التفكير اللي عنده حل لايبخل علي
 

السلام عليكم ورحمة الله وبركاته

عندي مشكله ياليت اللي عنده حل يقوله لي ولايبخل علي وله مني دعوه خالصه بظهر الغيب

عندي التفكير مررره ذابحني افكر باشياء مالها بالاصل واقع لدرجه زادت معي وانا مع الناس افكر وقبل لانام افكر لو احد يسولف معي اشرد عنه وافكر زادت معي الفتره الاخيره
مع المعلوميه انا انطوائيه على نفسي ماحس احد قريب مني او بالاصح اللي بقلبي بقلبي ماحد يعرفه

تكفين اللي عنده حل يقولي مابي افكر بشيء مستحيل يصير ابي اعيش بواقعي

هلا والله وغلا فيك
صح هذه المشكله تزيد لما تكوني منشغله بامر ما

السلام عليكم ورحمة الله وبركاته
شكل تفكيرك خيالي
انت فتاه حالمه
لانك انطوائيه وكل شي تخبينه بقلبك
وما عندك احد تكلمينه عن نفسك
وحكمين علي لاشياء من ناحيه عاطفتك وخيالك
لكن احذر انك تحلمن وتتخيلين اشياء
وبعد ذالك تنصدمين با الواقع

هل هناك شخص معين تفكرين فيه

انا من قبل افكر مب لازم شخص معين اي شيء يمر علي

بس الفتره ذي اي بشخص معين تفكيري لازم يكون فيه < من ناحيه الخيال ايه ذا اللي خايف منه

الود ودي مافكر بشيء اعيش يومي بواقعيه والتفكير مايطري ببالي

والله تعبت من التفكير لدرجه صرت ادعي ان الله يريح بالي ويبعد التفكير عني <<

مدري يمكن سببها الفضاوه ولا لان ماعندي احد يفهم علي ؟؟؟؟

يمكن يكون هروب من الواقع اللي تعيشينه ...

هل تعانين من ضغوط نفسية

اومشاكل عائلية ....؟؟؟

بينك انت واخواتك فارق سني كبير...

ارجو الاجابه اذا ماعندك اعتراض يمكن نلقى حل ...

الله يعافيك

ايه حتى انا من وانا صغيرهـ وانا اقعد افكر ابي ابعد

التفكير عني بس ما اقدر ياريت احد يعطينا حل

كثرة التفكير غالبا تكون بسبب الفراغ

فلو اشغلتي نفسك بأعمال او هوايات لكان افضل

ايضا اذا كان قبل النوم فأنصح عدم الخلود للفراش الا عندما يداهمك النوم بقوة حتى تستسلمي له بسرعه .

صراحه ذي الفتره في مشاكل بس انا من قبل افكر

بالنسبه لخواتي بالعكس عنده وحده مره قريبه مني

مشكور اطياب على النصائح والله يسعدكم جميعا ويحقق امانيكم

هلا فيك أختـــــــــــــي..

التفكير بصمت من وجهة نظري شي حلو ـ..اذاكان ايجابي طبعا.مثل التفكير بانجاز عمل او التخطيط لامر مهم مستقبلا المهم يكون هذا الشي اللي تفكرين فيه واقع


أما التفكير السلبي...وهو انك تضيعين وقتك فيه وبنفس الوقت يضيعك ويزيد من شرودك ويعطل
مهامك...ويشتت ذهنك وفطنتك وهذا اتضح لي من قولتك





وانت اعترفت ان التفكير اللي ذابحك ماله بالاصل واقع ....فحلو منك الاعتراف لانك بالفعل حاسه

بالخطأ وبتصححينه وكلك اصرار....

عندي خطوات ياليت تتبعينها علها تفيدك اوتقلل من معاناتك

*اجلسي مع الاهل في اجتماعهم //ولا تنعزلي بروحك بداخل غرفتك وكل ماكنت بلحالك بدت وساوس الشيطان تنهال عليك

*كثري من الاستغفار والصلاة عالنبي ورطبي لسانك بذكر الله (الا بذكر الله تطمئن القلوب )

*لا تسهري بالليل وتنامي بالنهار ...فذلك له تأثير على تعكر المزاج

وسوء الحاله النفسيه ...من واقع تجربه



*تقربي من اختك اكثر فاكثر شاركيها فرحك وهمك ...لما تفضفضي تحسي براحه عجيبه

*لاتذهبي للنوم حتى تشعري انك فعلا ناعسه ....حتى لاتستسلمي للتفكير

*واحرصي على الوضوء وأذكار النوم ....
قال الرسول عليه الصلاة والسلام للبراء بن عازب رضي الله عنه " ِذَا أَتَيْتَ مَضْجَعَكَ فَتَوَضَّأْ وُضُوءَكَ لِلصَّلَاةِ "

*اذا ماجاك النوم اقرأي وجه من القران اومايتيسر لك ...او اقرأي كتاب مفيد

*لاتنسي اذكار الصباح والمساء فهي بإذن الله الحصن الحصين من الشيطان الرجيم وبهايحفظك ربي من شياطين الانس والجن

*الدعاء ..........الدعاء سلاح المؤمن ماخاب من إلتجأ بالعزيز

طولت عليك اسفه( بس صحتك ووشبابك اهم شي تملكينه )...اذاراحو

مايتعوضواااااااا اتمنى لك الفائدة .........حفظك ربي وأعانك على طاعته ...وكفاك ماأهمك

الله يعينك

اختي انا كنت مثلك بس الحمد لله تغلبت عليه

لاني قبل كنت خجوله ولا احب الاجتماعات وانفرد مع نفسي ......

وعالجت هالشئ بأني صرت اجتمع مع الناس ولا انفرد بنفسي لاني اذا انفردت بنفسي

اكون فاضيه ... وتجيني الافكار اشكال الوان ... وحاولت اكون جريئه بحدود يعني ادخل مثلا النقاشات

واناقش معهم لو مع صديقاتك او اعضاء المنتدى ..... وبعدين خليك قريبه من ربك لان اغلب هذي الافكار من الشيطان
اخشعي بالصلاة اقرئي القرآن بكثره ... استغفري وسبحي واذكري ربك وين ماتكونين

وصدقيني بتطييير هذي الافكار واصلا بتنسينها ....

وكل اللي قلته لك عن تجربه لانه حصلي نفس الشي ...

واتمنى اني افدتك

هلا وارتار الصمت والله كلامك ريحيني مررره وان شاء الله بطبق اللي قلتيه لي لان جد تعبت

مابي افكر بشيء ابي اعيش يومي واللي راح راح واللي ماله بالاصل واقع مابيه

بصلح كل شيء قلتيه وان شاء الله يكون هو الحل

اختي اوتار جعل الله يسعدك ويقدم لك كل خير ويحقق كل امنياتك ويوفقك
وجعل كل ايامك حلووه عليك والله يبعد عنك كل ضيق وكل حزن الله يسعدك خيتو

يمكن اخاف من بعض اللي ذكرتيه << مشكوره على النصيحه

والله يسعدك ويوفقك ويقدم لك كل خير يارب

يمكن لان ماعندي احد قريبه منه ولاني اجتماعيه اغلب وقتي فاضيه اروح للتفكير

بس ان شاء الله بحاول اغير الوضع واصير ولو شيء بسيط اجتماعيه واكيد قبل ذا كله

بكثر من الاستغفار >>>

جد والله ماقصرتوا معي جعل الله يسعدكم ويوفقكم ويقدم لكم كل خيييير

والله يحفظكم ويحميكم << ماقصرتوا معي شاركتوني بشيء مضايقني وكل واحد فيكم يحاول يقدم لي المساعده

جعل الفردوس داركم وربي يحفظكم ويسعدكم