|
ساعدوو أختكم العروس الحزينه
السلام عليكم ورحمة الله وبركاته كيييف الجمييع ؟؟؟ أنا تزوجت قريب ولله الحمد ,لي تقريبا شهر ونص .. وحاليا مستقره ولله الحمد ف احد محافظات المملكه .. لكــــــــــــــن عندي مشكله نوعا ما.. المنطقه هذي مافيها احد اعرفه الا زوجي .. مااعندي احد ........ أحس اني وحيييييييييييييييييييييييييييييييده وبمووت من الوحده ..والله احيانا اجلس اببببكي من كثر ما أحس بالوحده... ماعاد ودي اتعب زوجي اكثر واصير كل اسبوع عند اهلي , واذا رجعت احس بفقدهم ..لأن اهلي ف مدينه تبعد عنا 4 ساعات..واذا وصلني زوجي على طوول يرجع لعمله .. فأتحمل الوحده ولا عاد طلبت منه يوديني من خوفي عليه من الطرق والتعب .. لكن الآن افكر اعود نفسي على الوضع والوحده .. ولكن اذا طلع زوجي لعمله اححححسسس بحزززززن والوحده والوحشه .. ودي التحق بدار تحفيظ عشان اراجع حفظي لكن عمل زوجي يقيده انه مايقدر يوصلني دائما وما أضمن اني الاقي دار قريبه ... ارجوووووووووووووووكم جميييييعا ساعدووني انظظم وقتي واشغله بما يفيدني .. اختكم الحزينه: الى القمه |
سلام ادخلي تحفيظ قران تستفيدين دين ودنيا فيها الظاهر باصات للتحفيظ روحي معهد او اصحاب زوجك مالهم اهل زوجات تعرفي عليهم
|
اذا حولك جارات كوني علاقة معاهم
اذا في هواية انتي تحبينها نميها وانتي في بيتك نمي الطبخ وابدعي فيه وعسى الله يوفقك ويسعدك في زواجك |
مشكورات اخواتي على اهتمامكم ..انا خلصت الثنويه ودخلت دبلوم معهد علمي 3 سنوات وختمت فيه الاقرآن ولله الحمد ..
بس المشكله ان مراجعة القرآن يبغالها محفز وصحبه .. وزوجي من النوع اللي مايحب الاختلاط الكثير من الناس ,, احنا يادوب نجلس مع بعض....... |
ماشاللة تبارك اللة حافظة القران طيب لية ماتدرسين بتحفيظ قران مدرسة يعني
|
أولا : الله يوفقك ويسعدك ويرزقك الذريه الصالحه .. ثانيا : أنصحك بالأستماع لأشرطة القرآن حتى تراجعين ماحفظتيه .. ثالثا : اذا أنتي من النوع اللي تحبين تقرأين أشتري كتب ومجلة حياة جدا رائعه .. رابعا : خصصي يوم لتنظيف البيت ويوم لغسيل الملابس والكي .. خامسا : وأهم شي تخصصون يوم لكم يعني تتمشون وتغيرون جو .. |
شـكــ وبارك الله فيك ـــرا لك ... لك مني أجمل تحية .
|
الله يعنيك
الغربة صعبة |
السلام عليكم ورحمة الله وبركاته أولاً مبارك عليك الزواج ثانياً : الغربة فيها شئ من التعب على البعض و هناك من يسعد بالغربة ليتفرغ للقراءة وغيره فإن كنتِ لا تعرفين إشغال وقتك في حفظ القرآن لوحدك فإنك تستطيعين المراجعة مع أي من صديقاتك سواءاً هنا في المنتدى أو في مدينتكِ عن طريق الماسنجر أو برنامج السكيب وغيره من البرامج التي تستطيعين فيها التواصل وقضاء وقت الفراغ واجعلي لكِ وقت ولو يسير لقراءة القرآن وكذلك قراءة الكتب النافعة كذلك لو استطعتِ وضع درس علمي لكِ في الصباح فهذا جيد جداً ويكون بالإستماع والتعليق على المتن وفقكِ المولى لكل خير |
أختي تعاني من نفس المشكلة
صدقيني يا أخية مافيه أزين من صحبة الجارات الطيبات وفي الغالب ، منهم من لها نفس اهتمامك بحفظ القرآن |
الله يوووفقكم جميييعا ويسعدكم ..
راح آخذ بنصايحكم جميعا ان شاء الله.. ومن عنده مزيد فلا يبخل علي ... فعلا الغررربه مره صعبه على النفس .. بوركتم.. |
مبارك الزواج اختي الى القمه ، اعااانك الله على الغربه ، ابدأي انتي بالتعرف على جاراتك ، وسجلي في دور للتحفيظ وبما انكِ حافظه للقرآن ربما تستطيعين تدريسه سواء في دور التحفيظ او في المنتديات، حاولي اشغال وقتك في القراءه ومراجعة القرآآن ، يسر الله امورك اختي الفااضله ... |
ألـــــــــــــــــــــــــــــــــــــــــــف مبـــــــــــــــــــــــــــــــــــــــروك
الله يكون بعونك الفراق عذاب واللقاء جنة الاحباب |
موفق بإذن الله ... لك مني أجمل تحية .
|
شـكــ وبارك الله فيك ـــرا لك ... لك مني أجمل تحية .
|
الله يسعدك ويعينك.. وبإذن الله بتفرج عليك قريب وبتكون في يوم من الذكريات.. |
اقضي وقتك مع الله والله مافيه احلا من كذا اسبح استغفر ا
اصلي كثير |
الله يعينك يارب حاولى تتعرفي على جيرانك
كملي دراسه اشتري كتب وحاولى تروحي للتحفيط لو مو كل يوم |
السلام عليكم ورحمة الله وبركاته
حبيبة أكثري من قول *اللهم اني أسألك الأنس بقربك* فكرة العلوم الشرعية ممتازة بس تريد منك عزيمة وبحث في بيتك أخيتي وعلى الحاسوب |
حبيبتي قسمي يومك واعتبري هذا التقسيم الزامي كانه دوام رسمي اصحي من الفجر صلي ثم اقرئي قران الى شروق الشمس ثم صلي الضحى وروحي المطبخ جهزي حلى لزوجك و استشوري شعرك والبسي لبس حلو له بعدين نامي حتى يجي وقت الغداء ثم اطبخي غداكم وجهزي قهوتك مع الحلى الي سويتيه في العصر واذا خرج زوجك امسكي شغل البيت تراه ما يخلص بالذات مع الغبار مره امسحي الجدران ومره المكيفات ومره الارضيات والشفاطات وهكذا ما تحسي بالفراغ وما حيجي الليل الا انتي محتاجه للنوم
|
| الساعة الآن 11:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab