|
ارجو المساعده
السلام عليكم ورحمة الله وبركاته
انا اختكم في الله اتمنى تتفعالوا معي ولاتتركوني انا انسانه متخرجه من الثانوي لي سبع سنوات ولم يكتب لي ربي لاوظيفه ولازواج انا انسانه احب الخير وطيبه واحافظ ع صلاتي وكنت اقوم اليل ووالله اني اشوف في قيام اليل الراحه والطمانينه والسعاده وادعي بصلاتي وتتحقق لي اشياء فسبحان الله بس تجيني ايام وشهور لااطيق نفسي واتمنى الموت ماودي اتزواج ماودي اعيش كرهت نفسي اخاف افقد احد من اهلي اواقاربي واهملت صلاتي واذا صليت لاخشوع في صلاتي احس اني فاشله اخاف من الزواج احس ماني نفس البنات الباقين مع اني بشهاده الكل انسانه حلوه وجذابه والله انا ماعاد افكر الابالموت دائما ادعي اني اموت وارتاح ايش اسوي ودي ارجع لربي ودي ربي يسامحني انامقصره بنات ساعدوني ادعولي انا في هم كبير بالله قولوالي ايش اسوي ودي اغير حياتي ودي انظم وقتي والصلاه احافظ عليها بس الظهر والعصر تفوتني لاني انام متاخره احس بملل فضيع اكثر وقتي نوم اوعلى النت او عند التلفزيون بالله انصحوني واالله اقبل منكم العتب والصراحه بس دلوني على الشي الصحيح ودي باخت تعينني على الطاعه طول عمري احلم اكون داعيه ادعولي بالهدايه والثبات وراحه البال اختكم مافي شي مستحيل |
يااختي" مافي شي مستحيل" مشاء الله يكفي لقبك ففيه الامل "وتاكدي يااختي ان ربنا سبحانه وتعالى يمتحنا بصبرنا "هل نصبر ام نسخط"واعلمي يارعاك الله ان بعد الصبر الفرج"
واوصيك ونفسي بكثرة الاستغفار وقراءة القران" |
الى اختي مال دربي عناوين
ربي يسعدك ويحفظك على هالكلمات الرائعه واتمنى كل من يدخل موضوعي لايطلع بدون مايرد تكفون ولودعوه منكم اونصيحه يمكن سبب لتوبتي |
انا سأضع يدي بيدك ..
لنعلوو للافق .. بس ابي منك انك تكوونين متواصله معاي في المنتدى طيبـ .. |
انا برضوه بساعدك ان شاءالله في كل شي صعب عليك يمكن صعب عليكي بس احنا نقدر ان شاءالله ومن جد مثل ماقال لقبك مافي شي مستحيل ان شاءالله وليه تطلبي الموت والناس الطيبين مومجودين ومستعدين يساعدونك بس انتي تواصلي معي اومع حكيمه عشان نعرف اشلون نطلعك من الي انتي فيه حتى لو هنا في موضوعك واتمنى يارب اني مانشغل عن المنتدى
|
انصحك بالرقيه الشرعيه
|
موفق بإذن الله ... لك مني أجمل تحية .
|
السلام عليكم ورحمة الله وبركاته أختي الكريمة فرج الله همك وكشف غمك ويسر أمرك أخيتي سأضع بين يديك بعض الأمور لعل أن يكون فيها ما يفرج عنك أولا أخيتي عليك بالرفقة الصالحة التي تعينك على الخير فالمرء قوي بإخوانه ثانيا الفراغ من أضر الأمور على الانسان قال الشاعر ( إن الشباب والفراغ والجده مفسة أي مفسدة ) وأنت ياأخيتي قد اجتمع لديك الشباب والفراغ فاشغلي نفسك بالطاعة كي لا تشغلك بالمعصية ومما يساعدك على شغل وقتك التحاقك بتحفيظ القرءان الكريم تخيلي أخيتي ساعتان يوميا أو أكثر تقضينها في حفظ كتاب الله وسماعة والتأدب بآدابه أضيفي إلى ذلك أنك بمجلسك هذا هناك ملائكة تحفك ورحمة تغشاك وسكينة ومغفرة من الله كيف سيكون حالك أيضا ممكن أن تلتحقي بدورات أخرى حاسب أعمال فنية نشاطات دعوية وبإذن الله ستجدين أن حالك قد تغير 180 درجة |
اختي ......
عليك بقراءه القران دائما والدعاء والاستغفار وهذا كله من وسوسه الشيطان وحاولي ان لاتفكيري كثيرا وان لا تجلسي لوحدك دائما ففي هذه الحاله يستغل المرء في اوقات فراغه اختي ....... الله يسعدك ويوفقك ويغفرلك ويرحمك ويستر عليك ........ |
ينقل للقسم المناسب
|
وعليكم السلام ورحمة الله وبركاته
أسأل الله أن يفرج همك أختي ويرزقك من حيث لاتحتسبين .. أهم شيء الصلاة حافظي عليها في أوقاتها واكثري من الصدقات وقراءة القرآن لأنه حياة للقلب ثم التحقي بأحد الدورات ولو استصعبتي مدتها الطويلة فهناك دورات تقام بالأيام لمدة يومين أو ثلاثة أو أسبوع أو يوم واحد من كل أسبوع حاولي الالتحاق بها والخروج للناس وستشعرين بفرق كبير بإذن الله يسر الله أمرك |
أشكر كل من رد على موضوعي بصراحه حسيت بااحساس كثير حلو حسيت ان عندي خوات
بها المنتدى يحبوني الله ييسر لكم حياتكم ويرزقكم من حيث لاتحتسبون واتمنى اختي الغاليه حكيمه ترد علي ونصير صديقات وتعينني ع امور كثيره اواي اخت بهاالمنتدى كلكم خيروبركه |
انا موجووووده على طوول ..
اذا بدك انا راح اعينك على ارجااعك لذكر الله من هذه الساعه لانو بسراحه شيئ يقهر انك كنتي محافضه على كل شيئ وفجاه حصل انكساااار عندي سؤاال لكـ .. هل تكثرين من الاستغفاار .؟؟ ابغااك من هذه الساعه تستغفرين الله كثيرا مو بنية تحقيق امنيه .. بل بنيه غفراان الذنووب واذا غفر الله ذنوبنا برحمته ثم بأستغفارنا سيحقق لنا كل شيئ في قلووبنا انا معكـ .. |
ومو بس راح أأمرك وانتي تعملين ..
لا حتى انا راح اعمل نفس الي انتي تسوينه عشاان ما تحسين انك وحيده .. وغير كذا حتى انا اقوي صلتي مع الله .. والكل محتااج هذا الشيئ |
هلا حكيمه
أخبارك |
الحمدلله والصلاة والسلام على رسول الله وعلى آله وصحبه أجمعين
|
اقتباس:
والله انا طيبه داامك طيبه وبخير .. |
هلا ياحكيمه انا كنت احافظ ع صلاتي وقيام اليل واستغفر بس ايام كثير يجيني كسل وملل
وطفش واجلس ابكي على نفسي لاني مومرتاحه بس مدري ليش اهملت صلاتي ونومي ثقيل احيان تفوتني صلاه الظهر واحيان لان همي من الصلاه ماانام بعد الفجر اجلس لين الظهر واصلي واصلي كمان العصر اكون مرتاحه لاني صليت ولافاتتني الصلاه بس اكون تعبانه مره واصدع كثير بس الحمدلله على كل شي ويارب يعينني ع طاعته ويجعل همي صلاتي واشكرك ع اسلوبك الرائع ياغاليتي |
اذا ماعليك امر اشلون تنظمي وقتك انا يروح وقتي على الفاضي
فرااااااااااااااااااااااااااااااااااااااااغ غير طبيعي ودي انام بدري واقوم بدري بس ربي يعينني |
طيب ايش رأيك من ناحية انو نومك ملخبط ..
والصلواات تتأخر بسبب السهر راح ابحث لك عن برنامج اسمه برنامج الاذان تدخلينه في جواالك ويسير يأذن مع كل صلاه ..واذا كنتي نايمه تصحين من صووته ... وعشاان نكون اليوم بدأنا بجد ما يأذن الفجر الا واحنا استغفرنا الله كثيرا بنية غفرااان الذنووب طيب |
السلام عليكم ورحمة الله وبركاته
انصحك ان تتبعي برنامج في الرقية الشرعية |
اقتباس:
في حاجاات كثيييييير تشغلين نفسك بها .. انا قد جلست فاااااضيه في البيت لا شغله ولا دراسه ومن جد استمتعت بذيك الفتره قراءة الكتب .. اي كتب عاادي اكيد القرآن توااصلي معاه كل يوم اعملي جدول .. يوومي اشغلي نفسك ببرنامج الفوتيشووب .. والله معد تتركينه حملي برامج عندك على الجهاز نمي مواهبك .. انا افتكر لمن جلست فااضيه في البيت .. نميت موهبتي .. رحت السوق اشتريت .. خيووط عريضه شوي وصناديق وشرايط وكل شيئ فيه لعب رجعت البيت والله جلست اكثر من 3 او 4 شهوور مسليه نفسي اسوي اساور واكسسسوارات وادخل النت واطلع اشكاال جديده .. انا كنت مسويتها لنفسي بعدين يوم من الايام جات عندنا جارتنا ووريتها وانهبلت عليها صندوق ملياااااااااااااااااان تتوقعين ايش سوت .. اخذتها وقالت لي والله تعبك ما يروح بلاش .. اتخيلي راحت باعتها لاهل زوجها .. في ليله وحده ما رجع لي ولا اسسواار وولا اسوره كلها باعتها .. وانا اصلا ما احب الاكسسسوارات يعني عاادي وماشالله جااني مبلغ وقدره من هذه الاساور .. ووالله استفدت من الفكره .. وانا عقلي جدا مو تجااري بس جارتنا تجااريه .. والله انها عسل |
اقتباس:
صح كلامك .. هذا الشيئ ظرووري |
الله يسعدك ياري ويستر عليك يالغاليه
واشكر كل من رد علي |
حاولت كثي في الفيتشوب اتعلم بس عن جد ماعرفت مره صعب
هوبطريق وانا بطريق |
بأذن الواحد الاحد الفرد الصمد راح تمشين على الطريق الي تبغينه ..
وانا ما راح انساك من الدعاااااااااء وهذا اهم شيئ الدعاء وانا معااك على طوول شووفي بما اننا الآن قبل نص الليل الساعه 3 او اربعه نصلي طيبـ انا معاااااااااك لا تنسين |
طيب خلاص انا انتظرك
|
اكتبي لي كيف تقضين وقتك اليومي ..
وراح اساعدك على تغييره .. انا وشوي وراجعه .. اكتبي كل شيئ |
خلاص طيب وباذن الله وعد ماعاد اترك قيام اليل يارب
والله ماتتصوري ياحكيمه يوم كنت احافظ على قيام اليل ادعي باشياء اتمنها وتتحقق لفرح كثير لان ربي ييسر لي ويستجيب دعائي |
طيب انا جالسه اكتب اشوي وارد عليك
|
انااسهر باليل الا8 الصباح طبعا انا استعدلنوم من 6 الصباح بس ماتغفى عينى اجلس لين 8او 9 وانام ومااقوم الا 5المغرب طبعا والله احط المنبهه بس اقسم بالله احيان مااحس فيه طبعا اقوم استعد لصلاه المغرب
واجلس عند النت اوالتلفزيون واذاجاءت الساعه 10 باليل اقوم اصلي العشاء وارجع ع النت او التلفزيون وكذا الا8 الصباح وانام وبصراحه اسمع اغاني بس باذن الله اني احاول اتركها لانها تسبب لي حزن كثير طيب انا اذا صليت مااحس اخشع بصلاتي اعذريني ازعجتك بالاسئله |
شفتي يااختي حكيمه كيف وضعي وحياتي مملله سبع سنوات وانا كذا
والله اتحسر على عمري ووقتي الي مااستفدت منه بس بسالك انا مره حطيت في قسم المجاني حلم ورديتي علي تساليني ورديت عليك ومن ذاك اليوم كل يوم ادخل ولااشوف رديتي علي بالله اذا ماعليك امر كملي تفسير حلمي ماحطيت الاحلمين ولااحد فسرها لي |
اقتباس:
والله وقتك حرااام مضيعته .. ومن سنين وانتي على هذا الرووتين راح يسبب لك اكيد طفش واكتئااب .. وبسراحه والله كأناحد ادااني كف لمن قريت انك تسمعين اغاني .. ليش والله حراام بأذن الله راح اساعدك لا تحزنين ولا تحبطين بل تشجعي .. ان شالله انتي دحين فتحتي صفحه جديده مع نفسك وموضوع الخشووع .. لمن تصلين قبل الفاتحه ..قولي اعوذبالله من الشيطان الرجيم بسم الله الرحمن الرحيم (( لانها دواء للصلاه )) ولمن تقرأيت علي صوتك بقد سمعك .. يعني اسمعي صوتك ..يعنني مو مره ترفعينه .. هذه الطريقه تبعد الشيطان ووسوسته عنك لا تقوولين اعذرييني ... عااادي اي سؤاال اسالي |
اقتباس:
انتي وحيده يعني ما عندك اخواات ؟؟ يله راح اشوف حلمك وان شالله افسره لكـ |
ماافي شيئ مستحيل ..
استغفرتي ؟؟ اذا استغفرتي ماشالله على طوول الله رزقك بفرحه .. ماشالله تبارك الله |
اي والله استغفرت
|
سبحاان الله الذي لا اله الا هو الفرد الصمد
شفتي كيف .. اكيد لانك استغفرتي بنية محو الذنووب مش بنية تحقيق الاحلام ماشالله على طوول رزقك بفرحة سجدتي لاجلها يااااااااااااااارب يجي يووم تقوولين لي انه خطبك ياارب ادعي هذا وقت مستجابه فيها الدعوه .. والله اني جالسه ادعيلك |
اللهم يامن امره بين الكاف والنون
ويا ارحم من الأم الحنون اللهم اجعل أختي حكيمه في الدارين سعيده وعند غفله الناس منيبه واغفر لأم انجبتها ولأب احسن تربيتها واجعل اعلي الجنه دار اقامتها اللهم امين |
آآآمين يااا رب
احلى دعوه قد دعت لي تسلمين يا رب |
السلام عليكم
كيفك اليوم .؟.؟ بسرااحه اشتقتلك |
| الساعة الآن 12:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab