بنات ساعدوني ..ايش هذا المرض..
 

السلام عليكم ورحمة الله وبركاته..
بنات اختي راحت لمعالجه بينتها وقالت له ان بنتك صايبتها الخصره..؟؟!!وتقول اختي مااعرف ايش هذا المرض..بنتها عمرها23سنه ويوم كشفت عليها المعالجه كانت تشعر ببروودة الأطراف علشان كذا قالت عندك الخصره ..الي تعرف ايش هذا المرض تقولي علشان اختي خائفه على بنتها..وماقدرة تستفسر كثير من المعالجه علشان عليها كثير زحمه..

يعني مافيه احد يساعدني ....؟؟؟؟؟؟

والله العظيم أول مره أسمع فيه

بس ان شاء الله راح أسألك عنه وان شاء الله أجيب لك الرد.

شـكــ وبارك الله فيك ـــرا لك ... لك مني أجمل تحية .

الله يشفيها ويبعد عنها كل شر

السلام عليكم ورحمة الله وبركاته
وسلامة بنت أختك وماتشوف شر
شوفي ياغالية بقولك الكلمة وش تعني عندناوإن شاء الله يكون المعنى صح
حنا نقول شيء خصر ,,يعني بارد
واعتقد المعالجة تقصد ان بنت أختك مصابة بالبرودة,سلامتها وما تشوف شر إن شاء الله
لا تعتمدين على تفسيري أنا قلت لك الكلمة بالمعنى اللي حنا نستخدمه واعرفه,
والله العالم,
أختك في الله //كلي ثقة بربي

خليها تروح لمستشفى اضمن الله يشفيها

جزاكم الله كل خير ولايحرمكم ربي الأجر ويريحكم دنيا واخره ..هي كشفت طبي بس مافيها شي الحمدالله غير القيلون بس مسكينه وزنها ضعيف وبعد غير ثابت علشان كذا راحت للمعالجه بس هي تقول انا خائفه من الخصره الي تقولها ..انها شي يؤثر على صحتها علشان كذا اسأل ابغي اريحه من التفكير في بنتها..

شـكــ وبارك الله فيك ـــرا لك ... لك مني أجمل تحية .

يمكن عندها فقر دم ,, أنا عندي فقر دم وتبرد اطرافي (( القدم واليد )) ,, الله يشفيها ,,

السلام عليكم ورحمة الله وبركاته

(حبيبتي,,يايمه فداك العمر كله,,أنا سألت الوالدة,,وقالت انه فيه مرض يسمونه أهل الجنوب(الخاصره)وهالمرض يكون في أسفل الظهر وعلى جوانبه ناحية الكلى)ويشعر معه المريض بألم شديد.
فإذا كانت بنت أختك(الله يشفيها يارب)عندها ألم في نفس هالمنطقه معناه المرض اللي قلت عنه,,والله لايقولها ان شاء الله

أما (الخصره)فقالت انها ولاعمرها سمعت فيه حتى جداتي مايعرفون (الخصره)بها النطق هذا.

وأسأل الله ان يشفيها ويعافيها,,ولابد من مراجعة المستشفى والكشف عليها خصوصا لو كانت تعاني من هالأعراض,,,وان لم تكن هذه الأعراض أفضل ترجعون لنفس المداوية وتستفسرون من اللي قالت لكم عنه,,وايش العلاج المناسب لها.

وآسفه على التأخير في الرد.