|
تعالوا نسولف عن الاستخاره ..
[FONT="Arial Black"]السلام عليكم ورحمة الله وبركاته ..
شخباركم يابنات ؟... اليوم طرا على اكتب هالموضوع واللي جابه في بالي برنامج بك اصبحنا اللي بااذاعة القران كانوا يتكلمون عن الاستخاره... اكيد صارت لكم مواقف احترتوا فيها بالتصرف المناسب ؟؟... هل فكرت ساعتها بالاستخاره ولا ماجا على بالك ؟.. بعد ماسويتي الاستخاره ايش صار معك ؟.. غيرتي رايك ولا ثبتي ؟.. كيف صار حالك بعد الاسخارة ؟... اخيرا نصيحتك للاخوات اللي ولابد راح يمرون بمواقف يحتارون فيها بالتصرف المناسب .. يلا ياحلوت خلونا نشوف سواليفكم عشان اقلكم سالفتي اللي حيرتني نتيجتها وماادري ليه صار معي كذا .. تحياتي [/FONT] |
مو معقولة 6 مشاهدات ولا رد ..معقولة مامرت عليكم مواقف ..
|
أشكرك سلوة فؤادي على الموضوع
بالنسبه ليه الحمد اذا احترت في أمر أصلي الاستخاره والحمد لله ربي يختار لي الخير بعدها وطبعا ماكنت اشوف حلم بعدها بس كان الامر يتسهل أو ينصرف عني....... في انتظار سالفتك .... |
وفي المسند من حديث سعد بن أبي وقاص عن النبي صلى الله عليه وسلم قال ( من سعادة ابن آدم استخارته الله تعالى ، ومن سعادة ابن آدم رضاه بما قضاه الله ، ومن شقوة ابن آدم تركه استخارة الله عز وجل ، ومن شقوة ابن آدم سخطه بما قضى الله ) ، قال ابن القيم فالمقدور يكتنفه أمران : الاستخارة قبله، والرضا بعده .
قال عبد الله بن عمر : ( إن الرجل ليستخير الله فيختار له ، فيسخط على ربه ، فلا يلبث أن ينظر في العاقبة فإذا هو قد خار له ). قال سبحانه وتعالى : { وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ } (سورة البقرة : 216) . لقد أرشد الناصح الأمين والرؤوف الرحيم محمد بن عبد الله أمته وعلمها ودلها على جميع ما ينفعها في دينها ودنياها ، من ذلك إرشاده الأمة لدعاء الاستخارة .. ولذا قال صلى الله عليه وسلم : " وليسأل أحدكم ربه حتى شسع نعله " وقد كان السلف يطلبون من الله حتى ملح الطعام وما هو أقل منه ..ثم يأخذون في الأسباب ..فهي من أعظم العبادات حال تشتت الذهن ونزول الحيرة بالإنسان فالعبد في هذه الدنيا تمر به محن وإحن .. ويحتاج إذا وقف على مفترق الطرق أن يلجأ إلى ربه ويفوض إليه أمره .. ويسأله الدلالة على الخير .. يقول شيخ الإسلام ابن تيمية : " ما ندم من استخار الخالق ، وشاور المخلوقين وثبت في أمره " اللهم أغفر لنا ولوالدينا وللمؤمنين والمؤمنات والمسلمين والمسلمات الأحياء منهم والأموات |
اخيييييييييييييييييييييييييييييرا ....احد رد
مشكورين يالغاليات على الرد انا من جد فرحانه منكم |
المفروض اني مااقول سالفتي الابعد مااشوف الردود بس شكلي ياست وعشان خاطر اللي ردو بقولها ..
بعد ماتخرجت من الثانويه كنت حاطه في بالي قسم معين ومتحمسه له وماراح اصرح فيه عشان مااجرح البنات اللي فيه ..المشكلة ان القسم هذا معروف انه للضعيفات دراسيا وانا ممتازه ونسبتي عاليه مره عشان كذا الاغلبيه عارضوني وحتقروني بعدوحاولي يغيرون من رايي بس انا اصريت وصايره اصلي الاستخاره وكان في معوقات كثيرة كل واحد لحاله يمنع من دخول هالقسم مثل التطبيق في المستشفيات ومافيها من اختلاط ووجودها في الجامعه اللي ماعندي سياره توديني وجيبني لها ومع ذلك تسهلت كل هالمعوقات فانا قلت اكيد ان الخيره اني ادخله وبعد مادخلت القسم وداومت اول اسبوع بعض الايام عشان الترتيبات بدون محاضرات جاتني ضيقه مايعلم بها الا الله لما افكر فيها الحين مااصدق نفسي طلعت من هالمرحلة وجاني اكتئاب وماصرت اطلع من البيت حتى للجمعات الرسميه ولا احب اكلم احد باختصار صارلي اكتئاب حاد .. وحاولت اغير واروح الكليه بس انتهى التسجيل لاني كهرت الجامعه ولما كنت اروح لها عشان اسحب ملفي وكذا كان وجهي ينقلب من الاكتئاب واحس برغبه في الاستفراغ اكرمكم الله _ لااحد يقول لي عين لا مو عين بس لاني احتقرت القسم بقوه بسبب الكلام اللي جاني فتعبت نفسيا وخاصه لمااشوف نسب زي الزفت قاعده جنبي مع اني كنت ادري باهالشي بس كنت متقبلته بس حطموني _المهم ضاعت علي ذيك السنه ودرست بعدها الشي اللي انا مستغربه منه اني استخرت ورتحت في البدايه ولوقت طويل وتسهلت الامور وبعدها كل شي انقلب في وقت بسيط فاقول ادامي استخرت ليه ماحسيت بعدم الراحة من البدايه اكيد الخير في اللي صار بالاخير يعني دخول الكليه ليه مااخترت هالشي من البدايه مع اني طلبت الخيره ماادري انتم فهمتوا سؤالي ولا لا لاني بصراحة مازلت حزينه على السنه اللي ضاعت مني والنكد اللي عشته فيها... صديقاتي اللي نسبهم لامقارنهم مع نسبتي بيتخرجون قبلي _اللهم لاحسد_ احس الان وانا اكتب ان العبرة تخنقني والله يعينا على الصبر على قضائه عذرا على الاطالة... |
انااول ماانخطبت استخرت والحمدالله انصرف عني وانا ابكي حلمت يون من الايام اني افسخ خاتم ذهب واعطيه امي اقولها موعاجبني وفسخته ومن بعدها عرفت ان بعد ماستخرت اختارلي
|
جزاك الله خيرا ع الطرح
|
صديقة الحمامة الله يعوضك باللي يسرك ياقلبي
ومشكوره على المرور... |
اختي الدنيا حلوة مشكورة ياقلبي على الرد
|
جزاك الله خيرا
الموضوع جدا رائع |
سلوة غاليتي ، سبحان الله لا نعلم خيرة الله أين تكون
نعم أكتب لكِ وانا مازلت غير مستوعبة اني تطلقت بعد فترة طويييييلة من الاستخارة وكل أمر عقدت فيه العزم ايام خطبتي تسهل لي وزواجي أيضا كان فيه تيسير كبير لم أكن أتوقعه ، وبعد زواجي بيومين فقط بدأت مشاكلي تتفاقم ولا أعزي هذا كله وراء الاستخارة ولكن العين حق وقد أصابني منها ما أصابني والله المستعان وها أنا قد تطلقت بعد أن انهارَ كل شيء حسبي الله ونعم الوكيل، اسأل الله ان يعوضك عن هذه السنة التي مرت خيرًا غاليتي وأن يهدي الله طليقي ويكفنا شر من أراد بنا الشر يارب |
سؤالي ؟
كيف نعرف ان الشئ خير لنا وبيصير او شر لنا بيصرف؟ وموفقه اختي باذن الله اختكم تاجي قراني |
اهلين فيك اختي ام كلثوم وانت الاروع ..
حبيبتي احب الرسول واله يعوضك يارب ويرد لك طليقك احسن مماكان تاجي قراني غاليتي ..بشكل عام كل ماقدر لنا هو خير وان كان ظاهره شر والعاقبه للصابرين احنا عارفين هالمعلومة لكنها معرفه كمعلومه لا كتطبيق ويقين الله يرزقنا الصبر على اقدرانا
|
بسم الله الرحمن الرحيم
مشكورين على الموضوع الحلو أنا توظفت في وظيفه بس مادري محتاره أكمل ولالا وأن شالله بصلي صلاة أستخاره وأعلمكم وشيصير معي هي كيف ركعتين ثم الدعاء يكون الدعاء بعد السلام ولا قب السلام وشو الدعاء الله يجزاها خير الي تكبته |
طلبتكم يابنات لاتردوني
ابي طريقة الاستخارة وفي اي وقت وهل تنفع في الاحلام اللي تكرر علي مثل احلم دائما برجوع طليقي لي وانا مفكرة فيه قبل النوم بس دائما ادعي الله له الهداية |
الله يكتب للجميع الي فيه الخير
سبحان الله وبحمده سبحان الله العظيم جزاك الله خير عالطرح |
بارك الله فيك يعطيك العافية
|
سبحان اللة
|
طريقة الاستخارة يافوفو وmahae:
تصلين ركعتين لغير الفريضه ...والدعء اختلف العلماء فيه سئل العلامة ابن تيميه في الفتاوى فأجاب : إن دعا قبل السلام أو بعده كله جائز والأولى أن يكون قبل السلام . دعاء الاستخارة :اللهم اني استخيرك بعلمك واستقدرك بقدرتك واسالك من فضلك العظيم فانك تقدر ولا اقدر وتعلم ولااعلم وانت علام الغيوب اللهم ان كنت تعلم ( ثم يذكر مسالته )خير لي في ديني ومعاشي وعاقبة امري فاقدره لي ويسره لي واذا كان هذا الامر شرا لي في ديني ومعاشي وعاقبة امري فاصرفه عني واصرفني عنه واقدر لي الخير حيث كان ثم رضني به |
جزاك الله خير وجعلها في موازين حسناتك
مشكورة اختي |
حبيبتي هونيهاا
واالله خيره لك ولله الحمدد في الاولى والاخره مو شرط الحين تكتشفي السبب او الامر وراء الللي صار لك بيجيك يوم وتكتشفي بقولك سالفتي من تخرجت وانا براسي شي قسم معين المهم قاعده استخير احسبي تقريبا 4 شهور وانا ابغى شي وامي تبغى شي المهم اللي تبغاه امي تعسررر وانا فرحانه ومرتاحه المهم مستمره بالدعاء والصلاه تقريبا بدات الدراسه بالجامعات وانا مانقبلت -- لاهنا ولاهناك قالو الترم الثاني وفي منطقه بعيده انا بعد استانست ماابي جامعتنااا الى اول يوم وينزل قرار بقبول جميع النسب من عام 1412 الى 1425 وتخيلي نسبتي 95 ممتاز بس صارت ظروف ماقدرت اروح للموعد بوقته المهم امي فرحت وانا زعلانه ماابي تدرين الزبده من الموضوووع سبحان ربي الكريم اللي صار لي كان سبب في اني ماالحق على المقابله للقسمي البنات دخلو المقابله ورسبو انا دخلت بدون مقابله ولاشي بسسسسسسسسسسسسسسسسسسسسسسسسسسسسسسسسسس والله مانسى هاليوم سبحان ربي -- يعلم الخير ونحن عجولين -- رحماك ربي لاتؤاخذنااا دعواتك ياحلوه |
الله يعينكم على هالخط
ياليت احد يعدله ماتوقعت يطلع كذذذذذذذذذا |
اكيد امرو كثيره استخرت فيها
وكانت الاستخاره راحتي من الحيره التي كنت اعانيها |
الحمد لله إن الله وضع للأمة باب الاستخارة إحنا من غير الله شو نسوى أنا دائماًَ استخير حتى لو ما امداني اركع ركعتين أدعي في سري وسبحان علام الغيوب أكون مبسوطة بإختيار ربي وراضيه
|
شكرا شكرا شكرا
|
يعطيكم العافية حبيباتي ..
القادم احلى مشكورة ياقلبي ....انا مره سمعت شخص يتكلم عن الاعجاز القراني وصار يقول : لو احنا عرفنا الحكمة من البلاء صار صبرنا طبيعي مو صبر حب وقناعة ورضى لكن اذا مادرينا بالحكمة ورصبرنا فصبرنا حقيقي ....عشان اسهل لكم الفهم بعطيكم مثال يعني لو جاابوك وقال لك قومي سوي هالشغلة تقولين ليه يقولك بس قومي وبس قلتي لا انا ماراح اسويها الا لما تقولي السبب وبعدين قالك قلت اي خلاص اروح اسويها الحين ..انت في نظر ابوك يوم سويتها لما قالك السبب زي لو سويتيها بدون مايقولك اكيد لا لو سويتيها بدون ماتدرين عن السبب فانت مطيعة ومتاكده من راي ابوك وتصرفاته لكن لما عرفت السبب فانت مقتنعه بالسبب لا براي ابوك ..اتمنى اوصلت الفكرة |
اختى سلوة وفعلا اختى سلوى بالحقيقه
انا استخير فى كل ساعه وفى كل امر حتى فى السوق وفى مشترياتى استخير الله فيها اقول من دون صلاه اللهم انى استخيرك فى امرى كذا والخير فى مااختاره الله واكثر شئ استخير فيه من اكون مسافره عندى حالة رعب من صعود الطائره اقول اللهم استخيرك فى رحلتى هذه وفى الناس الى معاى اللهم اختار لنا احسن طيار واحسن طياره واحسن ركاب وطول الطريق بسم الله مجريها الا ان نصل والحمد لله تكون فعلا احسن رحله انتى استخيرى الله ووكلى الامر لله الواحد الاحد يختارلك الصح ويعطيكى الاحسن انشاء الله وطبعا مع الصلاه يكون افضل واتمنى لكى كل خير امين |
موفق بإذن الله ... لك مني أجمل تحية .
|
| الساعة الآن 2:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab
null