|
وحـــشــــه غيــــابــــك
على ذكرى الخفوق اللي فداه من القلوب قلوب وعلى ذكرى الهنوف اللي تمشّط لـي ذوايبهـا وعلى طاري تتوب عن الهوى ولاّ حرام تّـوب وعلى طارى فداك الناس حاضرهـا وغايبهـا اجي مدري وش اللي جاب قلبي للقصيد دروب واشوف حروفها تسلك طريـقٍ حيـل عاجبهـا واعيش بجوها لين السحاب اللي سرى مغصوب يـرد لديـرةٍ تبكـي ظمـى وقـتٍ متعبـهـا وتعيش شعوب في مد السحاب وتستغيث شعوب ويجود الغيم من وصل المحبـه ليـن يطربهـا تسابق لهفتي وظروف وقتي والشقا المكتـوب على من ياخذ اول بنت مـن فكـري ويكتبهـا اجود بكـل مايملـك خيالـي فـدوة المطلـوب انا قلبي فـدى ونـات صـدري يـوم يجذبهـا هلا باول تباشير الحروف وسلكهـا المسحـوب الين اخر حـروف ابيـات شعـري يامرتبهـا ابوقد للسهر شمعه وبي معهـا الظـلام يـذوب ابي حد الخيال ابعـد مـن الحسبـه وحاسبهـا هوى غلابها يحكي تفاصيل الهـوى المغلـوب وحنين اشواقها يرسم امانـي شـوق كاتبهـا تعازي كلهـا تحكـي حكايـة قلبـي المنهـوب مواجع تستبيح ضلوع صـدري ليـن تعطبهـا فداها خلها تكشـف خفايـا ارثـي المسلـوب وتفاصيل الحصاد ومن حصد روحـي وعذبهـا تولم يالسهر هاك العيـون ودمعهـا المسكـوب توكـل بالكريـم ودوك عينـي ليـن تشربهـا وانا ووسادتي كوع الذراع اللي غدا منصـوب وحروف اشعارنـا فـدوة عيونـك يامجاوبهـا معك نكتب عن ظروف الوداع وغيبة المحبوب و ثواني لحظـه التوديـع والدمعـه وساكبهـا معاك وفيك يسري بي شعورٍ بالحشا محجـوب واسافر مع دجى همسات حبـك ليـن حاجبهـا نعيشك يالسهر لين الصباح بوجنيتـك يـروب ويزيحك صبح ترقص لـه عصافيـرٍ يداعبهـا والى من جيتني مع ليل ثاني وابتداك غـروب هلابك والحرووف اللي بصدري لـك نزهبهـا واجي كلى فدى قلبٍ فداه مـن القلـوب قلـوب ويزين الليل وحروف القصيـد بذكـر غايبهـا لشاعر عايد الشمري |
صح السانك .... واصابعك بعد .....:)
وجزاك الله كل خير على هالقصيده الجميلة جدا. |
صح بدنك تسلم ابن الشجااااااااع
|
تسلميــن.. صح لسانج..
الصراحه توقعت انج انتي اللي كاتبتنه :rolleyes: |
انا اكتب خوااطر بس شعر قوية
مشكورة على ردك بس اوعدج اني اكتب خواطري عن قريب |
أختي العزيزة:
موضي ............. صح لسانج ولسان شاعرها ولاهنتي على النقل الطيب وفعلا هالقصيدة أبياتها جزلة وننتظر جديدك ............. أختك بالله : @ حنين @ |
قصيده قمه في الروعه لاشلت يمين كاتبها وسلمت يمن ناقلها
أعجبني كثيرا واجي كلى فدى قلبٍ فداه مـن القلـوب قلـوب ويزين الليل وحروف القصيـد بذكـر غايبهـا |
شمعه فرح اسعدتني بدخولم للموضوع
مشكورين اللي دخلوا القصيده |
وتعيش شعوب في مد السحاب وتستغيث شعوب
تعازي كلهـا تحكـي حكايـة قلبـي المنهـوب مواجع تستبيح ضلوع صـدري ليـن تعطبهـا فداها خلها تكشـف خفايـا ارثـي المسلـوب وتفاصيل الحصاد ومن حصد روحـي وعذبهـا قصيدة من القلب للقلب واصلة أجمل إختيار و إسلمي أختك بلقيس 2006 |
تسلمين يا قلبي بلقيس
|
تسلمين اختي موضي صح لسان الشاعروتسلم انا ملك الحلوة قصيدة رائعة .
اختك . مـــهـــا |
صح بدنك يا قلبي مها
|
والى من جيتني مع ليل ثاني وابتداك غـروب
هلابك والحرووف اللي بصدري لـك نزهبهـا واجي كلى فدى قلبٍ فداه مـن القلـوب قلـوب ويزين الليل وحروف القصيـد بذكـر غايبهـا رووعة ,,القصيدة عذاااب الله يعطيك العافيه ============================ |
راااااااائع كروعتك اختي موضي
الله يعطيك الف عافيه تقبلي مروري |
صح لسانك رووووووووووووووووعه
|
| الساعة الآن 1:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab