|
حاسة بضيق
السلام عليكم
راح ادخل في الموضوع على طول لاني منجد مره مضايقه وقاعدة ابكي وابغا رايكم في شي الحين في الكليه في رحله للطالبات على مطعم وكلها ساعتين ونرجع الكليه تاني والرحله مع الدكاتره وكل شي يعني مؤمن لاكن انا ما كلمت اهلي لاني عارفه انهم راح يرفضو وانا مره نفسي اروح ومقهوره وطفشانة وضايق خلقي وكل شي المشكله والقهر الي يموت قهر ماني عارفه اهلي ليش ما يخلوني اروح مكان مع اني لو ابغا افلت ولا اسوي شي غلط كان قدرت اسوي بحكم انه عندي دوام في المستشفى عادي اقدر اخرج مع اي احد بدون ما اقول لهم حتى لاكن انا لما استاذن منهم واعطيهم خبر يرفضو كل ما اقول لهم اني ابغا اخرج مع صاحباتي مكان وعادي اقدر ا خرج من الكليه وارجع لها ايش المشكله شي ينرففففففففففففففففففففففففززززززززززززززززز انا بصراحة مره ضايق خلقي ونفسي اخرج مع صحباتي ودحين رحله الكليه وحتى فيها دكاتره ما اعرف اذا راح يوافقو ولالا ومترردده اسال لاني راح اسمع تهزيئ وقاعدة افكر جديا في كلام صحباتي اني اروح الرحله بدون ما اقلهم وارجع الكليه عادي ولا كانه صار شي |
هلا فيك وغلا فاقدتك من زامان انتظريني شوي وارجع لك تسمحين لي لاعطيك وجهه نظري من اخوه في اللهواعلمي ان المستشار مؤتمن توافقيني ام لا كثرت عليك
|
اهلين حبيبتي البارقة منورة والله
وانتي على بالي كمان مبروك عليكي الاشتراك الفضي ياالغلا اي طبعا اكيد ودي اعرف رأي اخواتي في المنتدى واكيد ودي اعرف رايك لانه حكيم |
ياهلا وغلا فيك .... الله يبارك لنا ولك ...منوره بوجودك ....
شوفي حبيبتي انا كمان من خوياتك وكمان اخت محبه وابي لك المصلحه شوفي خوياتك والله ماينفعوك بشي يناظروا مصلحتهم اهم شي تطلعين معهم ويستانسون لو يكون مايكون من المصايب كلها على راسك ويتبروا ويشمتوا بك من وراك حقيقه اقولها الصديقه الحقيقه هي من توجهك لا من تجعلك تتمردين وتوجهك للاسلوب الخاطى الي يضرك لو على مر الزمان صدقيني لو تصيرين افضل منهم راح يدورا عليك اخطاء ويقولوا هي تسوي كذا وكذا (يعني بالعربي تصيرين ضرب المثل لهن ) شوفي حبيبتي لا تبيني لهن اهلك يرفضون مهما كان قولي ابحاول ابفكر ابستخير انا اطلع ولا لا مادري متردده لاتبيني لهن اي شي (يخلونك تحملي على اهلك الهم والحقد ) شوفي بامكانك تقنعيهم ...اعطيك حل لو بسيط واخواتي يشاركوني من هنا كل يعطي لك راي ورجحي واختاري .. افضل مما تطلعين وهم مايدرون قولي لامك واهلك عندنا طلعه بكرى مع اساتذه الجامعه جوله ميدانيه ولازم اطلع معاهم مااحد يتخلف وخلاص لاتقولين شي ثاني اسكتي لا تكررين الكلام ....ونصيحه قبل لاتطلعين فكري واستخيري بالطلعه وربي يختار لك الخيره بالخروج او بالجلوس وربي اعلم بالخيره والعوض .... هذا رايي واتمنى ان اجانب الصواب بارك الله فيك ورزقنا واياك خير الدنيا والاخره |
والله صح كلامك البارقة منجد دايما احس انه يدورو عليا الغلط و
وحتى لو ما سويته و يقولو انتي سوسه من تحت لتحت وانا مدري ايش الي انا سوسه فيه جات في بالي فكره اني استخير وبعدين اسالهم واذا هو خير راح يوافقو لاكن كل ما ابغا احاول اجس نبض اهلي انه اطلع او لا خايفه يردو عليا رد يبكي وانا مره نفسي اروح ان شاء الله احاول اجرأ واقلهم اني لازم اطلع |
و الله يا اختي .. حاسة فيج لأني جربت هالمرحلة من الحبسة في البيت .. و الحمد لله انتهت تقريباً ..
اللي أجوفه انج تخبرين أمج عالأقل ( مثل ما قالتلج البارقة ) و تحاولين تفهمينها انج لازم تطلعين لان عندج شغل ضروري بالكلية .. بالتوفيق ^^ * |
الله يعينك وربنا يحنن قلبهم عليكِ
انا برأيي انك تسألي المشرفه على الرحله انه امك او اختك تروح معك الرحله واحكي لاهلك انها تيجي وحدة من خواتك او امك معاكِ وهيك راح تروحي وتنبسطي واهلك يطمنوا عليكْ اما تروحي بدون ما تخبريهم لا غلط تخيلي لا قدّر الله صار حادث او شي وانتم في الرحله شو راح يدري اهلك وقتها؟؟؟ الله ييسرلك واستخيري اول احسن والخيرة فيما اختاره الله |
راي الاخوات صائب
|
اوك راح اكلم ماما واقلكم ايش يصير
يارب توافق يعطيكم العافيه كلكم ويسعدكم |
موفق بإذن الله ... لك مني أجمل تحية .
|
الله يسهل امرك |
امين
شكرا للجميع الله يسعدكم يارب |
الله يفرجهااااااااااااا على الجميع
|
الله ييسر امرك ويجعل لك من كل ضيق مخرج
الله يوفقك للطريق الصائب... اللهم امين |
عليك بالاستغفااااار
|
استغفار ايش
انا مره متنرفزه امس اخدت تهزيئ من ماما كله عشان قلت ابغا اروح وقاعد تقول ما تكفي مصاريفك كمان رايحة تتمسخري مع البنات تبغاني اقعد زي الجدر في البيت قررت انتحر عشان ما حد يصرف عليا |
لاحول ولاقوة الا بالله
|
اقتباس:
الله يحنن لك قلب امك لك ويقر عينك يارب |
عزيزتي , قمتي بالسؤال و إليكي الإجابة
بالبداية السلام عليكم و رحمة الله و بركاته أختي الغالية أنصحكي بإلتزام أوامر أهلكي فهم أعلم و أدرى بمصلحتك , و إياكي أن تكذبي عليهم في يوم لأنك ستندمين و إن كذبت اليوم ستكذبين غدا ً و سيصبح الأمر عادي , و هذا هو الطريق الذي يريده الشيطان أعرف بأنك ستستغربين كلامي و قد لا يعجبكي و لكني من بلد عربي متحرر , و أهلي يعطوني الحرية و الحمد لله و لكنهم عودوني من صغري بإخبارهم عن كل أمر يعترض حياتي و حتى لو أردت أن أخرج , أتصل على الفور بوالدتي و تخبر أبي و من ثم أخذ الإجابة بالقبول أو الرفض و الله و الله لو كانت الإجابة بالرفض فلن أتضايق فهذا أبي و حقه علي ّ الرضوخ لأوامره فهو أدرى منا بسائر أمور الحياة و بالنهاية كلمة و نصيحة من أخت تهمها مصلحة أختها أهلكي أعطوكي الثقة فلا تخونيها ستعرفين معنى كلامي عندما تكبرين قليلا ً فيبدو أنكي صغيرة لكي أجمل تحية أختي |
على فكرة ردكي الأخير لم يعجبني
إستغفري الله , فهو أعظم الأعظمين فإن لم ينصركِ الله فلا ناصر لكِ |
اقتباس:
مو قصدي شي ... عادي انا استغفر دايما بس مو كل حل يكتبولي هو يقولولي استغفري يعني بس استغفر واجلس خلاص ما اسوي شي ولا ايش؟؟ معليش بس انا مره ضايق خلقي انا مو مقهوره من انه ما خلوني اخرج او انه خايفين عليا بس ليش امي تكلمني كذا كاني ما اعرف انا ايش باسوي غير انه الرحلة مضمونه لانه معانا دكاترة ولو قالت لي انا مو مرتاحة انك تروحي كان افضل من انه تهزأني على مصاريفي تحسسني اني عللللله على قلبهم خلاص ما بدي اكون عللله على احد مو اموت احسن ؟؟ |
اقتباس:
انا مو صغيرة عمري 24 وكبيرة بما فيه الكفاية اني اتخذ قرار واعرف ايش مصيري وايش الغلط وايش الصح وغير هذا كله انا اصلا خير شر بادرس في مكان اختلاط وباروح الكليه والمستشفى أداوم والمفروض اكون عارفه نفسي وقادرة اني اتخذ القرار واتحمل مسؤوليه |
بس يعرفو يقولو لي كبرتي على الزواج وعانس ومدري ايش
ولما ابغا اتخذ بنفسي قرار ما ينفع |
اقتباس:
على كل حال بعتذر عزيزتي إذا ضايقك كلامي و لكن هاد حرص مني عليكي فقط |
لا ما ضايقني كلامك
يمكن في شي انا مو فاهمتو زي ما قلتي اشكرك على مداخلتك |
كتبت كلام لك ولا ابغى احد يقراه الا انتي وتذكرت انك غير موجوده لاذالك مسحته اتمنى اذا كنتي موجوده تقوليي اكتبيه الله يسعدك
|
انا موجودة الحين
|
انا قصدي بنفس الوقت لاني ابحذفه
|
طيب ............
|
| الساعة الآن 5:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab