق .فما رأيكم في هذه الرؤيه .سبحان الله . طبعا .هم سيتقدموا للمحكمه بشكوى ويقولوا فيها بأن ابي لم يدفع .ومعهم اربعة شهود فأقسم لالله ان ابي لم يشهدهم في ذاك الوقت وكان الامر بينه وبين اخوه رحمه الله .والصك فيه اسم ابي وابوهم . فمارأيكم اخوتي افيدوني ماذا نفعل . والله اني اتصل على ابي واقول له ادع لهم. بأن الله يهديهم والله ان دعى اليله لهم بالهدايه فأسال الله ان يهديهم .وتخيلوا معيي امهم ذهبت الي اختي .وقالت الله يهدي الاولاد .مدري وشفيهم على عمهم .والله اني قلت لهم هذا حق عمكم اعطوه حقه .وقالوا لي مالك شغل .والله اعلم . اسال الله لهم الهدايه يارب وان يصلح الحال بيننا يارب . اخوكم ال الساده الشريف. |
وعليكم السلام ورحمة الله وبركاته
أخي ال ساده مشكلتك ليس فقط انت من تمر بها فغيرك كثير ومنهم ناس انا شخصيا أعرفهم. وتقريبا نفس القصه ارض ولها زمن طوويل والمشكله معى عمهم وووالدهم توفي سبحان الله نفس القصه بس اللهم يريدون بيع الاراضي وعمهم حالة الصحيه وتلنفسيه والماديه ليست تمام لكن نسال الله لهم الهدايه فعلا.الفلوس تغير النفوس والعياذ بالله أسال الله الكريم بمنه وكرمه ان يفرج هم ابيك وهمكم وان يكفيكم شر من اراد بكم الشر أخي اهم شيئ نفسبة الوالد. حل اامشاكل بهدؤء وادخلو من اهل الخير بينكم ليصلحو الموضوع. وان شاء الله ﻻ تصل للمحاكم وعسى ان تكرهو شيئ وهو خيرا لكم ... أن شاء الله نسمع قريب انكم حللتم الموظوع بود وسلام الله يصلح الحال والاحوال للجميع يارب فما نحنا سوا مغادرون وتاركين الدنيا بما فيها فماذا قدمنا لحياتنا الحقيقيه أسال الله ان يفرج همك أخي ال ساده وان يوفقك للصواب والخير والفلاح. أنه القادر على كل شيئ اميين يارب |
وعليكم السلام ورحمة الله وبركاته
لاحول ولاقوة إلا بالله .. اسأل الله تعالى أن يصلح حالكم ويفرج همكم |
السلام عليكم ورحمة الله وبركاته
لاحول ولاقوة إلاّ بالله والله دنيا مالها أمان,,والله لم يحزنني سوى حال أبيك ,,خصوصا أنه دفع نصيبه في هذه الأرض,,والآن ابناء أخيه ينكرون هذا,,وسيتقدمون بشهود "زور" ليشهدوا على شيء زورا وبهتانا,,يعني كأنهم استغلوا موت والدهم,,وانقلبوا رأسا على عقب على والدك,,وانكار نصيبه الشرعي. أسأل الله أن يفرج همكم,, طيب ((لماذا لا تجتمعون أنتم ووالدكم بأبناء عمكم بجمعة أسرية,,دون أن يتدخل أحد لامن قريب ولامن بعيد,,والتفاهم وايضاح الأمور فيما بينكم,,وأخذ وعطاء من الوالد لهم,,عسى أن يقتنعوا,,ولاتتأزم المشكلة ويكون بينكم نزاع ربما يفضي لشرخ في علاقتكم الأسرية,,وقطيعة رحم"لاسمح الله",,سيما أن الحق مع والدك,, صدقني أخي الكريم"الكلمة الطيبة تفلق الصخر" كما يقال,,فلابد من التفاهم فيما بينكم. وأسأل الله أن يصلح أحوالكم جميعا. |
السلام عليكم ورحمة الله وبركاته
حياكم الله اخواني واخواتي موطن وصيد وغيوم . اسعدني جدا دخولكم موضوعي وتعليقكم على الموضوع .وحثكم على الخير بارك الله فيكم .واسعدكم ربي والله ابي اخذ الجماعه وناس فيهم خير وذهبوا الي عيال عمي .وقالوا قدام الناس بأن ابي لم يدفع .وحتى والله ابي اراد ان يحلف لهم قالوا له لاتحلف عندنا شهود .الله المستعان. ابي الي الان يقول شرينا المزرعه في ذالك الوقت ولم يكن موجود الا. اثنين من الرجال. وكلهم. انتقلوا الي رحمة الله وماكانوا يدرون عن مسالة ان عمي دفع .وسبحان الله عمي كان عايش ولم. ولم يقول هذا الكلام وبعد مماته .فعلوا فعلتهم .تعرفون لماذا لان المزرعه قريبه من الشارع وسيأتي عليه شئ اعتقد اجار .ولايريدون ان يكون لابي فيها شئ .نسال الله لنا ولهم الهدايه يارب . والله اني اسعى لحل المشكله بينهم .واقول لابي ادع لهم بالهدايه ويدعي لهم .لاحول ولاقوة الا بالله |
راح أجتماع وباقي اجتماع .اسال الله العلي العظيم ان يضهر الحق امين .وان يهدي النفوس.
|
ياخي. اندفن السر والحق معى عمك والرجال الذين ماتو
ولكن الله هو من يعلم الحق وسيظهره اجالا ام عاجل المشكله قد تاخذ وقت فعليكم بالصبر وياليت من تعرفون من أهل الصلاح والتقى ان يحاولى مره واثنين وثلاث ﻻ تنحل الا بالمواصله لحل الازمه والتذكير بان هذا ظلم. واكل مال الاخرين بغير حق فما عساهم فاعلين امام الله وبعدين امهم تعرف فهي شاهده على الموظوع لعل أحد من أخوتها او أهلها ينصحهم ويذكرهم بالله الله المستعان فرج الله كربكم وسخر لكم عبيده وكفاكم الله ما أهمكم. اللهم امين |
وعليكم السلام ورحمة الله وبركاته
لا حول ولا قوة الا بالله. ...اسال الله العلي القدير ان يفرج همكم وييسر امركم اخي ال الساده وان يصلح الحال بينكم الله يهديهم والله حزنت على حال الوالد بعد هالعمر اسال اله ان يحفظه لكم ويطيل بعمره ....والله ياخي اني اعرف قصص يشيب لها الراس والسبب المال او العقار او الورث ...الله المستعان اسال الله ان يوفقكم لما فيه خير وييسر امركم وباذن الله ...نسمع ااخبار طيبه |
وعليكم السلام ورحمة الله وبركاته يسر الله امركم ويسر الله امركم عليكم في سهام الليل ارفعو ايديكم واطلبو من لايخيب عبدهـ الله ينصركم وياخذ حقكم بدون مشاكل يسر الله امركم |
وعليكم السلام ورحمة الله
والله أغلب المشاكل اليوم لهده الأسباب الله يفرجها عليكم .. طيب أسأل ابوك ماعنده شهود وكيف عيال عمك يرتاحو بشهادة الزور لا حول ولا قوة إلا بالله .. لازم احد يدخل بالموضوع ويفهمهم بطريقة غير مباشره انه مراح يستفيدو وهم يأخذوها بالزور . عليك بسهام الليل فأنها لاتخطي ان شاء الله تبشرنا بحل المشكله |
نسيت لأقولك تقدر تكلم محامي شاطر وتعطيه الصك ويشوف لك حل ان شاء الله
|
السلام عليكم ورحمة الله وبركاته اخي ثق لك انا عندنا دار جدي عندهم ارض وواحد اخر ارضه بجانب ارضهم حاب ياخدها متل قصته حصتهم ما كفتهم حاب ياخد كل شيء بس بادن المولى ما ادخدوها في المحكمة غلبوها والرجل هدا عنه المال والمعارف بس الله اكبر واكبر واكبر ما ينصر الظالم
|
الله ينصركم ياأخي الكريم
مادام إنك ولد عمهم عندي فكرة لك تقدر تفكر في أطيب واحد من أولاد عمك هذول أو أكثر واحد تحس إنه يميل للدين لأنو مادام إنهم جماعة أكيد واحد منهم هو اللي مسيطر على الباقيين وهم ماشيين على رأيه ولو كان عندهم تأنيب ضمير بسيط فهو مسيطر عليهم المهم أدخل من هذا المدخل شوف الطيب فيهم وكلمه بينك وبينه حاول تأثر عليه دينياً قله (المال الحرام يفنى ويُفني صاحبة ) وقله بعد إنت وش ضمنك إنو أخوانك بعدين ماينكرون حقك مثل ماسوو مع عمهم ،،خله يقلب على أخوانه |
يا اخي مثل هالمشاكل كثييييييييير
هذول اولاد عمك اللي انكرو ابوك فما بالك لمن الاب يكون حاط مبلغ عند ولده ويقوله اصرف علي منه طول العمر ويخلص المبلغ والولد يصرف من عرقه على ابوه وامه واخوانه وزوجاتهم وعيالهم والقبيلة كلها وفي الاخر والاب على فراش الموت ينكر ان ولده صرف عليه ويشهد ناس على المبلغ اللي عند ولده ويشعل فتنة كبييييييييرة بين الاخ واخوانه واخواته وابنائهم والله للحين والاخوان والاخوات وابنائهم يطالبوا بحق ابوهم وجدهم من هذا الابن وهم مالهم شي عنده في الاساس الا الزيادة عندهم لانه هو اللي كان متكفل فيهم سنيييييييييين ربي يفرج همك وهمنا وهم المهمومين من المسلمين وينصركم على من ظلمكم ويظهر الحق ويبطل الباطل |
اللهم امين بارك الله فيكم جميع واسال الله العلي العظيم ان يهديهم وان يصلح بيننا .اللهم أمين.
|
الله يصلح بينكم ويظهرالحق اخي انصحكم بالدعاء صدقني ممررناباشدمن هذاالموقف وكادت تصل للمحاكم وكنت اري اهلي بهم لايعلمه الاالله وكنت ادعوالله بكل وقت ان يفرج عناواكرريامدبرالاموريامن في تدبيرك مايغني عن التدابيردبرنابتدبيرك ولاتنس دعاءالهم والكرب ووالله انهافرجت بطريقه لم نتخيلهاوانحلت المشكله بأفضل مماتمنينا والحمدلله رب العالمين فرج الله عنكم وعن كل مظلوم
|
الاوشهاااااادة الزور الاوشهااادة الزور
لاحول ولا قوة الابالله فرج الله همكم ويسر امركم |
وعليكم السلام ورحمة الله وبركاته نسأل الله لهم الهداية وأن يريهم الحق حق ويرزقهم إتباعه آمين. |
وعليكم السلام ورحمة الله وبركاته
سبحان الله القصه قريبه لقصه ابي ولكن المحزن ان اثنين من اخوان ابي هم من سلبو حق ابي... حين كان والدي اطال الله في عمرة شابا جمع مبلغ من سنوات وهويجمعه اشترى ارض واراد ان يبني منزل وأمن الفلوس عمي الصغير وكان مبلغ كبير ولكن يصل فوق المليون. للﻷسف سلب المال كله وخان اﻷمانه..وﻻريال بقي..ولكن جدتي رحمها الله توسلت لوالدي بأن يسامحه واستجاب والدي سامحه لوجه الله ثم ﻻرضاء امه.. وفوق كل هذا تكفل بتزويج عمي ...ونسي الماضي وبعد ان توفي جدي وجدتي رحمهم الله قام عمي بالصغير بيع ذهب جدتي رحمها الله الذي اشتراة والدي لها.. وهويسكن ببيت جدي الذي بناه والدي..يسكن هووعمي الكبيرمنزل جدا كبير واستولى على جزءكبيروضايق عمي الكبيرولكن كان يسكت له..لكبرسنه..وضعفه.. وجدي الله يرحمه ترك مزارع مرات سنوات وهي ذابله وراح عمي الكبير يهتم فيها واحياها بعدموتها زرع النخيل والمانجو والجوافه والملوخيه والموز والطماطم واليمون و....الخ وراح يبيعها ودرعليه الربح ولكن عمي الصغير طالب بقسمه مناصفه بحجه ان اﻻرض ليست لوحدة وصارعمي الكبير يقسم الربح بينهم وعمي الصغير يأتيه الربح وهوجالس.. وبعد سنوات عمي اﻻوسط اكبرمن والدي ب2سنه..اخذاحد اﻻراضي تبع جدي وسجلها بأسمه دون علم أخوته..واكتشفنا انه بصم جدي وهو مريض دون وعيه وكذب عليه وقال انه سيبني سور لﻻرض وﻻيمكنه اﻻان تكون ملكه .وعرفنا بعد وفاه جدي بسنوات ولكن والدي وعمي الكبير لم يتكلمو بكلمه وﻻيريدان المشاكل والقطيعه..واكتفو بحسبي الله ونعم الوكيل.. وايضا والدي عندة ارض شراكه هو وعمي مسجله بأسم عمي اﻷكبر والله اعلم ان عمي سجلها بأسمه وﻻنعلم الى اﻵن.والمشكله ان والدي له النصيب اﻻكبر من اﻻرض والدي دفع الضعف فيها.. ولكن في النهايه هذه فلوس دنيويه..فسبحان الله والله حياتهم مافيها بركه...والحمد لله..فلست وحداخي ا السادة.ذكرتني بهذه القصه..فقلت اسردها لعل ان تخف همومكم حين ترون هموم غيركم.وأسأل الله ان يفرجهاعليكم..وسيظهر الحق ولو بعد حين ..دائما ارى ان وامي ان عمي واوﻻدة يخرجوننا من بيتنا ونسكن بالسيارة او في خيمه وتكررت.. فجاء ببالي ان عمي سلب حقنا وفعﻻ هوكذلك... ونسأل الله ان يهدي اوﻻدعمك وينصركم ويظهر الحق بعدله وحكمته.ويصفي القلوب وتعودو احباب..انه على كل شي قدير... |
أشكركم جميعآ يا أخوتي .والله انكم خففتم عليه همي .أسال الله العلي العظيم ان يهدينا جميعا وان يصلح الحال .والله يا أخواتي اني اصل الي اني اريد الدعاء عليهم ولاكن اقف واتذكر بأن ادعوا لهم بالهدايه اسال الله ان يهديهم ..والله يا أخواني ..انني اتذكر ونحن صغار وعمي وابي والعائله كامله نذهب الي هذه المزرعه .ونلعب ونمرح ولانفكر بقسمه او بمال .او ان نأخذ حق احد وهم كذالك .الله يرحمك ياعمي .والله اني احب عمي
|
[SIZE="5"]والله العضيم اني لست حزين على المزرعه لان عندنا صك يثبت حقنا..ولاكن انا حزين على عيال عمي .كيف قدروا يوقفون في وجه ابوي ويقلوله انت مادفعت قدام الناس .والله والله والله ..ماني مصدق الي الان انهم سووا كيذا ..والله يا أخواني اصحى من نومي واقول يمكن حلم زي المصدوم ...
وتخيلوا بعد وما ذكرته في نفس القصه..عيال عمي منهم اثنين متزوجين عندنا .وسالتني اختي قالتلي يخوي احس في نفسي شئ قلتله لا بيتك وعيالك .ولاتدخلي في هذه المواضيع اطيعي زوجك بما يرضي الله .والي بيكتبه ربي بيصير [/SIZE |
نسأل الله أن يفرج همكم ويصلح ذات البين بينكم
|
لا حول و لا قوة الا بالله العلي العظيم
الله يهديهم وظلم ذوي القربى أشد مضاضة . . على المرء من وقع الحسام المهند |
جزاكم. الله خير اختي الخنساء واختي دموع أنسانه أسال الله العلي العظيم أن يهديهم
|
أخي ال السادة الشريف,,
ياليت تطمنا أول بأول عن آخر ماتوصلتم اليه,, وإن شاء الله تبشرنا في القريب العاجل بصلاح أموركم . |
اقتباس:
والله لو اعلم ان معهم حق اني لاوقف معهم واقول لابويه تنازل .ولاكن يا أخواني كيف بينكتب الصك بأسم ابوي وعمي وعاش عمي بعد ماطلعوا الصك قرابة الخمسه وعشرين سنه .ولم يطلب ابي ريال واحد .وقد سبق ان ابوي وعمي باعوا جزء من المزرعه وتقاسموا البيعه .فسبحان الله .مات عمي والله يرحمه ويسكنه الجنه |
وعليكم السلام ورحمة الله وبركاته
الله يصلح الحال يارب ويهدئ النفوس اللهم اامين والله يأخي قصتنا مثل قصتك بالظبط أنتم عمكم وأحنا خالنا ولكن الحمدالله بعد صبر طال 30 سنه رجع الحق لنا والحمدالله وأسأل الله أن يرجع حقكم عاجلا غير ااجل اامين يارب ولا تنسئ ربي العالمين يمهل ولا يهمل |
كان الله في عونكم
صراحة زمن يخوف ما تعرف الظالم من المظلوم حتى الأخ ما يعترف بأخوته والأم ما تعترف بعيالها وتكون بغي عليهم 000الخ أما مسألتك أخوي حاولوا تذكر وهم بالله و الآيات القرآنية والعواقب اللي ستحصل بسبب فعلتهم والله يهديهم أن شاء الله |
| الساعة الآن 4:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab