|
أبغاا أقلكم شي
كيفكم يا بنات
بدي اقلكم شي صرت افكر فيه كثير الفترة الاخيرة الحين انا طالبة وعمري 24 ومستغربة انه الين دحين عمري في حياتي ماحد جا بيتنا ولا احد جا فكر انه يجي يخطبني ماني عارفه ليش المشكلة حتى اختي نفس الشي يعني ماني عارفه ايش الغلط بالضبط :confused::confused::confused::confused: هو الناس يشوفوني سيئة لدي الدرجة يعني :confused::confused::confused: ولا منجد صرت كبيره وماحد يبغاني :confused::confused::confused::confused: ولا دراستي ماحد يبغاها لانه في الحقيقه ادرس طب :confused::confused::confused: مو معقول بنت عمرها في حياتها ما يتقدم لها ولا واحد :confused::confused::confused: ولا ماحد عارف انه انا موجوده يعني :confused::confused: |
لا تقولي كببيره مازلتي في الشباب 24 الله يهديهم شبابنا مايفكرون بالزواج الا من 28 وفوق .....
لا حبيبتي لاتقولي كذا ان شاء الله راح يجي الي يخطبك لكن كثري الاستغفار . اذا جلست عند احد وبدوا يتكلمون في الزواج والوظيفه لاتقولين او تلمحين تقولين من اساسياتي او من شروطي الوظيفه ....حتى لااحد يتكلم عنك ...ثم ينصرفون الخطاب عنك .... |
كل شي بامر الله تقربي من الله اكثر والزواج بيده واكثري من الاستغفار وقول لاحول ولا قوه الابالله بعدين انتي توك صغيره ولا تجعلين الزواج اكبر همك اجعلي رضا ربك اكبر همك صدقيني راح تفتحلك ابواب السعاده ويسر الله امورك اسال الله ان يجعل لك من كل ضيق مخرجا ومن كل هما فرجا ويرزقك من حيث لا تحتسبي
|
اقتباس:
ان شاء الله بس صرت احس انه ايش دا يعني مره ماحد يبغاني ولا ايش استغفرت كثير وبعدت عن كثير من المعاصي اممممم يمكن الشي المعصية الي باسويها هيه اني اتفرج مسلسل وهو فيه موسيقى بس يعني مو كل يوم بس وقت ما اطفش وانه ما بالبس جونتي لما اخرج لاكن لانه انا احتاج يدي في الدراسة وصح الكليه عندنا اختلاط لاكني بعيدة عن اني اكلم احد من الشباب او شي . والكل بيحترمني كمان اصلا انا ما اخرج من البيت ولا اروح ولا اجي كله من الجامعه على البيت ومن البيت على الجامعه واذا خرجت شوي مع اهلي وعند جدتي وبس غير كدا مو متواصلين مع احد ... ماما ما عندها صاحبات وبابا بس عندو اصحاب الشغل بس يعني خالتي متواصله مع الناس |
اقتباس:
هو ماهو اكبر همي لانه عندي دراستي لاكني صرت احس ليش ماحد يبغاني واحيانا بصراحة احس انه ابغا احد يغنيني ويكون سند لي قدام شباب وبنات الكليه الي كل همهم يتكلمو في الناس ويفترو عليا انه انا اصلا اسوي نفسي محترمة واصلا انا تلاقيني اكلم احد من بره او على علاقة باحد عشان كدا ما اطالع في اولاد الكليه وفي ناس تقعد تألف اشياء كثيرة صح ما يهمني ... بس انا انقهر على سمعة اهلي لانه اهلي ربوني احسن تربية مو عشان الناس تتكلم فيها |
ههههههههههه يسعدك يالغلا.. مو ما احد يبغاك بس هذي الناس عمياء يمكن ماشافتك..
بعدين فهمت من كلامك اختلاطكم قليل بالناس .. فما احد عرف انه فيه بنات حلوات وامورات مثلك انتي واختك.. ربي يوفقك انتي واختك ويكتب لكم النصيب الطيب ..ويرزقم بالتقي الصالح ويسعدكم يارب.. وكل الحبيبات الي بالمنتدى.. |
الحين انا افكر يكون عليا ذنب اذا كشفت يدي قدام الرجال لانه احتاجها في الدراسة وفي العيادة ؟؟؟
يعني للضرورة واذا شلت النقاب واتلثمت لاكن بدون كحل ولا ميك اب ولاشي ؟؟؟ |
اقتباس:
ايوه صح كلامك الناس عمياء بس متى يشوفو من اول قاعدة استناهم يشوفو :eek: امين يارب ويسعدك ويوفقك حبيبتي |
شوفي يالغلا .. ماعليك من كلام الناس خليها تتكلم الى بكره ..هذي شغلتهم في الحياه كلام ع الرايح والجاي والواحد مالتفت لنفسه كان يطلع عيوب مالها اخر.. الله المستعان..
اهم شيء رضى ربك ثم ارضي ضميرك وامشي ع الصح وماعليك.. بالنسبه لكشف يدينك والنقاب انتي شوفي الحد الاقصى الي تقدرين تحافضين وربي مطلع عليك وعلى نيتك وانك حريصه على الستر ..اما حكمها اسألي مشايخ...وربي يكتب لك كل خير .. |
صح كلامك
لاكن ما اعرف شيخ أسأله ؟؟؟ |
الله يرزقك بابن الحلال
|
آآآمـــين يــاارب
|
يا عمري الله يوفقك انتي واختك صدقيني اذا جا نصيبك راح يجيك حتى لو ماحد شافك الله يرزقك الزوج الصالح
تحياتي |
الله يسعدك ضحكتيني مررررررررررررره
يا حبيبتي اش تبغي بالزواج ما يجي من وراه الا الهم والغم وادا عن سند الله يخليلك اهلك واحنا الايام هادي مو محتاجين سند دراستك وظيفتك وراتبك سندك اما الزوج ممكن يستغنا عني باي لحظه وبعدين الرجال هالايام طالعين بحركت النذاله مع الحريم ولا يستاهل اضيق علي نفسي عشان افكر فيه او اتعب نفسي عشانه وانتي الله يرزقك لكن اهلي ما را يستغنو عن بنتهم الين اخر يوم بعمرهم |
يعني ماني عارفه ايش الغلط بالضبط :confused::confused::confused::confused:ولا ماحد عارف انه انا موجوده يعني :confused::confused:
اسلوبك زي العسل يضحك حبيبتي ليش تفكرين بزواج الان فكري بالطب ويم يصير اسمك الدكتوره .................؟ بيصيرو يعرفو بوجودك وان شاء الله يجيلك واحد من المستشفى دكتور يعني انا اشتغل بمستشفى وكل شوي وحده تنخطب منه وتزوج والسبب انها لفتت الناس لاخلاقها واكثر ماينخطب اللي تلاقينهم على الصامت يادوب تسمعين لهم نفس وانا من ظمن اللي سمعتهم يحكو عني لاني ماتكلم ولا مع رجال تدري وش قالو يقولون هاديه ومودبه مالها حس يمدحوني لواحد اول ماسمعت الكلام مت من الضحك قلت الحمد لله ماشافوني في بيتنا اتبعي هذه الطريقه اول ماتتخرجي وبشريني هههههههههههههههههههههه |
واذا ماقدرتني تصيري صايلنت صير على الهزاز هههههههههههههههههههههههههههه
|
اقتباس:
آآميـــن يــاارب الله يسعدك على هذي الدعوة |
اقتباس:
الله يسعدك انتي كمان على ردك الي شرح لي صدري ^_^ |
اقتباس:
:D :D جييييييييدة الطريقه هههههههههه ان شاء الله راح اجربها كويس انا هادئة زي كذا الحين في الكليه يمكن على يوم التخرج الاقي لي احد هههههه اصلا منجد لاحظت عندنا كل الي اتزوجو من النوع الهادئ والي يتبرقعو ولا يكلمو احد الله يسعدك يارب والله انتي الي عسل |
نعم صحيح ان الرجل يبغى وحده ماتكلم الرجال حتى يثق انها عفيفه رغم الفتن المحيطه فيها لان الرجل غيور ويحب المراه الي تستحي
|
اقتباس:
يعطيكي العافيه البارقه في شي كنت قلقانة بس امس بالليل وكنت ابغا اقوله بس الحين نسيت ان شاء الله لما اتذكر برجع اقوله |
موفق بإذن الله ... لك مني أجمل تحية .
|
شوفي حبيبتي مدام انك واثقه من نفسك انه مفيك شي لاتنزلي راسك للأرض وتستسلمي لساتك بعز شبابك وكل شي بيد الله انتي ادعي ربي يسترك وكثري من الإستفغار ربي يرزقك باللي تتمنينه
تحياتي لك |
يعطيكي العافيه عبير على كلامك الطيب
|
الله يسهل امـرك ياارب ويرزقك الرجل التقي الصالح الحنون الكريم الطيب
ماعليه ياقلبي هاانت ان شاء الله تفرج وتتزوجين وتخلفي بنات وصبيان زي القمر ويرزق كل بنت تتمنى الستر والعفااف والله اني افرح اذا شفت احد يتمنى من الله الستر والعفااف الجي الى الواحد الاحد وان شاء الله تتزوجين يااااااااااااااااااااااااااااااااااااااااااااااااا ااااااااااااااااارب وبنات المنتدى كلهههههههههههههههههههههههههههههم <<قولو ان شاء الله اللهم امـين |
اقتباس:
آآآآآآآآآآآآآميـــــــــــــــــــــــــن يــــااا رب الله يسمع منك ويسعدك ويوفقك يارب |
الله يرزقكم ويرزقنا ان شاء الله
الحال منبعضه الله يفرجهااا |
اللهم سهل امري حياك الله ابشري لا نفذ طلبك باذن الله وضحيه اكثر ابذكر لك مافهمت وصححي لي .......
سوالك انتي في مكان مختلط الرجال بالنساء وتقولين هل يجوز لبس النقاب بدون استخدام اي زينه معه (مثل المكياج )وماحكم ترك لبس قفازات اليد ...صححي لي بارك الله فيك |
اقتباس:
الله يسعدك ايوه انا ادرس طب في مكان مختلط و كنت بسال عن اذا استغنيت عن قفازات اليدين لاني احتاج اني اشتغل بها في دراستي وفي شغلي لانه لازم المس الادوات بيدي واعرف ملمسها او اسندها بحيث انه ما تنزلق والشي الثاني انه برضه لبس النقاب بيتعبني شوي لاكنه لابسته وما اقول اني ابغا اشيله نهائيا لاكن هل وقت الضرورة اذا شلته وحطيت لثام بداله وبدون مكياج يكون ذنب ؟؟ |
الله يسهل امرك ويرزقك وكثر من البنات موظفات في المتشفى وتزوجنا وانا اعرف عندنا بنات اقارب لي ممرضات اهم شي انك محترمة نفسك وتخافي الله وتهمك سمعتك الله يوفقك الى كل خير
|
اللهم سهل امري سئلت الشيخ الدكتور يوسف العقل (قال الاصل الوجوب في الحجاب لكن اذا كانت مضطره يباح لها لوجودالنظام في ذالك فالضرورات تبيح المحظورات ولبس القفاز ليس بالوجوب لكن الافضل لها لبسه ) هذا مما قاله لي ......
انتي من اي دوله المعذره على هذا السوال المتطفل ؟؟؟ |
يا اخت اسمعي نصيحه لك من اختك في الله
اما مريت بنفس الضروف وبد الياس ينتابتي ونفسي احد من اهلي يحدثني عن فارس المستقبل بس يوم دخلت التحفيظ انصرف بالي للحفظ وصرت اسمع للمحاضرات بقلب صادق حسيت ان الدنيا حلوه اذا احنااردناها كذلك الحياة لاتتوقف ياختي عند تاخر الزواج وكانك لم تخلقي ال لهذا الامر انا الان مرتاحه لاني استشعر مخافة الله |
اقتباس:
جزاكي الله خير و يعطيكي العافيه حبيبتي وجعله في موازين حسناتك يارب انا من السعودية :smile: |
اقتباس:
بس ما اعرف احس الي ما تتزوج يقعدو يقولو ليش ما اتزوجت |
حبيبتي لا تشيلي هم عادي الوضع جدًا يمكن نصيبك لسى ماجا
بنت خالتي وصلت 26 ولا جاها احد وهي قمرررر ودارسة وكل حاجة لكن سبحان الله انخطبت يعني مو معناتو انو ماجاكي خطاب يعني فيكي حاجة مو كويسة انتي اهم حاجة ادعي واستغفري وكل يوم صلي قبام الليل وقبل ماتنامي اقرأي سورة البقرة كااااملة متصلة ونامي بعدها وحتشوفي حتنخطبي علطووووووول ومو اهم حاجة تنخطبي لا المهم يكون رجل صالح يخاف الله فيكي وادعي في سجودك انو يرزقك الزوج الصالح وبالنسبة لعملك لا تخافي الناس دحين اتوعو وصارو يعرفو ان المجتمع كدا صار وانو يفرق من بنت لبنت المحترمة محترمة في كل مكان مهما كان شغلها بس انصصصصصحك لوجه الله انك مااتتلثمي مهما كلف الأمر البسي نقابك بس بيني عيونك خفيف لأانو سبب فتنة كبيييرة وفكري انو اي رجال شافك وانفتن بيكي راح تتحملي ذنبو انتي ولو تقدري كمان تلبسي جونتيات لأنو دراستك مختلطة ترى تكون كبيييرة في نظر الناس وربي يعلي قدرك ومكانتك بينهم والفرج قريييب دعواااتكم لي اهلي يوافقو بزواجي من الشخص اللي احبوو |
اقتباس:
هلا حبيبتي صح انا قصرت الفترة الاخيرة في القرآن لاكن ان شاء الله راح ارجع اقرأ سورة البقرة هو من ناحيه النقاب ان شاء الله انا ما راح اشيله الا وقت الضروره الله يرزقني الزوج الصالح الي يعجبني ياارب ويااارب يزوجك الي تبغيه |
اسأل الله الذي جلت قدرته ان يرزقك ماتتمنين ويوفقك ويحفظك ويسترك بستره في الدنيا والاخره
اختي عيشي لله وحده وتوكلي عيه وحده الدنيا زائله |
الله يوفقك يا رب اقري سورة البقرة والتزميالدعاء و الاذكار والرقية وطبعا ما اوصيك ولا انصحك بس اذكرك
وحاولو تختلطوا بالناس شوي وخاصة اهلك وخلي الاستغفار صديقك الدايم لانه سبحان الله يكشف الهموم و ييسر الامور ويجلب الارزاق اتمنى ما تقولي هاي دخلت الموضوع عشان تنصحني بس حبيت افيدك ولو بشوي تقبلي مروري اختك المزيونة |
اهلين
الله يسعدكم كلكم ويجزاكم خير سعدت بكم |
حبيبتي يمكن ما أحد لقى في نفسه المواصفات التي تؤهله أنه يتقدم لك ,,
|
| الساعة الآن 11:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab