لسلام عليكم ورحمة الله وبركاته ..

اولا افصلي الفيش حق الكميوتر وحطيه في صندوق وقفلي عليه من جد اتكلم عشان ما يلهيك عن الطاعه لان النفس بطبعها تحب التفلت..

انا ارى ان تبدي اول يوم لكي من رمضان بصلاة الفجر ثم تجلسين تقرائين اذكار الصباح وتذكرين الله وتقرئين قران الين تطلع الشمس تصلين الضحى وبعدها اذا تقدرين تسوين بعض الاكلات البسيطه للفطور تجهزينها ثم تنامين وهذا الوقت مناسب جدا للنوم اسالي مجربه الي هو وقت الضحى من الساعه 10 الى الظهر وعلى فكره هذي النومه بتساعدك على قيام الليل ثم تبدئين من بعد صلاة الظهر تقرائين صفحات من القران وتسوي بقية الفطور وتواصلين قراءة القران الى العصر لان الوقت هذا باالذات الي هو الظهر فيه هدوء عجيب تقدرين انك تقرائين فيه القران واذا صليت العصر اكملي بعدهااذا فيه شغل كمليه وشوفي برنامج مسلي ومفيد على قناه اسلاميه ثم بعد المغرب هنا لازم تخلصين اي شغل با المطبخ لازم قبل العشاء انا اسوي كذا عشان بعد صلاة العشاء تقدرين تصلين التراويح وبالك مرتاح قولي اذكار المساء اذافيه برنامج مفيد في قناه مثل المجد تابعيه اذا صليت العشاء تصلين ما كتب الله لكي ثم ياعزيزتي بعد ماتنتهين من التراويح كلي اي اكله واجلسي مع الاهل الين الساعه 10 او11 لازم تنامين بدري عشان صلاة الفجر لان الفريضه اهم من النافله بلا شك اذا صحيتي اخر الليل فبها ونعم لان هذي الليالي عظيمه والاجر مضاعف ماهو زي الايام العاديه تريه بس شهر والدين يسر ولله الحمد مافيه مشقه ثم تسحري جعله صحه وعافيه يارب واجلسي اقري قران الين الفجر

اشرايك نتفق انا وانتي على هذا البرنامج تري بذا الطريقه تختمين فيه القران اكثر من مره وجرب ردي اذا البرنامج هذا متوافق معك واسالالله العلي العظيم ان يتقبل منك وييسر لكي الطاعه والبر والتقى ويرفع قدرك ويرزقك الله العزه والرفعه والكرامه في الدنيا والاخره