|
احتاج شوركم
قبل كدا نشرت موضوع وكان هذا رابطة
http://www.22522.com/vb/showthread.php?t=129055&page=2 الحين البنت الي قلت لكم عليها تعاني وبشدة من مضايقات عبر الهاتف والشخص بيدق باكثر من رقم عليها ولا على امها واخوها واختها وهي والشخص هذا يعرف من هي ويعرف اسمها لاكن هي مو عارفه مين هو هو ما رضى يتكلم بصوته لاكن يدق ويقفل كل بين فترة وفترة ويرسل مسجات تكون فيها تهنية او كلام عادي من المسجات العادية لاكن ما يذكر اسمه ولما اخوها بدق عليه ما يرد ولما امها تدق عليه يرد ويقفل ويرجع يرسل مسج يقلها كيفك يا ام فلانة ( الي هو اسم صديقتي ) وهي متخوفة وما صارت تنام الليل وشكلها صار مره يخوف وخوفها كله انه يكون هذاك الشخص الي ذكرته لكم في الموضوع الي في الرابط انا مستغربة من عدة نواجي اذا كان ناوي يهدد كان ما خاف يذكر اسمه او على الاقل اتكلم بصوته وقال بنتكم كذا وكذا واذا خايف تصير له مشاكل ليش يدق من الاساس مو عارفه شلون اقنعها .. ومو عارفه اصلا اقرر هل ممكن يكون نفس الشخص او لا واذا مو هو مييين بالضبط والله شي محير هل في طريقه انه نعرف مين يكون الشخص هذا انا ما رجعت لكم ولا احب ارجع الا لكم لانه منجد في هذا المنتدى احس انكم اخوات وتعتبرو انه المشكله مشكلتكم مهما كانت وما تقصرو بالنصائح |
اذا تعرفوا احد في الاتصالات يقدر يقولكم الرقم بأسم مين
ويمكن الحركه هذا من احد من اقاربها او صديقاتها ترى بعض الناس مزحهم ثقيل واحس انها بنت كونها ما تكلمت فأكيد خايفه تعرفونها ومن رأيي يطنشوها لا يردوا ابدا على اتصالاتها |
السلام عليكم ورحمة الله وبركاته
أكيد انتم تعرفون هذا الشخص او تعرفونها اذا كان امرأة لا تردوا عليه وخليه يتصل ويرسل مسجات لحين ما يمل |
يعطيكم العافيه ردودكم تثلج الصدر
للاسف دورنا كثير احد من الاتصالات لاكن ما لقينا هو ولد لانه هي وحدة مره قبل كدا ردت وقعدت ساكته وخلته يتكلم بعدين ما صارت ترد لاكن لما يدق على اهلها ما يتكلم بصوته |
كلمو الشرطه او الهيئه ..
هم يتصرفون .. اكيد مرت عليهم مشاكل كثير من ذا النوع للاسف ضعاف النفوس كثير بالبلد |
صح كلامك
راح اقلها تكلم الشرطة يكون احسن شي يعطيكي العافيه |
لي عودة باذن الله
|
بإمكان الفتاة الإتصال بالدكتور عبدالله العيادهـ
|
صح كلامك
راح اقلها تكلم الشرطة يكون احسن شي يعطيكي العافيه من رأيي أن لا تبدأ بهذهـ الخطوهـ أبداً أبداً فلا أظن أن الأمر سيكون من صالحها لو بدأت هذهـ الطريقهـ . |
انا رايي بلاش الشرطة
بتخافي يكون المتصل من القرايب وبيعمل مقلب او هيك شي وتكبر المشكلة رايي تبعتله رساله وتقوله انا ذهبت للاتصالات وقدرت اعرف رقمك لمين.....بس هنا برضو بتخافي انو يكون شريحته باسم حد تاني مثل صاحبه .. او انها تطنشه..او تبعتله رساله تهدده وتقوله يا بتقول انت مين يا اما ببعت رقمك للهيئة وبكل الاحوال المتصل هو ناوي الخير.لانو لو بده يهدد كان هدد من زمان ... |
والله انا مستغربه اكتر شي من انه صار له سنة يدق عليها وما بيهدد وطيب اذا يبغا يأذيها ولا يبغا يعمل لها مشكلة كان يخلي احد من اصحابه يدق على اهلها ويتبلى عليها او انه يدق عليها وعلى اهلها كل يوم وكل شويه لاكنه بيدق بين فترات ويرسل بين فترات
واذا انه من الاقارب معقول صار له سنة وما افصح شي غريب والله في نفس الوقت قلق لما كدا احد يقعد يدق وانتي تكوني خايفه من احد معين ومنتي عارفه مين بالضبط الي بيدق لاكن مين هو دكتور عبد الله حزاااكم الله خييير على تعاونكم معايا |
السلام عليكم ورحمة الله وبركاته:
بداية اسال الله ان يعين صديقتك - قولي لصديقتك ان تذهب الى مؤسسة الاتصالات وهي ستزودها بصاحب الرقم - اما الحل الثاني فيجب ان تغير رقم هاتفها |
الدكتور عبدالله العيادهـ هو أحد رؤساء مراكز الهيئهـ و قد تعود على هذهـ الأمور تتصل عليهـ عليهـ وتخبرهـ بالموضوع وهو سيتولاهـ شخصياً ,, هذا مأعرفهـ عنهـ ,, مقيم في مدينة بريدهـ .
|
لاكن احنا من مدينة جدة كمان انه صعب عليها الذهاب لحالها
وهي ما تبغا اهلها يجو معاها لانه اهلها هرجهم كثير وحتى تغيير رقم الهاتف ما ينفع لانه بيدق على ارقام البيت كلها وهي ما تقدر تجبر اهلها كلكم على تغييره وكمان حتى لو طلبت من والدها تغير رقمها فهو راح ياخد الرقم القديم عنده ويعطبها رقم جديدي وهي ما تبغا كذا |
لا أظن أنها ستحتاج للذهاب لمدينة بريدهـ فقط تكّلم الدكتور وتخبرهـ بالأمر أعرف حالهـ حدث معها هكذا وطلب منها الدكتور الرقم فقط أي رقم الشخص المزعج .
|
طيب مرره كويس
طيب تقدري ترسلي لي الرقم اذا ممكن الله يسعدك يارب |
بالطبع أستطيع إرسال الرقم , و لكن لا أعرف قوانين المنتدى هل تسمح أم لا ؟ فــ لو تراسلي الإشراف للإستئذان .
|
حبيبتي انا عندي حلان واتمنى ان افيدك 1 تقولوا للهيئه وهم لهم طرقهم الخاصه للكشف عنه والامر يتم بالسر ودام اخواها عارف وامها فيكون الامر اسهل او2الحل الثاني تغير رقو شريحتها وما تعطيه الا لناس تثق بهم
|
ازعاج الناس والتشكيك فيهم مشكلة حتى لوكان قريب لابد يوقف عند حده
|
الله يعطيكم العافيه جميعا حنفكر في انسب الحلول الي قدمتوها والله يسهل
اعتقد انه عادي نكتب رقم دكتور لانه قبل كدا انا كتبت وماحد قلي شي لاكن راح اسال الحين |
بإنتظاركـ يأختي أنا واللهـ الأمر طبيعي عندي والدكتور هذا غالباً ما أتصل بهـ لبعض النقاشات و كان يأتي كثيراً للجامعهـ لـ إلقاء الدروس ويحكي عن هذهـ القصص كثيراً , أسأل اللّهـ لقريبتكـ النجاة و اللطف بحالها و أهلها ~
دمتِ بخير ~ |
سالت لاكن قالو لي ما ينفع نحط ارقام
امين يارب |
عفواً من سألتي الإشراف أم من ؟
|
سالت الزاهرة
|
| الساعة الآن 6:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab