|
آتمنى أن اجد في صدوركم متسعآ لاستشارتي
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته معلومات عني في البداية ... لمن لايعرفها ابلغ من العمر 27 سنة ... مطلقة بدون اطفال .... من زواج دام شهرين ونصف مضى على طلاقي عامين اعيش مع خالتي وعمي في منزلهم فقد قاموا بتربيتي منذ كنت في السنة الاولى من عمري يعيش مع خالتي في المنزل ابنها الذي يتجاوز عمره 35 متزوج وله ابناء علاقتي معه اعتبره ثالث اخواني حيث إن لي من الاخوة اثنان ومن الاخوات اربعة وأنا الصغرى من بين الجميع حياتي يشوبها عدم الاستقرار بسبب ابتعادي نوعآ ما عن اخوتي ووالدي مع إنهم يسكنون نفس الحي لكنني لم اعش طفولتي معهم ولااتشارك معهم الكثير من الذكريات استشارتي بخصوص موضوع عُرض علي لااظن إنه يتم لكن أود معرفة أرائكم في الموضوع عُرض علي الخطبة من شخص يبعد عن قبيلتي كل البعد ويسكن منطقة لااعرف عنها إلا اسمها (حائل) متزوج له 5 ابناء ,, عمره يتراوح مابين 31 إلى 35 سنة حسب ماسمعت المشكلة إن أخي قد عارض على خطبتي من شخص سابق من نفس القبيلة التي منها الشخص الحالي واقسم بدمه على أن لايتم شئ الا ويكون الثمن رقبته بسبب العصبية القبلية ,, وأنا اخاف كثيرآ على اخي ولا اريد التسبب بأية مشاكل لاي احد وهذا الموضوع غير رسمي وهو مجرد عرض فقط لكنني اود معرفة رأيكم دعواتي للجميع بالهداية والثبات على الحق والطاعة بارك الله فيكم اجمعين |
نصيحتي لا تتزوجين من واحد متزوج
يا أختي إشتري راحتك ولا تفرطين بنفسك |
اقتباس:
جــــــزاك الله خير اختي وبارك الله فيك |
انا اقول استخيري وربج اعلم من اي شخص ..
بس من وجهه نظري لاتتزوجينه يعني انتي تو صغيرونه و هو عنده 5 عيال يعني بتتعبين صدقيني .. |
اقتباس:
الله يرزقنا وإياكم من واسع فضله الله يسعدكم |
أختي عليكِ بالدعاء أخر الليل ..وأيضاً أكثري من الأستغفار ..
وأقري سورة البقرهـ وأن شاءالله ربي معك وربي يحميكِ ويحفظكِ.. ربي يعينكِ أن شاءالله .. طيب ليه ماتسكني عند والدكِ ..؟؟ وخالتكِ عندها بنات بعمرك أول قريب لعمرك ..؟؟ وياليت ماتتزوجيه حتى ماتخسري أخوكِ .. والحمدلله كل شي قسم ونصيب.. والحمدلله ماتدري الخيرهـ وين ...؟؟ والخيرهـ في ماأخترهـ الله .. والحمدلله عيشي حياتك طبيعيه .. :smile: أختك:.. روح الجهاد .. |
عليك با لاستخارة
|
وعليكم السلام ورحمة الله وبركاته
هلا بك ,, بداية اذا كان الخاطب صاحب دين وخلق ومقتدر على فتح بيت آخر .. فهنا عليك بالاستخارة واخذ راي الوالدين فاذا وافقوا تبقى مشكلة الاخ هداه الله .. والحل مع اخيك من وجهة نظري له طريقتين .. الاولى ان تفاتحيه بالموضوع وتوضحي له انه لا يجوز هذا الامر وان فعلك هذا فيه ظلم علي واثم عليك وان هذا من الكبر الذي يغضب الله ومن اعمال الجاهلية .. وتذكريه بقول الله تعالى ( يا ايها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ) .. وحديث الرسول صلى الله عليه وسلم ( لينتهين اقوام عن فخرهم بحسب آبائهم واجدادهم انما هم حصب ( حطب ) جهنم او ليكونن اهون على الله من الجعلان الذي يدهده الخراء بانفه الناس من آدم وآدم من تراب ) .. والطريقة الثانية ان توسطي شيخا ليتكلم مع اخيك بخصوص هذا الامر ويبين له حكم الشرع وخطأ موقفه .. وعليك بالدعاء بان يسهل الله امرك وياخذ بيدك لما فيه خير لدنياك ودينك وان يهدي اخاك ويطيب نفسه عليك .. مع خالص التحية |
بصراحة دخلت الموضوع كم مرة وكنت باكتب رائي بس خفت مايعجب احد لكن رائي القصاني شجعنى
اختى اذا كان اعتراضك لانه معدد فقط اعتقد انه التعدد مافيه شئ طالما كان رجل صاحب دين وخلق واحيانا يكون المعدد افضل من العازب او المطلق او الارمل .. مربط الفرس في موضوعك هو خلق الرجل ودينة اسئلى عنه وخليه يتقدم وساعتها يبان موقف اخوك امكن يقبل فيه لما يشوفه .. وبالتوفيق .. |
الله يوفقك
وعليك باستخارة رب العالمين |
اسأل الله العظيم أن ييسر لكي اموورك اسالي عن خلقه ودينه وصلاته اهم
الله يوفقك |
استخيري اختي
هذا هو الحل |
السلام عليكم ورحمة الله وبركاته
ياعمري ياتراتيل الله يعينك مشكله لما يكون فيه اعتراض ,,والله شوفي اخوك معليش موب دايم لك والرأي المهم لوالدك هو اللي يحكم صحيح ان رأي الاخو مهم لكن والدك راح يقنعه وبعدين لا تواخذيني اذا تهمينه ليش مايخليك تعيشين مع اهللك بنفس البيت ؟ والتعدد مو مشكله برأيي صدقيني التوفيق بيد رب العالمين ..بس لاتضعفين وطالبي بحقك واستخيري . الله يكتب لك اللي فيه الخير ... |
اشكر الجميع على طرح أرائهم
واسأل المولى أن ينير بصائركم ويوفقكم لكل خير بالنسبة لاخي هو عذره بأنه مايبغى يعطيني لرجال من غير منطقتنا لايعرفه ولايعرف عنه شئ وحتى لو بغى يسأل لا يعرف احد من منطقته يسأل عنه وبالنسبة لي اخاف كثيرآ على اخوي لانه مهما صار الزوج لابد ما يروح لكن اخي يبقى هو اخي طول عمري ماعمره يتغير علي وبالنسبة لسكني مع خالتي هذا الامر اعتدت عليه مع صعوبته ولا استطيع ان اعيش مع اهلي بعد ماصار عمري 27 سنة والحمدلله على كل حال |
سوف اكتب لك لمعزتك عندي واذا لم يعجبك اضربي برايي عرض الحائط ...
اولا استخيري الله عزوجل الانسان يبحث ويطلب السعاده في اي شي يرضي الله عزوجل ولاتدرين مع من تكون السعاده مع شاب او مطلق ام معدد ... المعدد له سلبيات وله ايجابيات ... وايجابياته غالبا متفهم للحياه الزوجيه وتعيش معه المراه غالبا متفرده وتاخذ كامل الحقوق ولاتاخذ احد في عين المجامله بعكس زوجه الشاب (هذا من وجه نظري ) حقيقه احيانا يراودني معدد لكن اذا حصلت الحقيقه اتراجع ...الله يكتب الي فيه الخير برايي تنظري لاخيك بسب اباحه دمه فالزوج بدله زوج ولكن الاخ ليس بدله اخ ... انتي استخيري واستشيري وحاولي الاقناع والا الابتعاد اولى واهم والحمدلله باقي لك عمر لسا تحصلي على شاب ان شاء الله والمتزوجين يبحثون ليل نهار عن اخريات وانتي ماوصلتي ....العمر الغير مرغوب فيه والله حتى العجايز ماضاعن تقولين اخاف ماالقى معدد والله الي كاتبه يصير تبغي معلومات عن حائل اخي موجود فيها ...اهلها اجاود وتبعد الدمام عن الرياض 300 تقريبا والرياض عن القصيم 300 تقريبا و القصيم 250 تقريبا عن حائل ( تقع في شمال المملكه ) |
كلامك على العين والرآس يالغالية عمري مااضرب فيه عرض الحائط
كلامك سليم عسى ربي يحفظك ويزيدك علم وهداية من جهة اخوي اعزه كثير ولايهون علي زعله كيف حلفه على نفسه ومن جهة الرجل المعدد ماعندي عليه اعتراض لكن بعده عن اهلي وعدم معرفتهم به شخصيآ هو مايجعلني اتردد كثيرآ الله يرزقنا وإياكم من واسع فضله ويقدر لنا الخير حيث كان ثم يرضينا به |
أكثري من الصلاه على النبي والإستغفار
وأستخيري كثيرا وأنا أرى أنك صغيره على رجل عنده خمس أطفال الكثير يتمنونك |
اقتباس:
الله يجزاك خير ولايحرمك الاجـــــر |
اقتباس:
شيخي الله يحفظك ويحفظ عليك نعمه لااستطيع ان ادخل احد في الموضوع غير والدي واخواني لانهم من النوع المتعصب في هذه الامور بالذات ولايرضون بتدخل احد وانا كذلك لااتجرأ على فتح مثل هذا الموضوع مع احد الله يرضى عليك شيخي دنيا وآخرة ولا يحرمك اجر ماكتبت |
اقتباس:
اللهم امين والله ناظري راي اخوك ومردك له بالنهايه له وشوفي رضاه اولى الله يحقق امانيك بلي ييسعدك ويقر عينك يارب ... |
الباب اللي يجيك منه ريح صكه واستريح
دام من البدايه عارفه فيه مشاكل والقبايل مايخذون الابعضهم لاتسببين لنفسك وجع راس الله يرزقك باللي احسن منه ويسعدك ويستر عليك ومايقصر معك بشيء عاجلا غير اجلا |
بسم الله الرحمن الرحيم
السلام عليكم ورحمة الله وبركاته والله انه ماضيعنا غير عادات الجاهلية الاولى ... ولكن صبر جميل والله المستعان ... والله ان فيه بيوت مليانه بنات بسبب التعصب القبلي هذا !!!!... يعني حرام يوقف نصيب البنت وماتتزوج الا الين تتجاوز الاربعين عشان شخص قبيلي او من قبيلتها ... وعاد هي وحضها اذا طلع فيه خير وصالح نعمه .. واذا طلع منحرف ومافيه خير .. هذي مشكله المشاااكل ( اصوم اصوم وافطر على بصل ) !! اختي اعذريني على موقفي من العصبيه بس لانها موجوده في عائلتنا ونعاني منها .. يارب لاتؤاخذنا بما فعل السفهاء منا ... ماباليد حيله ! وبالنسبه لموضوعك انا انصحك انك ماتوافقي بما ان الموضوع فيه قطع ارقاااب (: وانا شخصيا سبق ان رفضت شخص ساكن في المدينه المنوره وانا في الشرقيه ... ولااعرفه ولايعرفني... ولكنه يعرف الوسيط ( وهي خالتي ) هي اللي دلته علينا ,, وانا رفضته صراحه لاني ماافضل البعد .. المسافه بعيده يعني بين المدينه والدمام ... فبعد تفكير رفضت لاني مطلقه وعانيت من مشاكل في الزوج وايضا كنت في مدينه اخرى ,,, وذقت طعم الغربه وخاصه اذا كان الزوج مو طيب في تعامله معك .. يستفرد فيك لان اهلك بعيدين عنك .. وماعندك احد عشان تقولين له وديني عند اهلي .. والا تعالوا يااهلي خذوني ... صعبه ! واذا كنت من النوع البيتوتي وماتحبين تبعدين عن اهلك ... راح تعانين صدقيني .. لاني من هالنوع وتزوجت وسافرت عن اهلي وندمت اشد الندم .... وعلى امل ان الله يرزقنا بواحد ساكن بمدينتي ( قبيلي ) هذا اهم شي خخخخ وفيه خير .... والله يوفقك وييسر امورك حبيت افيدك من تجربه شخصيه ... |
استخيري الله واكثري من الدعاء والاستغفار
الله يرزقك الزوج الصالح اللي يسعدك يارب |
اشكركم جميعآ على تفاعلكم وطرح ارائكم وتجاربكم
ونسأل الله ان يكتب لنا ولكم وللمسلمين النصيب الطيب المبارك ... |
لا تتزوجين وأخوك مو راضي
لأنه الأخ سند وأذا حصل معك مشكله من هذا الزوج بيقولك أنا ميخصني وأنت ألي أخترتيه وما راح يوقف معك |
ياخيتي أنا بقولك نصيحة إذا هو على دين وخلق شخصيته قوية وااااافقي لاااازم شخصيته تكون قوية
|
مع من قال لكـِ لا , ولكن إستخيري فاللّهـ يعلم ما هو خيرٌ لكـِ ~
|
موفق بإذن الله ... لك مني أجمل تحية .
|
اسئل الله ان يرزقك خير الدنيا والاخره ويبارك بسمعك وبصرك ويجعلك مباركه اينما كنت ...
الله لايحرمك دعواتي ......خلاص نسخته ..... |
تراتيل فديتج انتي مبين عليج متفائلة من اسمج ما شاء الله
ورايي من راي القصاني ما قصر وصلي استخاره ولو مكتوب لج بتاخذينه لو توقف الدنيا قدامج بس الاهم الدعاء والاستخاره والتفاهم مع الاخ مهم بعد وربي يكتب لج اللي فيه الخير |
أسأل الله العظيم أن يرزقك ويكتب لك مافيه الخير
الإستخاااااااااااااااااااااااارة أهم شيء من قلب صادق وان شاء الله تشوفين الخير وبعدين عمرك 27 سنة لسة صغيرة إذا ما انتي مستعجلة الحياة قدامك بطولها وعرضها لا تستعجلين على نفسك وانتي أعرفي نفسك من الآن ممكن تعيشين حياتك مع واحد متزوج من أخرى يعني بالعربي منتي من النوع الغيووووور الحااااااااااااااارة فتوكلي على الله ومومشكلة واحد متزوج وعندة أولاد لكن انتي شخصيتك ونفسيتك في تقبل العلاقات مع غيرك والشراكة تقدرين تتحملينها وتتعايشين معها من دون ما تتأثر نفسيتك تخيلي نفسك وعيشي الوضع في خيالك قبل مايقع الفاس في الراس وأعيد وأقول لك 27 سنه عز شبابك والله يوفقك وييسرلك |
| الساعة الآن 9:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab