بخصوص جهاز الآيپود ( ipod ) ..
 

السلام عليكم ورحمة الله وبركاته ..

اشتريت جهاز آيپود و حاولت تنزيل بعض المقاطع من الريل بلايير ما تنزل .. حاولت من النت بعد ما يستوي ..

اختي تقول لازم أنزّل برنامج خاص بالآيپود من خلاله أقدر أنزّل المقاطع اللي أنا أباها في جهاز ال ipod و هي بعد حاولت لكن ما استوى !!

ممكن حد يشرحلي طريقة تنزيل المقاطع في الآيپود بالتفصيل ..؟ (أحس الجهاز طاح في جبدي ) !!!

و لكم جزيل الشكر *

بسم الله الرحمن الرحيم

غاليتي انا عندي اي بود ومستعدة اساعدك على فكره هو جهاز حلو وفيه برامج واااايد حلوه ومفيدة

اولا
في بعض المحلات ينزلج برنامج من خلاله تقدرين تنزلين كل البرامج الي تبغينها والي تكون بفلوس وقيمته اعتقد 100 ريال

ثانيا
تقدين لما يشبك بالوايرلس او عن طريق الكمبيوتر انج تفتحين مقاطع باليوتيوب وتحفظينها عندج بالمفضله الي بالاي بود وعيبه انج ماتقدرين اتشوفين هالمفضله الا لما يشبك مع الانترنت

ثالثا
وبما ان عندج اي بود وش رايج اتكونين صديقتي اعلمج اتنزلين برنامج واقدر اتصل فيج عن طريق الانترنت ولازم انتي بعد يكون شابك معاج على الانترنت وبعد اقدر اتكلم معاج عن طريق الاsms وبعد لازم كلانا شابك على الانترنت

رابعا
شنو بالضبط الي تبين تنزلينه بالريل بلير لان في اكثر من برنامج يقدر يفتح لج المقاطع الي تبين اتنزلينها

خامسا
جهاز الاي بود وااايد مفيد وعملي انا وايد احبه وكل ماتعبثتي فيه اكثر بتكتشفينه اكثر

سادسا
في فالجهاز برنامج مكتوب تحته music هاي البرنامج تقدرين تنزلين فيه كل المقاطع الصوتيه الي تبينها وهاي لازم لما توصلينه بالكمبيوتر واذا تبين شرح اكثر مستعدة ابتدي معاج خطوة خطوة


واذا بغيتي اي شي انا مستعدة اساعدج وتقدرين اتراسليني على الخاص اذا بغيتي

ان شاءالله قدرت افيدج

موفق بإذن الله ... لك مني أجمل تحية .

ودمتم سالمين *_*

أنمار  سمر  ساندي 

شكرًا على مروركم العطر

أستاذة أحبس دموعي .. مشكورة حبيبتي على هالشرح الحلو للجهاز .. بس عندي بعض الأسئلة :

** يعني الحين أول شي لازم أسير للمحل و أخليه ينزّلّي البرنامج اللي يسمحلي أنزّل كل المقاطع اللي أباها .. صح ؟؟

** بس اختي ما قالتلي ان الآيبود يشبك بالنت !! أول مرة أدري .. كنت أتحرّاه مثل الـ mp3 تقريبًا ..!!
انزين متى بالضبط يشبك بالنت ؟؟ مجرد ما أفتحه و الا كيف ؟؟؟

** يشرفني تكونين ربيعتي  *.. و الله حلو لو بقدر أرمسج كل شوي و أسولف وياج  !

** فديتج أبا أنزّل سور قرآن / شوية أناشيد / محاضرات / جذي يعني ..

** هيه ، علميني ما اعرف .. بس خطوة خطوة !

** تسلمين الغالية ما تقصرين .

عطيني نوع الاي بود يمكن غير عن مالي لان في وايد انواع شنو اسمه بالظبط علشان اشوف اذا نفس جهازي أعلمج عليه*

وين أحصّل اسمه ؟

بس مكتوب عليه من ورا :

Model A1320 EMC No : 2317

و مكتوب عالعلبة : ipod nano من apple

مالج غير عن مالي نانو صغير أنا مالي الاي بود التج بوكيمرا هاي الي عندك مثل ماقلتي نفس ال ام بي 3 هاي لما توصلينه بالكمبيوتر وتفتحين الاي تونز اتعرفينه تنزلين برنامج الاي تونز من موقع ابل وعندك مثلا مقطع الصوت من الكمبيوتر تنقلينه على الاي تونز وعقب يشتغل بس لازم لما تنقلينه على الاي تونز تسوين له داون لود على جهازج وبيطلع لج على يدج اليسار في برنامج الاي تونز اسم جهازك نانو اذا تبين اي شي مستعده اساعدج*

أنا بغيته حجم صغير عسب أروم أشلّه أي مكان ..

بس اللي عندي فيه كاميرا .. و أقدر أضيف جهات اتصال .. أعتقد أقدر أضيفج و أتواصل وياج ..!

انزين لحظة الله يهديج .. شوي شوي .. أول شي أدخل النت .. صح ؟ و بعدين وين أنزّل برنامج الآي تونز ؟؟ على سطح مكتب اللاب توب و الا وين بالضبط ؟؟

ما عليه بتعبج ويايي .. بس اشرحيلي بالتفصيل الممل ..*

اي اتنزلين برنامج الاي تونز على سطح المكتب انج تقدرين تشوفينه

بعد ماتنزلينه تشبكين الاي بود بالكمبيوتر

اول شي لازم اتحملين الايتونز وهو مهم للايبود لانه يحول الى mp3
اللي تناسب الايبود
وبالنسب لتحميل اللقرآن افتحي لك اي موقع فيه قرآن وحملي منه عادي وبعدين اتنزلينها على الايتونز

طلعت لج من النت طريقة الشرح مع الصور بس الصور ما طلعت لي يمكن تطلع لج وتقدريت تنزلين على الاي بود مالج فيديو
وهذا هو الرابط للشرح

http://arabnokia.net/showthread.php?t=535637

ان شال الله قدرت افيدج

واذا مثل ماقلتي فيه جهات اتصال معناته يشبك بالنت عن طريق وأي فاي تحصلينه داخل ستينغ ( إعدادات ) لما تحطينه على اون بيشبك اوتوماتك بالنت بس اشرحيلي الرسومات الي مرسومة على البرامج الي عندج بالاي بود وبعلمج على طريقة الاتصال وغيرها

مشكورة فديتج .. الحين بسير أتغدى و بعدين ببدأ أنفذ كلامج ..

بكتبلج بعد ساعة تقريبًا ..

اوكي اخذي راحتج

السلام عليكم ورحمة الله وبركاته
أخبارك أحبس دموعي يصلح لي الآيبد ولا لأ يعني هو مثل الاب توب ولا غير ولدي يقول ماما مايصلح لك
وشاكرتلك جدا

شوفي زيونه في انواع للآيبود
في انواع نفس الجوال لكن بدون ارقام هو مفيد وممتع انا الي عندي اقدر ادخل منه للنت وفي برامج قرآن وأذكار وألعاب وبرامج تعليميه للاطفال فيه تقدرين تشوفين منه مقاطع فيديو وفيه كميرا واله حاسبه والبريد الالكتروني وفيه تقدرين لين يشبك بالنت تسمعين اذاعة القرآن مباشر وتشوفين الحرم مباشر فيه دفتر للارقام الهواتف في حال لاسمح الله ضاع جوالج او انكسر اتكونين مخزنه كل شي بالاي بود

زيونة في نوع ثاني نفس الكمبيوتر وضعيف اسمه الاي باد وفيه نفس مميزات الاي بود وينحط بالشنطه انا عندي الاثنين تقدرين تدخلين موقع apple وتشوفينه وفي نفس النوع بس ماركة سامسنغ بس سامسنغ اصغر في الحجم وزياده عليه كيمرا وتقدرين تستخدمينه للاتصال

ما عليج من عيالج بس هم مايبونج تتطورين عنهم هههه
علشان كله تسألينهم وبالاخير يقولون لج انتي اشعرفج بالتكنولوجيا ههههه

هههههه لا لا هو يقولي إخذي سامسونج علشان أصغر ههههه
أنا أبيه علشان النت البريد شكرا وايد على ردك يعني آي باد ولا سامسونج إشرايك

انا اختي عندها اي باد واستخدمه لكن انا ان شاءالله بشتري السامسنغ لانه اصغر ومعاه كيمرا وانا حبيت السامسنغ اكثر هذا رايي ولاتنسين انج تستخيرين قبل لان هاي اهم شي

مرحبا .. شخبارج أحبس دموعي .. عساج بخير ..

أقولج أمي .. أمس فتحت اللاب توب و نزّلت برنامج الآيتونز عليه .. بعدين ما عرفت شو أسوّي ؟؟!!!!

حاولت أنزّل مقاطع عالآيبود .. لكن ما يستويلي ..

ممكن تشرحيلي الطريقة بالتفصيل الممل .. يعني اعتبري نفسج ياسّة تشرحين ليااااهل ..

شكرًا ..

مشكووووره حبيبتي أحبس دموووووعي

السلام عليكم ورحمة الله وبركاته


لا اله الا الله

ماريه

ان شاءالله تلاقين من يشرح لك

لاني ماعندي

بس شكلك اماراتيه وانا احب الامارتيين ,,

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .

اسفه يالغاليه تأخرت بالرد عليج

الحين بشرح لج بالتفصيل

1/ وصلي الاي بود مع الكمبيوتر

2/ افتحي الاي تونز

3/ روحي الى خانة summury

4/ بيطلع لج تحت ثلاث اختيارات اختاري هذا الاختيار
Manually manage music and video

5/ روحي على يدج اليسار الى خانة ال music

6/ بتطلع لج كل المقاطع الصوتيه الي بالكمبيوتر واضغطي بالماوس على المقطع الصوتي الي تبينه وسحبيه الى الاي بود الي على يدج اليسار بتحصلين كلمة iPod تحت كلمة devices

7/ بتطلع لج علامة زائد + عند كلمة iPod ( معناته انه قاعد ينقل المقطع الصوتي )

ملاحظة هامة
لازم المقاطع الصوتيه الي بتنقلينها اتكون كلها mp3 والمقاطع الفيديو اتكون mp4 وفي برنامج ينقل المقاطع الصوتيه الى mp3

اذا ماصار لا سمح الله وطلعت لج اي مشكله قولي لي وانا بعلمج اياها

هههه .. يحليلج 

حبّتج العافية فديتج

أحبس دموعي .. مشكورة الغالية على مجهوداتج ويايي 

ببدأ أطبّق الخطوات باجر .. لأني الحين عندي شغل المدرسة ذابحني ..!

ما ريه ربي يوفقك بدراستك

ويا حبي لك وسلميلي ع الامارات

حبيبتي أنا مدرسة مب طالبة ..!

تسلمين حبوبة .. الله يسلمج يا ربي .

حبيبتي ادخلي هنا وشوفي اللي مكتوب راح تستفيدي كثيرا

افهمي الجهاز اللي بيدك عموما وفي اسئله وفيها اجابات راح تستفيدي

اضغطي هنا



وهذه اسئله مهمه اعتمدي على نفسك وحاولي الجهاز معاكِ بس المهم تكوني جريئه بالاستخدام

هذه الاسئله
كيف أستطيع نقل أو نسخ الموسيقى من آي بود إلى الكمبيوتر الخاص بي؟
كيف يمكنني نقل الصور من جهاز الكمبيوتر إلى أجهزة أي بود الخاص بي ، آي بود نانو ، أو آي بود؟

كيف يمكنني إضافة أو حذف الصور أو الأغاني على آي بود؟

اضغطي على كلمه كيف البنفسجيه تدخلي على الاجابه

شكرًا جزيلًا أستاذة الأمل بالله .. بارك الله فيج ..

يختي تعبت و أنا أحاول أنزّل المقاطع عالآيبود .. بس ما يستويلي .. 

احتمال جهازك مافي برنامج للتنزيل خذيه للمحل نفسه وراح يضبط الجهاز يعني لازم يكون هناك برنامج للتنزيل المقاطع مع اني استغرب كيف مافيه بس روحي وشوفي

قد تكون هناك ثغره مو عارفه تعمليها بالجهاز بس انا راح اشوف لك وارد عليكِ باذن الله اذا في طريقه

موفق بإذن الله ... لك مني أجمل تحية .

مشكوووووووووووور

السلام عليكم ورحمة الله وبركاته

شششششششششششششششششششششش

لم انسى الموضوع ولكني انشغلت قليلا سالت لكِ بني فقال اذهبي للمحل وسيقوم بتعليمك

وايضا اقول لك ساحاول ان اضع حلا للمشكله باذن الله

اريد ان اسالك
هل تظهر لكِ رساله بعد محاولتك انزال المقطع
اكتبيها هنا فقط الرساله التي تظهر عقب كل محاوله لتنزيل المقطع