ملاحظات هآامـه :

* الخبز أهم شي في الفرينش توست. أي نوع خبز ممكن يستخدم بشرط يكون سميك وحقيقي.
يعني الخبز العربي مثلا ما ينفع عشانه نحيف وخبز التوست الجاهز ما ينفع لأنه مليان إضافات تمنعه ينشف
زي الخبز العادي. غير كذا أي خبز ممكن يستخدم سواء كان أبيض ، أسمر ، سادة ، مع إضافات أو بدون ،
دسم وثقيل زي البريوش أو خفيف زي الخبز الفرنسي كلها تنفع. مع هذا أحسن
أنواع خبز للفرينش توست هي الأنواع اللي معها بيض زي البريوش مثلا كون البيض يخليها تنشف stale
أسرع من اللي بدون بيض غير إن نكهتها أفضل، أهم شي لا تستخدمون التوست العادي !!! .
بعض أنواع الخبز لها قشر جدا ثقيل و أحيانا بعد الطبخ القشر يصير
كأنه قطعه جلد فتقدرون تشيلون القشر عن الخبز لو تبون.

* الشي الثاني الضروري هو إن الخبز يكون بايت وناشف قدر الإمكان. نقطع الخبز شرايح سميكة
وبعدين نتركه برا الثلاجة طول الليل بدون ما نغطيه عشان يبات وينشف بشكل أفضل.
العملية اللي تخلي الخبز – و المعجنات بشكل عام – ينشف ويبات موب عملية تبخر مويه عادية.
اللي يصير هو إعادة ترتيب لجزئيات النشا دخل الخبز Starch Retrogradation وهذي العملية تغير
كل شي وتغير كيف الخبز يشرب المويه. لهذا السبب ما نقدر نسرع عملية تجفيف وبيات الخبز في
الفرن ونطلع بنفس النتيجة. الفرن بينشف الخبز ويبخر المويه منه ، بس الفرن ما راح يغير تركيب النشا في الخبز
زي ما الزمن يسوي. الخبز البايت يشرب كمية كسترد كبيره بدون ما يتقطع ويعطينا بعد الطبخ قوام
قوي بس في نفس الوقت كريمي وبدون ما يكون مهري ومقطع زي الخبز الجديد.

* العسل البارد صعب ينخلط مع السوائل وعشان كذا طلبت نسخن العسل في الميكروييف فترة
بسيطة بس عشان يكون أسهل ينخلط مع الكسترد. تقدرون تسوون نفس
الشي على النار ، سخنوا العسل إلين يصير قوامه خفيف وسهل الخلط.

* العسل هنا للتحلية و النكهة بس هو إختياري تقدرون تتركونه لو بتسوون فرينش توست
مالح أو تقدرون تبدلونه بسكر أبيض أو بني أو حتى شراب ميبل maple syrup. لو تبون تقدرون
تضيفون أي نكهة تحبونها على الكسترد زي فانيلا ( أعواد أو سايلة أو بودرة ) أو نكهة لوز أو برتقال أو بهارات زي القرفه أو أي شي ثاني.




المقادير :




خبز يكون مقطع شرايح سمكها على الأقل ١ إنش ومبيتة طول الليل.

نص كوب حليب
نص كوب كريمة (قشطة خفق)
ملعقتين كبار عسل مسخن في الميكروييف ٢٠ ثانيه ( إختياري )


رشة ملح
٣ بيضات
زبدة




الطريقة :



نخلط الكريمة و الحليب و البيض والملح و العسل في صحن خلط إلين يصير متجانس ونغطيه ونحطه في الثلاجه لثاني يوم.
هذا الخليط كسترد و الكسترد يتحسن مع الوقت وعشان كذا نتركه في الثلاجه يتعتق. الخليط ممكن يقعد في الثلاجه
إلى يومين بدون أي مشاكل. في حال كنا مستعجلين نقدر نسوي الخليط قبل الطبخ علطول بس ماراح يكون نفس الشي.

وقت الطبخ نشغل الفرن على ٣٧٥.

الحين نصب الكسترد في صحن مسطح وبعدين نغمس الخبز البايت في الكسترد ٣٠ ثانيه تقريبا لكل وجه.
نشيل الكسترد ونحطه على شبك تبريد دقيقتين تقريبا عشان يتشرب الكسترد.

http://www.abjdeat.com/vb/imgcache_z...0adb68b8c6.jpg


نسخن مقله تيفال على حرارة وسط مع شوي زبده بعد ما تذوب الزبده وتبدأ تطلع رغوة نحط الفرينش

توست ونطبخه إلين يتحمر الوجه الأول بس ، بعد ما يتحمر الوجه الأول نقلبه ونحمر الوجه الثاني.
الحين نشيل الفرينش توست ونحطه على شبك الفرن مباشره ونخليه يكمل طبخ داخل الفرن ٥ دقايق زيادة.
كثير وصفات تطلب طبخ الفرينش توست على المقله بس وهذا شوي صعب وغالبا يا
نطلع بفرينش توست وجهة محروق أو ما أستوى تماما من داخل.



