![]() |
ساعدوني بمشكلتي بس رجااااءا بدون هواش ولاتقولون لي استغفري ابي حلللل!
السلام عليكم .. كثير منكم بيقرا بيقول الحمدلله والشكر مشكلتها مو مشكله اصلا وبعضكم بيقول احمدي ربك عالنعمه ذي ,, بس انا فعلا اعااااااني منها واستغفر الله يارب لاتحرمني بس وربي تعببببت ! انا مشكلتي بكل بساطه اني حنونه بزياااااااده وارحم بقوه بشكل مقرف وربي ..!! احيانا اكون في خصام بيني وبين صديقتي او بيني وبين اي احد ويكون الحق معي ! ومع كذا ارحم واحس بالذنب وابدا انا اللي اتأسف واعتذر مع ان الحق معيييييييييييي !! لحظتها احس براحه بس اذا انتهى الموضوع وصرت افكر لحالي !! احس اني بدون شخصيه !!!!!! وابدا الوم نفسي اني مغفله وعبيطه ليش انا اللي اتنزل وغيري ولا يفكر !! طبعا انا مازعلت ع هالشي بالعكس اللي يبدا بالصلح له فضله عند ربي والحمدلله !! بس انا اخاف بعدين افقد احترام غيري لي وخصوصا عيالي بعدين ان شالله والاهم ابوووهم اذا تزوجت ان شالله !!:frown: المشكله الثانيه انا اعاني من قلق رهيييييب وهواااجيس ع غيري !! يعني احيانا ماتصدقون اكون اكلم وحده من صديقاتي وفجأه يتقفل الخط ! ارجع ادق القاه مقفل انهبل عااااااد انا واهوجس اكيد فيها شي واحيانا وربي اوصل للبكاااااء الشدددييييييد ,, ساعات ادق ع اي احد واذا لقيته مقفل ع طول افكر بشي شين وابدا اهوجس واحيانا اذا كنت طالعه ارجع واجلس اصيييح لين ينفقع راااسي !! تكفون ابي حل منطقي والله ماتخيل بكره بيصير عندي عيال وانا كذا شيّالة هم واخاف من اي شي ع غيري تكفون لاتستهينون باللي فيني وربي وربي شوفوني حلفت بالله انه مأثثثثر ع صحتي تكفون ساعدوني بحل يريحني ,,!!:frown: |
ياقلبي يارورو ...........
والله موضوعك يبي له قعده ، وأنا كنت طالعة لكن اقرأ موضوع رورو ..،، لكن والله ماهان علي أطلع بدون رد ....... طيب انتي معترفه انها مشكله .......و تبغين تتغيرين ....... لكن من الحين أقول لك ... لاأنا ولا غيري بيقدر يساعدك الحل كله في قلبك ! قلبك هذا دوسي عليه تعرفين يعني شلون تدوسين عليه؟ يعني صار موقف الحق معك وزعل الطرف الثاني اتركيه ..... أدري تقولين مقدر وأرجع أقول لك دوسي على قلبك واسفهي الطرف الثاني ....... في البداية مليون بالمية بتتضايقين وماراح تنامين ذيك الليله وبتقومين " هاذا ان جاك نوم" بتومين وعيونك متنفخه من البكا وصدرك ضاااااااااايق وودك بس تمسكين الجوال وتعتذرين ........ لكن اضغطي على قلبك وشوفي ترى بيقول لك الطرف الثاني الي هو متعود على انك تنزلين راسك له بيقول لك والله انك متغيره ماانتي فلانه اللي نعرفها ماعليك منهم ........ويضرب ع الوتر الحساس عندك أدري انك بتقولين صعبة ........ اقول لك موعشان كذا أقول لك الحل بيدك وماراح يفيدك كلامنا لك بشي .. أما مسألة زوجك بكره ان شاء الله وعيالك فتفكيرك صح بمحله ........ أكثر شي يضايق الزوج ان زوجته ضعيفه وحقها يطيح بسرعة بيد كل من يقابلها حتى لو كان هو بنفسه!! يحبها تاخذ حقها وقويه لكن مو عنيده !! لكن انتي الحين فكري بوضعك الحالي ... لأنه هو اللي بيرسم مستقبلك وربي يعينك لأنك تحتاجين جهاد مع نفسك وبتقدرين ان شاء الله . يله اعذريني طولت واسمحي لي إذا ماشفيت غليلك ومالقيتي بين كلماتي حل لمشكلتك . . |
انتي نفس مشكلتي .. بس انا بدات اتغير بس احس اني صرت سيئه شويه مو مره
كنت زيك انا الي دايما اعتذر وحتى لو احد غلط عليا ما ازعل ولو احد زعل مني اراضيه ولو احد بكي ابكي معاه واخاف حتى على عدوي والين دحين احس فيني هذا الشي وحتى في الجامعه اساعد الناس مع انه ماحد يساعدني لما اكون محتاجه شي ووقت لما الي رفض يساعدني اول يطلب مساعده اكون اول وحده جنبه صح هو حلو بس في حالات انا اكلت على راسييييييي وبعدها ما صرت اهتم في احد صار عندي تبلد ما احس ما ادري هوه التبلد مشكله ولا حل بس منجد زي ما قالت اختي الوعد الحل في يدك انتي تقدري تقوي قلبك زي ما انا سيطرت على قلبي وبنفسي |
اقتباس:
وربي ان كل كلامك اللي قلتي صح قلتي اشياء بعد ماكتبتها بس حسيتك دخلتي جوا قلبي وعرفتيها ماشالله تبارك الله .. والله وانا اقرا ماودي كلامك يخلص حسيت ان فعلا في احد فاهمني صح وحاس فيني ونفس اللي داخلي قاله .. حتى لما قلتي الكل بيقولك تغيرتي وربي صاااادقه جرببببت وسمعت هالكلللمه وضيييقت صدري وبسببها رجعت انتكست ,,:frown: يااابعد قلبي انتي والله اني انبسطت بكلامك وكل مره بدخل اقرا كلامك وبطلع .. الله يسعدك حبيبتي زي ماسعدني كلامك .. الحمدلله اني عرفتك:smile: |
اقتباس:
والله ياقلبي ودي قولك اللي يصبرك بس انتي شايفه انا مثلك ياليت اقدر اقدم لك شي .. شاكره اهتمامك غلاتي ربي يحفظك .. الف شكر :smile: |
رورو ..باصييييييييح من القهر كتبت لك رد مرتين وانمسح..علشاني مستعجله يتمنذل فيني هالنت ..بس بعيده لعيونك..
اولا ..عليكم السلام والرحمه.. كيفك يالغلا..والله اشتقت لك اكثر شيء في العالمين:tongue:.. ثانيا بالنسبة للمشكله ..ما خلت لنا الوعد شيء:cool: الله يسعدها.. بس باقول اللي عندي وعساه يساهم بالقليل في حل مشكلتك.. شوفي الحنان والرحمه نعمه من ربي ..ولكن الشيء اذا زاد عن حده انقلب ضده.. ودامك شعرتي بالمشكله وتبين تعالجينها هذا بحده تصرف ايجابي وخطوه اولى في الحل.. انتي تذكري موقف قاهرك وتمنيتي انك ما طلعتي منه بانهزام وابدي فكري بعقلك كيف كان لازم تحلينه ..واذا دخلتي بموقف وكان الحق معك وشوفتي انك بتعتذرين لا تلجأين للاعتذار بس غيري مسار الموقف ودخلي موضوع ثاني بحيث انكم ما توصلون لنهايه فيها تتصادمون يعني لا تخلون النقاش يوصل لحد اقطعوا الموضوع قبل لا يشتد..واقولك حاولي في المواقف تحكمين عقلك مو عاطفتك فاذا صرتي في الموقف وحسيتي قلبك لان قولي في نفسك يارورو فكري بعقلك انتي ما انتي الغلطانه ليش تعتذري(بس كون فعلا انتي الي صح)لانا احيانا نضن ان حنا الصح وحن على غلط..وربي يسر امرك ويسعدك.. اما بالنسبة للقلق..فكلنا نمر باللي قلتي بس هو يتفاوت من شخص للثاني..وعاد الشيطان ما يقصر لقيله فرصه يقوم يوسوس لنا ..وبعد ما يتضح لنا الموضوع نقول والله لعب بنا الشيطان خلنا نفكر باشياء احيانا ما تعقل ..بس انتي تعوذي من الشيطان ولا تستسلمين لنفسك في كل شيء.. واحب اقولك كذا شيء.. رورو لا تشغلين نفسك بالتفكير باشيااااء كثيره والله تتعبين ..اشغلي نفسك دايما في غير نفسك والله اهلكتي نفسك من كثر ما تفكري فيها ريحيها شوي:tongue:. اذا قابلتك اي مشكله او فيه اي حاجه تبين تصلحينها لا تقولين ما اقدرر..وقولي انا قويه واقدر لان ما اقدر هذي توقفنا عن اشياااء كثيره احنا بحاجتها ..خليها قاعده في بالك ما فيه شيء مستحيل دامي انسانه مؤمنه بربي ..وربي قادر على كل شيء... تفائلي وادري انك كل شيء يصيبك حتى لو كان في ظاهره يضرك ..اعلمي ان لربي فيه حكمه ..ويمكن هو خير لك وانتي ما تدرين..فأنتي وكلي كل امورك لله وترتاحين.. واخيرا ..اعذري منتهى على كثرة الكلام وعدم ترتيبه..والله يعينك تفكين فيه هههه.. والله يزيل همك وغمك وينور لك حياتك ويحفظك لاحبابك..:smile: |
ياعمري طولتي الغيبه وجيتي بمشكله ههههههه
ماشاء الله عليك يالحنونه هذي نعمه من الله بالعكس حتى لو تنازلتي ماينزل شيء من قيمه يكفي الاجر عند الله وربي مايضيعك ابدا .. وحتى ان تزوجتي والله الرجال يموتون بالحنونه وان شاء الله دامك حنونه زوجك اكيد بيتفهمك ويكون واقف معك ويساعك ولاراح يتخلى عنك ويقول انك ضعيفه شخصيه في فرق بين حنونه وضعيفه شخصيه واذا جاء العيال ان شاء الله ابوهم مايقصر معهم خلي بكره لعالم الغيب خلك بوضعك الحين ماتعرفين سبحان الله يغير ولايتغير..بالعكس ماشاء الله هذي صفه حلوه فيك ولاتخلي لبليس يدخل عليك فيها ويوسوس عليك ويخرب اخلاقك اصلا هو مايحب الخير لاحد بيك تقاطعي الكل تعوذي من ابليس وخلك كذا تمااااااااام .. اما ياعمري انك توسوي تعودي تتفائلي والله راح تنقلب دنيتك فوق تحت وتصير احلى انا كنت اول متشائمه وبعدين حولت افكاري من سلبي الى ايجابي والله ولله الحمد انبسطت كثير ورتحت نفسيا انصحك تتابعي الدكتور طارق الحبيب على قناة رساله يوم الاحد الساعه8مساء واقري كتاب البرمجة اللغويه العصبيه للكاتب الدكتور ابراهيم الفقيه رووعه والله بتستفيدي منه كثير ودعليلي كل ماذكرتيني ربي يسرملكتي ويتمم لي بخير ... |
اقتباس:
والله ماكذبتي بشي من اللي قلتيه انتي صادقه يامنتهى والله اهلكت نفسي من كثر مافكر فيها بس والله الفرااااااااغ له دووووووور يعني لاطلعات ولا دخلات كثير دايم بالبيت ظروف عايلتنا متوتره بقوووه مالي احد اطلع له حتى صديقتي انتي عارفه ظروفها مو سهل اشوفها عشان كذا مابيدي الا اجلس واهوجس,, تصدقين حتى خواتي نوم وانا نوم ماشوفهم الا كم ساعه باليوم والباقي بلحالي ,,:frown: كل كلامك احسه اسلوب اخاطب فيه نفسي ويعتمد عالنفسيه والله ادري عين العقل وانا دايم احاول بهالشي حتى يوم قلتي قولي لنفسك انا قويه وانا اقدر والله فعلا لها مفعولها بس وين العزيمه لله يقدرني عليها ياااااارب ونشالله ببدا من اليوم ..:frown: كلامك يجنن يامنتهى والله انك عزيزه وغاليه ع قلبي لأني ادري انه طالع من قلبك الكبير ربي يرزقك باللي يستاهلك غلاتي وكل من رد علي الله يسعدك ياقلبي والله اني احب اخذ رايك احسه قريب لقلبي :smile::smile: وترااااني حييييييييييييييل مشتتتتتتتتتاقه لك :frown: |
اقتباس:
ابببببشري بدعوات من قلب يحبك ويغليك ربي يتمم عليك ملكتك ويجمعك بزوجك يارب عاجلا غير اجل ويديم عليك الصحه والسعاده ياااارب :smile: >> إلى المكتبه :tongue::tongue: ههههههه |
وعليكم السلام
كانت حياته صلى الله عليه وسلم كلها رحمة ، فهو رحمة ، وشريعته رحمة ، وسيرته رحمة ، وسنته رحمة ، وصدق الله إذ يقول : { وما أرسلناك إلا رحمة للعالمين } ( الأنبياء : 107 ) . وكان يقول : ( من ولي من البنات شيئاً فأحسن إليهن كن له سترا من النار ) وكان يحزن لفقد الأطفال ، ويصيبه ما يصيب البشر ، مع كامل الرضا والتسليم ، والصبر والاحتساب ، ولما مات حفيده صلى الله عليه وسلم فاضت عيناه ، فقال سعد بن عبادة - رضي الله عنه : " يا رسول الله ما هذا؟ " فقال : ( هذه رحمة جعلها الله في قلوب عباده ، وإنما يرحم الله من عباده الرحماء ) . وجاءه أعرابي فرآه يُقبّل الحسن بن علي رضي الله عنهما فتعجّب الأعرابي وقال : " تقبلون صبيانكم ؟ فما نقبلهم " فرد عليه النبي صلى الله عليه وسلم قائلاً : ( أو أملك أن نزع الله من قلبك الرحمة ؟ ) . كان حرصه ـ صلى الله عليه وسلم ـ على هداية الناس، وحزنه على أن لا يؤمنوا بالحق الذي جاء به، أمرا غالبا على نفسه، ومن أجل تخفيف هذا الحزن الشديد على رسول الله ـ صلى الله عليه وسلم ـ كانت تنزل الآيات القرآنية مواسية له، ومذكرة إياه بأن الهداية من الله، وأنه ليس مكلفا بأكثر من التبليغ، فلا داعي لأن يذهب نفسه على الذين لم يهتدوا حسرات، قال تعالى: { أَفَمَنْ زُيِّنَ لَهُ سُوءُ عَمَلِهِ فَرَآهُ حَسَناً فَإِنَّ اللَّهَ يُضِلُّ مَنْ يَشَاءُ وَيَهْدِي مَنْ يَشَاءُ فَلا تَذْهَبْ نَفْسُكَ عَلَيْهِمْ حَسَرَاتٍ إِنَّ اللَّهَ عَلِيمٌ بِمَا يَصْنَعُونَ } (فاطر:8) قال تعالى :{ لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً } (الأحزاب:21).. قال الله تعالى : { لَقَدْ جَاءكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ } ، أخرج البخاري ومسلم من حديث أبي هريرةَ رضيَ اللّه عنه قال: قبَّلَ رسولُ اللّه صلى الله عليه وسلم الحسنَ بن عليٍّ وعندَهُ الأقرعُ بن حابس التميميُّ جالساً فقال الأقرعُ : إنَّ لي عشرةً من الوَلَدِ ما قبَّلتُ منهم أحداً ، فنظر إليهِ رسولُ اللّه صلى الله عليه وسلم ثم قال : " من لا يَرحمُ لا يُرحَم " ، هذا مالدي من قول الله تعالى .. والرسول صلى الله عليه وسلم أنتي فيك صفات مميزة لا تضعف الشخصية ولا تحطم الأمال كل ما عليك زرع الأبتسامة في وجهك ووجوه الأخرين أي أستفسار أخر انا متواجد أن شاء الله |
اقتباس:
والله اني اعجز عن شكرك كلماتك ردت لي ثقتي بنفسي والله الشاهد وياحظك ماشالله تبارك الله بالاجر اللي كسبته فيني بردك الحكيم الله يكثر من امثالك .. ابشر بدعوات في ظهر الغيب جزاك ربي الجنه ومن تحب آمين ... |
الله يجزاك ِ خير ويهديك ويصلحك ِ للرشاد
هذا مطلب كل مسلم من تواجهه المشاكل أو الظروف الخاصة أو اعراض لاأراديه يذهب للحل والعلاج الا وهو القرآن الكريم والسنة النبوية هي الباب الوحيد المؤدي للصواب مع أتخاذ الأسباب من العقلاء وأصحاب الحلول المنطقية الصائبة والله يوفقك وأياي والمسلمين أخوك ذياب العصيمي |
لا اله الا الله
|
اقتباس:
جزاك ربي كل خير واسعدك بالدارين شاكره من قلبي مجهودك الكبير .. |
اقتباس:
|
يااختي نعمة الحنان ورحمه نعمه من ربي العالمين اشكري الله عليه
اما الحنان اذا زاد عن حد ينقلب ضده ام اذا ماكنتي غلطانه لاتعتذري تر غيرك من النفوسهم ظعيفه يستغلونه فيك ولاتجعلينه فرصت لهم كل انسان تجوز حدوده معك وقفيه عند حده عشان يلتزم بحدوده معك |
اقتباس:
|
الرحمه حلوه يااختي
احمدي ربك انك ما تعانين من قسوه وحسوده هذا اللي علاجه صعب حبيبتي كل ادلي بدلوه وما شاء الله كفو ووفو عندي بس اضافه سالي نفسك هالاساله نفسي مو باولي اني ارحمها انا مسؤوله عن نفسي والا عن الناس ليش ادفع ثمن اخطا ئهم علي حساب نفسي باي حق اتدخل بصفه من صفات ربي واحزن علي مصاير الناس وهو اللي كتبلهم وهو الرحمن الرحيم اعتقد هالاساله بتصحيك علي بعض الامور معضمنا مر بمرحلتك لانا نحب الخير ونبي السعاده ترفرف حوالينا ومعضمنا تنازل زيك عن حقوقه لين علمته الدنيا لكن انتبهي تنكسرين حياتي عطي نفسك حقها و لا تطالبين بشي مو بلك التزمي بعباداتك وذكر ربك ولا تغفلين عنه والله يحفضك ويخليك لعين ترجيك |
والله الذي لا اله الا هو ما كلما زاد المؤمن خضوع ورفقة ورحمة زاد عزا وشرفا ورفعة فاحمد الله سبحانه ...
اما البكاء والصياح أرى انك تعرضي نفسك اولا على : كتاب الله عز وجل والصلاة ثم الاطباء المتخصصون ... اسال الله لنا ولك العافيه في الدنيا والاخره . |
السلام عليكم اختي الغالــــــــيه،،،
اولا اذا عن الحنـــــــــان فهي صفه محموده والاولى ان لاتحاولي تغيريها،،، اما القلــــق لابد من التوكل على الله فالحياه تحتاج لذلك ،،،واعلمي ان مااصابك لم يكن ليخطئك ومااخطئك لم يكن ليصيبكـ،،، اما مايحدث من اعتــــــــــذرات لاشخاص قاموا بالخطاء عليكـ فالافضل قرأتكـ لكتب(تأكيد الذات)او البحث ب(قوقل) عن هذه المواضيع احببت مشاركتكـ لو بشيء بسيط ،،، |
حبيبتي انا كنت و لازلت لحد ما مثلك بالضبط لكن كما قالت الاخت بنتهم قرات في عدة مواضيع عن تطوير الدات و هدا ما جعلني اصحح نظرتي للامور كما ان احتكاكك المتواصل مع الاشخاص راح يخليك تغيري هدا التصرف لان اعتدارك على الرغم من ان الحق معك راح يخلي غيرك يحس انك ضعيفة و يحس ان الحق معه و تدريجيا راح يتمادى في ظلمه لانه يعتقد انه دائما على حق فاتركي حبيبتي الفرصة لغيرك حتى ينتبهوا لاخطائهم و يتعلموا الاعتدار اللي صار شيء مستحيل تقريبا في زمننا ,حبيبتي المؤمن القوي خير من المؤمن الضعيف ,صحيح ان الحنان و الرحمة نعمة لكن طبعا ستصبح نقمة ان استخدمت في غير موضعها مثل الدواء بالضبط
,كما ان مجرد طرحك للمشكلة راح يخليك تحسي بالراحة و تدريجيا تغيري من نظرتك للحياة فاكيد انك تشعرين الان بان هناك اناسا يقدرونك و يهتمون بك و يساعدونك في حل المشكلة اي ان حمل المشكلة ما راح يظل على اكتافك فقط راح تحسي انك تقاسمته مع غيرك الموضوع لازمو شوية صبر منك و ان شاء الله توفقين في دلك لا تنسيني بخالص الدعاء |
اقتباس:
فعلا اسئله جايه من عقل ماشالله عليك بإذن الله بحاول مع اي والله احاول ربي يوفقك ياحبيبتي ويسعدك يااااارب:smile::smile: |
اقتباس:
جزاك ربي خير وادخلك جنات النعيم الف شكر من قلبي شكرا ... |
اقتباس:
ربي يفرحك قد مافرحتيني ... |
اقتباس:
ابشري بالدعوات تامريني .. |
بشرررررررري كيفك الحين شريتي الكتب ؟؟وبعدين وين اختفيتي لاحس ولاخبررررر
|
هلا بك ياقلبي انتي لا والله ماشريتها قلت احتري كتبي الدراسه واجيبهم مره وحده :)
يسلم لي عمرك ياااعممممرررررررري :) |
سهل الله أمورك أختي وأزاح عن قلبك الهموم وأبعد عن طريقك الظلوم، وجزاك الله وكل من رد عليك وأدخل لقلبك السرور كل خير تبارك الرحمن الأخوة والأخوات كل أسهب بحل مختلف في الشكل متحد المضمون عليك أختي بالنظرة المتأملة ثم التطبيق متابعة لكي، بالتوفيق |
اقتباس:
حلوه الحياة وربي يا أختي بوجود قلوب طاهره مثلك .. شكرا من قلبي ... |
الساعة الآن 7:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab