عندي مشكله ساعدوني الله يدخلكم الجنه وييسر اموركم
 

السلام عليكم ورحمة الله وبركاته

تصدقون اني ماعرف لابغض و لاحقد الا من يوم دخلوعلينا ناس من هذي النوعيه

مثل جوزات ااخواني يهرجون ويضحكون واذا جلست معاهم سكتن . ليش مادري

ويكلمون بنت اخوي الصغيره الي عمرها خمس سنوات كيف حالك وشلونك وانا بطولي وعرضي

وعمري 26 مايقولولي كيف حالك ولا شي وذا كلمتهن تسمع بعدين على طول تلف وجهها على الثانيه وتهرج عشان لاتعطيني فرصه اتكلم معهم يبغون اطفش واحينا ازعل في نفسي

ومن تصرفاتهم واحقد عليهم واكرهم وبعدين انا احقد عليهم بسبب من تصرفاتهم

وش الحل ليش يعملوني كذا ؟ وذا كلمت امي قالت استغفر الله ماهمها

هل ربي يحسبني ؟ عشان احقد ولى اهجر المجلس الي يجون فيه

من جد ياقلبي زوجات اخوانك غريبين ليه هذي التصرفات

لكن انتبهي لنقطة الصمت تعلمي مهارة الاستماع اكثر من مهارة الكلام

يعني لاجلستي معاهم سلمي وكيف حالكم وحتى قهويهم واجلسي مستمعة

اعرفي و شي المواضيع الي يتكلمن كثير فيها ويتناقشن واذا حسيت انهم اصلاً لاجيتي يسكتن اعملي حالك ملتهية بشيء وانك مو منتبهة لهم عشان تستمعين

واذا كانت المواضيع مفيدة ابحثي عنها وزيدي معرفة عشان تخشين عليهم باشياء مفيدة ويستانسون لاسمعوا منك


ويمكن يسكتون اذا كانوا يحشون باحد قريب لك صعب تسمعين تزعلين

واسفة على ان دخلت عرض لانك طالبة خبيرين يدخلوا موضوعك

والله يزوجك وتنشغلين بزوجك عنهم اللهم امين

ههههه

لا عادي مولازم خبيرين امين يارب تسلمين :smile:

شوفي ياشروق ترى بعض الاحيان الوحده منا تجرح اللي معها بدون ماتحس فالطرف الثاني

يآخذ موقف منك وانتي ماتدرين على ايش؟؟؟ لأنك ماكنتي قاصده هالشي .....

أنا من وجهة نظري لازم تواجهينهم ليه تتعاملون معي كذا انا غلطت في حقكم؟؟؟ اذا غلطت في حقكم

فوالله ماكان قصدي وانا اعتبركم مثل اخواتي وماودي يصير بيننا هالشي.... ومن هالكلام الحلو

لاتقولين بطنش لا ماينفع انتم عائله وحده وماينفع يكون بينكم الحقد مالكم الا بعض ووالله لو يصير على

بعضكم شي الله لايقدر لتنهبلون على بعض من الخوف.... فلا تخلين الشيطان يغلبك ويفرق بينكم....

تقبلي مروري............

عامليهم بأخلاقك لابأخلاقهم اسأل الله ان يصلح الحال .
كرري دائما "ربنا اغفر لنا ولأخواننا الذين سبقونا بالايمان ولا تجعل في قلوبنا غلا للذين امنوا ربنا انك روؤف رحيم"

ربنا اغفر لنا ولأخواننا الذين سبقونا بالايمان ولا تجعل في قلوبنا غلا للذين امنوا ربنا انك روؤف رحيم"

مدام هما مايبغوا يحتكوا فيك طنشيهم ليه تحرقي نفسك عشانهم اعتبريهم مو موجودين صدقيني هذا هو الحل للاشكال هذي وعن تجربه لو شافوك ماتعطيهم وجه يصير العكس واللي مايبيك انت لاتبينه

من كلامك واضح انهم متعمدات باسلوبهم الناشف معك ، خاصه لما قلتي يكلمون الصغيره ام خمس اسنين ، عشان كذا انا اقول سوي مثل ماتقولك الاخت الريم ولاتعطينهم وجه واللي مايعدك مكسب لاتعده راس مال ، وماعلى هالاشكال حسوفه ، اما مسألة تنزلين نفسك وتسالينهم ليه تعاملوني كذا ، فهالاسلوب بيونسهم ويريح قلبهم لاتخلينهم يفرحون عليك

يمكن سويتي شي ضايقهم او احد قالهم شي عنك واجهيهم احسن حل وان

ثبت انه مافي سبب عليك بالسلام وكيف الحال وبس اهم شي ماتقطعي الرحم

شكررررا على المرور

والله انك صادقه

شكراا على المرور

والله انك صادقه

السلام عليكم ورحمة الله تعالى وبركاته
الله يصبرك عليهم و الله يهديهم ويهدينا جميعا
لكن لا تهتمي فيهم ولا تعطيهم وجه واتصرفي كانهم غير موجودين وحدهم راح يحسوا اذا كان ضميرهم حي اما ان كان العكس ماراح يتبدلوا ولا راح يحسوا فيك ، ومادام امك بجانبك فهي خير انسي الله يخليهالك.
واسال الله ان يرزقك بالزوج الصالح وسائر بنات المسلمين