http://www.abjdeat.com/vb/imgcache_z...53423f06f8.jpg


أمثلة لوصفات فرينش توست


خيارات الإضافات اللي على الفرينش توست جدا كبيره زي ما ذكرت قبل. تقدرون تاكلونه لحاله أو تقدرون
تضيفون عليه أشياء زي سكر بودره ، مربى ، عسل ، شيره ميبل maple syrup ، فواكه ، فواكه مطبوخة أو مكرملة ،
بيكون ، بيض ، مرتديلا و بسطرمة وأي لحوم مملحة ثانيه ، كريمة مخفوقه ، إسكريم أو سوربيه ،
صوص كاراميل ، نوتيلا ، مكسرات ، أجبان … إلخ إلخ إلخ



الإضافات هذي مجرد أمثلة لإضافات جربتها و حبيتها بس أنصحكم تجربونها ولو مره.


* فرينش توست بالنوتيلا و الموز : الموز و النوتيلا رهيبين مع بعض ومستحيل ما يعجبون أحد. أهم شي تستخدمون موز مستوي ومنقط.


* فرينش توست الفواكه : مافيه أبسط من كذا ، فواكه مشكله فوق الفرينش توست مع شوي شيره ميبل أو سكر مطحون.



* فرينش توست التفاح و التشدر مع الميبل الحار : التشيدر و التفاح و الميبل رهيبين مع بعض.
اللي نسويه هنا هو إننا نجيب تفاح ونقطعه شرايح جدا جدا نحيفه ونرصه فوق الفرينش توست وبعدين نرش شوي
جبن تشدر على التفاح. قبل التقديم بلحظات نسخن شوي ميبل سيرب maple syrup إلين تبدأ تغلي بقوه
وبعدين نصبها على التشدر وهي حاره، الميبل الحار بيذوب التشدر ويطبخ التفاح شوي ويعطي طعم
رهيب غير إنه حلو في التقديم عند الناس. نفس الحركة ممكن تستخدم بالكمثرى وبأنواع جبن ثانيه زي الكومتي Comte و الجرويير Gruyere.



http://www.abjdeat.com/vb/imgcache_z...a01926862e.jpg

http://www.abjdeat.com/vb/imgcache_z...a4ab19443f.jpg

http://www.abjdeat.com/vb/imgcache_z...59a8054051.jpg

http://www.abjdeat.com/vb/imgcache_z...bea581d14d.jpg

http://www.abjdeat.com/vb/imgcache_z...f06e7d53e6.jpg


* ساندوتش الفرينش توست بالبينت بتر و الموز : ناخذ قطعتين خبز هنا وندهن بينهم بينت بتر و نرص
فوقها قطع موز مستوي مره وبعدها نكمل عادي كأننا نسوي أي فرينش توست ، نغطسة في الكسترد
وبعدها نطبخة وبعدها عالفرن إلين يستوي. في هذي الوصفه أحب أستخدم خبز جوز إذا توفر.

http://www.abjdeat.com/vb/imgcache_z...49a8db7e8b.jpg

http://www.abjdeat.com/vb/imgcache_z...09024ff7d6.jpg

http://www.abjdeat.com/vb/imgcache_z...7bb1914e63.jpg




للشيف : خآلد

المشاركة الأصلية كتبت بواسطة coffee16 (المشاركة 3344364) بشششششهي رب يسعدك ويهنيك دنيا وآخرة يممممي

اللهم امين يارب ومن قال يارب
شاكره لك تواجدك
بارك الله فيك

المشاركة الأصلية كتبت بواسطة هديل35 (المشاركة 3344619) شهي جدا جدا,,,يعطيك العافيه غاليتي.

المشاركة الأصلية كتبت بواسطة بنت ال سعيد (المشاركة 3344652) شـكــ وبارك الله فيك ـــرا لك ...

شاكره لك تواجدك
بارك الله فيك

المشاركة الأصلية كتبت بواسطة حنين سوريا (المشاركة 3345012) شـكــ وبارك الله فيك ـــرا لك ... لك مني أجمل تحية .

المشاركة الأصلية كتبت بواسطة NADERT ALWJOD (المشاركة 3345401) شـكــ وبارك الله فيك ـــرا لك

المشاركة الأصلية كتبت بواسطة ليبية وبس (المشاركة 3345971) هائل ولذيذ يعطيك العافية

شاكره لك تواجدك
بارك الله فيك

ما شاء الله .. يفتح النفس ..

يعطيكم العافية ..

المشاركة الأصلية كتبت بواسطة Storey (المشاركة 3351382) ما شاء الله .. يفتح النفس .. يعطيكم العافية ..

المشاركة الأصلية كتبت بواسطة امنيات مؤجلة (المشاركة 3356359) شكراً لك يعطيك العافية

شاكره لك تواجدك
بارك الله فيك

المشاركة الأصلية كتبت بواسطة الماسه وبس (المشاركة 3358385) ماشاء الله حلوووو تسلمي اختي

شاكره لك تواجدك
بارك الله فيك

المشاركة الأصلية كتبت بواسطة ام عطيه (المشاركة 3359514) معزومعه انا على هالطبق ششكرررررررررررررررا