|
يا أصحاب الذوق الرفيع ... شاركوني
بسم الله الرحمن الرحيم
أحبابي ... .أعزائي ... تعرفون أن هذي الفترة فترة امتحانات ورعب وبعده أكيد نتائج هذا الرعب عاد ما أطول عليكم عندي طلب صغيرون أنا محتارة كثير بالهدية اللي راح اختارها وبالأصح هديتين لأن عندي شخصين عزيزين على قلبي كثير وهالشخصين في أخر سنه لهم من الدراسة الله يوفقهم إن شاء فياليت تساعدوني باختيار الهدية اللي هي بس من أولها أقولكم إن أغلب الهدايا اللي تجي على البال خلاص ....راحت عليها لأني أهديتها فياليت اللي عنده حاجة مميزة يقولها الله يكثر خيرة بتقولون ساعات لا اكسسورات برضه لا عطور لالالا وألف لا كتب no شنط وملحقاتها ... لا تحف .. مناظر .. لا بخور وعود ... أرجوكم لا.. لا طقم تايور .. لا طبعا اللي أنا راح اهديه ( صديقتي وأختي ) يعني أبغى حاجة مفيدة وتبقي ذكرى أنا تعبت من التفكير يا ليت الكل يساعدني الله يجزاكم خير |
أهلا عبير أنا سعيدة جدا جدا جدا ولن تتخيلي مدى سعادتي بمشاركتك
لأني وجدتها فرصة لأعتذر لك غاليتي عما بدر مني أرجو أن تسامحيني ولا يبقى في قلبك شيء علي عديني بذلك أريدك وأنت تقرأين تعليقي هذا أن ترددي بلسانك لاأريد بقلبك بل بلسانك سامحك الله وسامحني وتذكري أننا كلنا خطاؤون وخير الخطائين التوابون طول الوقوف بين يدي الله عظيم ياعبير ولا أتمنى أبدا أن أقف بين يدي الله ولأحد علي مظلمة أجارنا الله تعالى من هذا اليوم ومن هوله آمين وموضوعك هذا ياعزيزتي إن دل على شيء فإنما يدل على طيب قلبك ومعدنك الرائع بس لا عاد تعيدينها ترى كل الدنيا تزعل ولا زعل الشيخ فهد أما الهدية حيرتينا فيها ماخليتي شي وش باقي مانذكر ياعبير سنفكر في الأمر شكرا لك |
أنا ممكن اساعدج
ممكن تعطين صديقتج ساعه ولكن مش أي ساعة اسمها ساعة الفحر حلوه وايد وأكييييد بتعجبها هي منبه لصلاة الفجر + منبة للعمل + منبة لأي وقت من اليوم + مناسبة للسفر لأن فيها أوقات لكل البلدان . أما أختد تستاهل منج قلادة أو خاتم حلو أو تودينها أحد المراكز وتتغدووون وتشتري بلاييز أو تعطينها مبلغ من المال تشتري إلي نفسها فيه . إن شاء الله أكون ساعدج ههههههههههههه [b] |
والله حيرتيني يا عبير
بجد انقلب راسي وانا افكر في هدية من نوع خاص لكن ما لقيت غير انك تسوين لهم حفلة خاصة بمكان رومنسي وهادي وتسوين لهم دعوات خاصة كل وحدة باسمها وتذكرين لهم المكان الخاص اللي بتعزمينهم فيه .. يعني مطعم نادي أو أي مكان تشوفينه مناسب لمثل هالجمعات الرايقة .. بس لازم تطلبين اعداد لبرنامج السهرة قبل ما تروحون عشان يطلع كل شي مميز ومرتب عاد هذا اللي قدرت افكر فيه لأني بجد اتمنى أسويها لمجموعة من صاحباتي وقلت يمكن تشوفين ان هالشي يناسبك انا ما ادري لكن أشوف انها فكرة مهيب شينه http://www.al-zen.com/icon/z-17.gif والله يوفقكم جميعا http://www.al-zen.com/icon/z-2.gif |
اقتباس:
#ايش ما خترت هديه رح تكون مميزة لهم لأنها منك ... ;) بالنسبه لي الهديه تكون مميزة على حسب الشخص الي يهديني اياها ... #واني اقترح لك هديه ما اقدر لانه الي يعجبني يمكن يعجبك او ما يعحب غيرك فالأذوق تتفاوت .. لكني رح اقترح عليك انك تشوفي الحاجه الي هم يتمنونها يعني اكيد سمعيتها تقول يا الله نفسي يكون عندي ... جيبي هذا الشي .. #اهم شي انها تكون غير متوقعه ... # وانتي ابدعي في طريقة تقديمها التغليف والكلام والمكان الي رح تقديمها فيه وا سلوب التقديم ووو ..... والله يوفقهم ويوفق الجميع في الأمتحنات.. |
جميل هذا التحاور ولكن الأجمل هو نقل الموضوع إلى مكانه الصحيح حتى تكون الردود أكثر وهنا منتدى التواصل بين المعبرين والأعضاء وحتى أكون مُشارك بالموضوع فالمسألة عندي أذواق فما يُعجب زيد لا يُعجب عمر عليكِ بعمل تحري :eek: حتى تتعرفين على أذواقهم وبالمناسبة إهداء مايبقى هو الأفضل ولكِ الإختيار |
[IMG]http://lmsat2000.******.com/angel_frame[1].gif[/IMG] \
أهلا وسهلا بك غاليتي عبيــــر في الحقيقه عجزت وأنا أبحث في مخيلتي في البدايه فكرت بطقم يتكون من الرغوه والمبارد للقدمين واليدين ومن البودره الخ طبعا في أماكن مخخصصه مثل زهور الريف متمرس بهالشيء والأشكال حلووه ورائعه ولكن بما انك تبغيها ذكرى ليه ماتشتري لهم عقد ناعم ما ابغا اقوللك منحوت عليه اسم الرحمن قولي ليه لانها ستدخل الخلاء اعزكم الله وبذالك سيكون اسم الله مهانه في دخولها به حتى لو قالت سافسخه في كل مره سادخل به ابن ادم نساي وبذالك ستنسى لذالك اعتقد ان تهديها عقد ناعم :D واذا ماعجبك هالاقتراح ولايهمك نبحث لك غيره [IMG]http://lmsat2000.******.com/angel_frame[1].gif[/IMG] \ |
مرحبا ... أختي ابتهال .. اختلاف الرأي لا يفسد للود قضية
أسعدني مرورك على موضوعي وبارك الله فيك .. أعلم مثل ما تعلمين أن طول الوقوف بين يدي الله عظيم يا ابتهال ولا أتمنى أبدا أن أقف بين يدي الله ولأحد علي مظلمة أجارنا الله تعالى من هذا اليوم ومن هوله آمين لهذا تقبلي أيضا اعتذري وأسفي ويقولون ما محبة إلا بعد عداوة وجزاك الله خيراً وجعل الله هذه المبادرة في موازين حسناتك ... فخيرهما من يبدأ بالسلام وشكراً لك |
الأخت .... الشماسية فكرتك حلوه لكن أتوقع أنها عندها من زمان لأنها تكلمت فيها من قبل بس مو مشكلة أشكرك على الاقتراح
*************************** ما فيه حيره أخت njd فكرتك والله ما هيب شينة أنا فكرت أن نجتمع في الملاهي النسائية وفيها مطاعم وأسواق بس المصيبة عندي الوقت ما اقدر علية بس راح أسويها في مكان أخر حلو وهادي وبرضه مميز في أحد الأسواق وأشكرك على مرورك الطيب الله يوفقك إن شاء الله ************************** الأخت طار شوقي للفردوس مرورك عطر المكان وأنا معك بان تميز الهدية بتميز مهديها وفكرت مثل ما قلتي بان اهدي شي هي تتمناها بس كل اللي تتمناها اشيئاء بسيطة ما تتعدى علبة شوكولاتة وعلبة الشوكولاتة شي مفروغ منه ****************** أبو نادر أنت بجد شخص نادر حتى في مرورك وردروك وأنا هذا اللي متعبني أني ابغاها شي يبقي ***************** شمعة فرح ما تجين تنورين لنا حفلة النجاح بإذن الله فكرت بمجموعة للجسم بس صديقتي على وش زواج واشترت منها كثير فشلتها من فكري ***************** بالمختصر ادري أني سكرتها بوجيهكم بس أنا كذا أفكر بالهدية من قبل المناسبة علشان اختار الشي المناسب واللي تستفيد منه أنا فكرت لأختي بش وبشوف وش رأيكم فكرت أني اجيبلها ,,,,, فواحة اللي يجي شكلها نافورة حجمها وسط وفيها حركة ماء مدري وش رأيكم باقي صديقتي ساااااااااعدوني |
:( لاتعليق أنتي عجزتينا صكرتي جميع الأبواب بوجيهنا :(
المهم ممكن توصفي شكل هذي الفواحه انا ماعرفها :confused: |
اختي عبيرر
بالنسبه لصديقتك فانتي قلتي انها على وش زواج انا اقترح عليك تكون الهديه للمناسبتين هديه واحده وتكون هديه قيمه طالما عندها الفرحه فرحتين بمعنى ان الهديه اللي تهدينها لها تكون مشاركه منك ومساعده لها في تجهيز فرحها وانتي ادري بظروف صديقتك فاما انك تعطينها مبلغ من المال وهي تتصرف فيه او انك تشترين لها من الاشياء اللي تحتاجها في الزواج يعني مثلا اقترح عليك وذا الشيء راجع لك ولامكانياتك الماديه اقترح انك تجيبي لها الشكولاته اللي يقدمونها للمعازيم مثلا او الورود الطبيعيه للي تحتاجها في ليلة فرحها وفي زفتها وفي الكوشه او تكتبين شعر وتلقينه بصوتك تعبرين لها فيه عن مدى معزتك لها ويكون مفأجاه لها يعني تتفقين مع خواتها وامها مثلا واثناء القائك للشعر انتي تدخلين وتسلمين عليها في الكوشه وتقدمين لها هديتك اللي بتكون مثلاا (عقد ثمين ) او مثلا تقدمين لها هديه لبيتها هي اصلا تجهز اشياء خاصه بها في بيتها اشتريلها اي شي قالت انها تحتاج انها تشتريه او مثلا روحي معها للسوق واذا اشترت وخلاص جات تحاسب انتي ادفعي بكذا لايمكن تنسى هديتك ابد هذا انا عطيتك عصارة مخي لانك قفلتيها بوجهنا قلت عاد مايبيلها االا ابتداع فكره وان شاء الله تكون الافكار اللي قلتها استفدتي منها وبشرينا بالنتائج اول بأول :D وربي يحفظ الجميع |
مشكوووووووووره على عصارة المخ حقتك يا ؟؟؟؟
بس هدية الزواج أهديتها أيها من زمان من فرحتي بالخبر ولما سوت الملكة أهديتها مثل ما قلتي شي للبيت تستفيد منه وكان عبارة عن بنانير ( وهي مجموعة صينية ومبخرة ومرش وتولات دهن عود وكلها كريستال ) مع الفواحة اللي تسأل عنها شمعة فرح وشكلها نبدأ أولا بالحجم حجمها وسط وفيه كبير تكون على شكل مدرج أو قوس من فوق أو أي شكل ثاني تعبينها ماء لحد معين وتسلكين لها للكهرباء وتشغلينها ولما تشتغل يتحرك الماء على المدرج كأنها نافورة أو يتحرك من خلال القوس وينزل الماء وتحطين على الماء فواحة أو عطر فلما يتحرك الماء تفوح رائحة العطر وتعبئ المكان + إنها شكل جمالي وخيالي ... وشكراً وصدقوني أنا ما قصدي أتعبكم كل قصدي اقتراح استفيد منه وشكراً للجميع |
اختي عبير الورد
اولا السلام عليكم,,,وعطر الله ايامك باحلىا لعطور اتمنى ان أفيدك اولا ساخبرك ببعض الهدايا التى وصلتنى بعهدها ساعطيك اقتراحاتى طبعا بعض الهدايا ذكرتيها ولقد وصلتى ساعه من خشب نقش عليها اسمي واسم صديقتى عن طريق الحرق وكانت رائعه وحجمها مناسب لوضعها على الطاولات ايضا زينه وضع عليها اسمي مع كلمات جميله على مزهريه خشبيه وفيها ورد قماش عطور زيتيه من النوع اللممتاز... علب لتخزين...اكسسوارات...وعلب اسطوانيه لاغراض متنوعه واظرف لحفظ المجلات وسله جميله وغريب شكلها لوضع العطور اوا لمكياج او غيره شكل جميل يحمل علبتين زجاجيتين فيهما ورد مجفف ومسجل! ولقد خطر في ذهنى بان تهديها مسجل مع اشرطه تهتم بالحياه الزوجيه وتغلفيها بطريقه رائعه وغير تقليديه وتجدين طرق متعدده في مواقع وقبلها عطريها بعطر قوي ومنعش بطريق لاتفسد البضاعه مثل تبليل القطن بالعطر ووضعه داخل اكياس التغليف اوتعطير الورد او غير ذلك فهذا لها ثر قوي.... او احذيه -اكرمك الله-منزليه مريحه وجذابه او قطعة ملابس بجاما مثلا لها ولزوجها ومن الممكن اكسسوارات لها او للجوال وبالنسبه لى اجمل شيئ مكن يقدم والذى احب ان اقدمه في المناسبات اكان نجاح او زواج هو اسواره ذهب او تعليقه ناعمه وجميله بفص كريم او خاتم ذهبي ناعم وانيق لان ا لذهب يدوم وقيمته تدوم ولانه أصيل فكان له المعنى الاعمق بالنسبة لى |
| الساعة الآن 9:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab