|
قربت انجن(ســــــــــاعـــدونـــــــي):"(
السلام عليكم ورحمه الله وبركاته
اناماادري من وين ابدا مشكلتي متزوجه من شهرين ونص وزوجي قبل الزواج كان انسان طيب وحنون ويحبني بجنووون وكان ينتظر الزواج بفارغ الصبر وتم الزواج بالرغم من المشاكل اللي مرينا فيها بس بعد الزواج تغير تغيير جذري في تعامله معاي صار قاسي ومايعجبه شي ابدا وصايرينام برى الغرفه لانه اذا نام جنبي حس بالم في اسفل الظهر وحراره واذا نام برى المكان اللي انافيه ماتجيه اي اعراض وصاير عصبي جدا ومايطيق يدي تجي على يده وش مااسوي بالبيت مايعجبه كل شي موحلو ومومرتب وصاير حتى الاكل اللي اسويه مايعجبه بس جالسين بالبيت وصاير يبيني اروح لاهلي وانام عندهم يجيني باسلوب غير مباشر ولمارحت انام عند اهلي قلتله يومين وبس سوى من الحبه قبه وزعل وقال اجلسي ان شاء الله سنه والان لي شهر في بيت اهلي مايسأل عني ولايدري عني بالرغم انناتونا متزوجين ودايم كان يقولي انتي ماتثيرريني انتي مااحسك زوجه انتي زي اختي ودايم بكلامه يكرر كلمه اختي كثير وبعد مشكلته يسمع لامه كثير وامه ماتبيني يعني بس لانه هو يبيني وافقت ولاانا ماتحبني شخصيا وبرضو فيه وحده من العايله كانت تبي تخطبني لولدها قالتلي بعد ماملكت على زوجي انو ترى بس بياخذك كذا وبيحط بالبيت مجرد تمثال لااكثر وفعلا انافي بيتي مااحس ان لي وجود كل شي هو اللي يتحكم فيه حتى انه ماينام معاي ولاينام بالغرفه اللي انافيها الا يصحى تعباتن ومهدود حيله وكان يحس بصعوبه في اتياني في بدايه الزواج وبعدها صار يتعب كثير وبطل من هذا الشي ويقول ان ظهره تعبان بس هو ينفر مني بشكل موطبيعي لدرجه انو يعصب ويتغير شكله اذا جت يدي على يده اناتعبت من التفكير هل اللي هددتني هي مسويه سحر؟؟؟لاني بعد زواجي استمعت لرقيه ونمت وحلمت حلم وفسره لي الشيخ العصيمي انه سحر شربته او اكلته بس ربي نجاني منه او هل السحر بزوجي لانه ماعاد يكن لي اي مشاعر مع انه بليله الزواج كان معاي انسان رومنسي جدا ولماصار الزواج(العرس)جاي انسان ثاني مااعرف ايش فيه ولاشي كان عصبي ومتنرفز من بعد ماتم فض البكاره صار يشك بعذريتي لانه كل مااتاني ينزل دم زي لمافضه اول مره وقلتله انامستعده اروح المستشفى ولماعصبت وقلتله بوصل الموضوع لاهلي هدا ونسى الموضوع كله صاير ينتظر زله عشان الحق يصير معاه ويطلق وانا الصراحه ماعندي قدره على احتمال التغيير هذا ولااعيش بجو زي كذا يقولي انتي اناجايبك طبخ وغسيل وتنظيف وغير كذا مالك شي عندي مع ان لي حقوق عليه ماينفذها ولايعطيني حتى مصروف والهدايا اللي اجيبها له يقول لاهله انه هو اللي مشتريها ودايم مطلعني بصوره موحلوه قدامهم انامااعرف ايش اسوي بصراحه مره احترت اخاف اشكي لابوي واقوله السالفه ومايطلع فيه لاربط ولاشي وتكون تصرفاته من تاثير كلام امه بس انامااتوقع ان فيه رجال مايقدر يأتي زوجته الا اذا كان فيه شي قوي وانا الحمدلله موناقصني شي بشهاده الجميع ودايم يحاول يشككني بجمالي وبانوثتي واي شي اتكلم فيه مع امه ولااخته وامدحه فيه يجي من ثاني يوم هالشي متغير يغير اسللوبه باستمرار مااعرف وش الموضوع بالظبط احترت كثير بس ابي اعراض المربوط بشوف هالاعراض موجوده فيه ولالا او عطوني اي حل مره حالتي صعبه ومااعرف ايش اسوي حتى جلستي فبيت اهلي مشكله كل ماقلتله تعال يقول لا انا مشغول موفاضي او مايرد لاعلى مكالمات ولا على رسايل ولا على شي انا بجد احترت معاه كثير انامادخلت بالتفاصيل كثير بس عطتكم رؤوس اقلام عن الوضع ابي حل قبل لااخرب بيتي واسوي مشكله لاني احس اني اكرهه كثير ومااطيقه بالمره وناويه ع الطلاق باقرب فرصه بس اذا كان الوضع فيه سحر او مربوط اوعين بصبر واجري على الله سبحانه مايضيع حق احد انتظر ردودكم باقرب فرصه يارب تلقون لي حل |
اختى الله يعينك ويصبرك بس لازم تشرحين الوضع لاهلك
ولاتسكتين الله واعلم بعطيك احتمالين الاول احتمال فيه سحر اوعين والله اعلم الثاني احتمال شخصيته ضعيفه عند امه وهي اللي توجهه حاولي تعرفي الاسباب من جميع النواحي حولي تطنشينه شوي يمكن تعلقك فيه مره مو عاجبه بس بالاخير لازم تشرحين الوضع لاهلك بس مو بتعصيب وتشكي كثير اشرحي بهدوء وان شاء الله تنحل مشاكلكم وتتوفقون |
الله يعينك أختي أكثري من الدعاء والاستغفار وبتنحل المشكلة أن شاء الله .
|
الله يفرج عليك يا اختي عليك بي الدعاء والصدقه
واذا كان تبي تعرفي انه سحر ورغم اني حاسه انه سحر لا ان عندنا محاضره في الجامعه كانت عن السحر ذكرت ان في سحر التفرقه يالغلا اقري البقره سبع ايام متواصله وشوفي الفرق اذا اتغير الوضع معانه سحر والعلاج بي القران والله يوفقك ويسخر لك زواجك |
يعطيكم العافيه ع الردود بس لسه مالقيت الجواب الشافي
اتمنى موضوعي مايهمل لاني ماابغى المشاكل لاننا عايله وحده ابي حل ابي اي شي ابي اعراض الربط عشان اشوف كلها فيه ولالا |
أسأل الله أن يصلح حالكــــــــم,,,
شكــــل بينكم سحــــر ,,, لأن مهما كان كره الأم والزوج يحب زوجته لا يمكن توصل لهذا الحد من الكراهيه والنفور ,, أكثري من الاستغفار والدعاء,,واقرأي سورة البقره كل يوم لأن أخذها بركه وتركها حسره ولا تستطيعها البطله ,,, بوصية الحبيب لنا ,,, أسأل الله أن يفرج همك.......... |
يعطيك العافيه بس كيف اتكلم لاهلي وربي استحي اتكلم وش اقول ابي احد يقولي كيف افاتح اهلي كيف افاتح اهله شلون بطريقه ماتجيب مشاكل
|
اقتباس:
اولاً : اجمعيهم الام و الاب و اشرحي ان زوجك تعبان فقط لا تقولي ما يبيني و لا يحبني لالا لا تقولي كذا بس قولي زوجي تعبان و يحتاج الى رقية ثانياً : اذا تبين تتأكدين انه مسحور روحي للعطار و اشتري [[ حلتيت ]] بخري البيت ترى رائحتها تكرهها الجان اكيد بيسقط ع الارض اذا كان مسحور او بيحصل له شي ضيقة نفس او بيزفر كثير ثالثاً : اختي كل ابتلاء هو من الله سبحانه فسارعي بتوبة الى الله حافظي على صلاة الوتر آخر الليل و ادعي اللهم عافي زوجي من كل شيطان مريد و رده اللي رداً جميلا |
يعطيك الف عافيه بس انا مو في بيتي الان ولااقدر ارجع كذا
وش الحل غير الحلتيت |
الجواب الشافي والله اعلم ::
1-يجب ان يعالج بالرقية الشرعية او انت تقرأين عليه كل يوم وتشوفين الاثار وتذكرينها في هذا الموقع المنتدى وان شاء الله مايقصرون معك المشرفين والدكتور فهد واستمري على ذلك 3 اسابيع وممكن تستخدمين وصفة الشيخ فهد بانتظام ودقة 2- اذا ماكان هناك تاثير او التاثيركان ضعيف فيجب ان يراجع دكتور نفسي او اخصائي نفسي ويشرح مشكلته للدكتور لان الموضوع قد يكون نفسيا فقط ويحتاج اعادة تاهيل للجنس عنده وجلسات علاج سلوكيه بدون الحاجة ابدا الى حبوب نفسية((هذا واقع كثير من الشباب اليوم المتزوجين حديثا)) اذا مانفع معه الحلين السابقين استخيري الله واطلب الطلاق فورا وبلا تردد والله يرزقك ويعوضك خيرا منه ’’’انتبهي واحذري من موضوع الانجاب في هذه الفترة((السنة الاولى))’’ |
غــاليتي :
صرخات أنثى أولا : أسال الكريم المنان من بيده ملكوت كل شي أن يسعدكِ في الدنيا والاخرة وأن يبدد أحزانك الى افراح وان لايحرمك اجر مصابك فوالله الذي تمرين به ليس بالامر اليسر الهين .. والذي يظهر لي بانه قد وضع لك سحر جعل زوجك ينفر منك كل هذا النفور ولا اعتقد بان امه تحرضه عليك فمهما وصل كره الامهات الى ازواج ابنائهم لن يستطيعوا ان يمنعو ابنائهم من اتيان زوجاتهم هذا شي .. والشي الاخر مالذي جعلكِ تقولين عن ام زوجك بانها تكرهك هل هي من قال لك ذلك ..؟؟! فلنحسن الظن بالاخرين من اجل ان نسعد في حياتنا ونعطي الاخرين حقهم ثانيا : أكثر من الاستغفار بنية اظهار الحق وفك السحر الذي بينكما وكلما تذكرتي زوجك وانت مازلتي تستغفرين قولي ان لله وانا اليه راجعون ولا حول ولا قوة الا بالله واستمري بالاستغفار ثالثا: اقراي على نفس البقرة يوم واخلصي النيه مع المعوذتين والاخلاص ثلاث مرات والفاتحه سبع مرات مع الادعيه المشروعه عن النبي _ صلوات ربي وسلامه عليه _ رابعاً والاهم : انطرحي بين يدي الكريييييييييييييم المنان الجبار وبثي شكواك له فهو وحده يعلم حالك وضعفك وبيده كل شي والقادر على كل شي وكرري بالدعاء بقولك ياجبار اجبر خاطري ياجبار اجبرني ياجبار اجبرني بمصابي فوالله ثم والله لن يخيبك الجبار نصيحه: لاتخبري احدا بما يحدث لك الا الله واستعيني على قضاء حاجاتك بالكتمان فهاكذا علمنى المصطفى _ صلى الله عليه وسلم _ فبإذن الله تنفرج الامور وترجع المياه الى مجاريها ولا يعلم بها احد .. حبيبتي دعواتي الصادقه لك بالسعاده الدائمه بالدنيا والاخره مع زوجك واحبابك |
|
اللهم لايبلغ مدحك قول قائل ولايجزي بألائك أحد لك الحمد لانحصي ثناء عليك انت كما اثنيت على نفسك وجهك اكرم الوجوه واسمك اعظم الاسماء وعطيتك احسن العطايا انت الرب وسواك العبد انت الخالق وسواك المخلوق انت الرازق وسواك المرزوق انت القوي وسواك الضعيف انت القادر وسواك العاجز لامعبود بحق سواك وعبيدك سوانا كثير اسالك الله ان تصلي على محمد وعلى ال محمد كما صليت على ابراهيم وعلى ال ابراهيم انك حميد مجيد وبارك اللهم على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد اللهم ياحي ياقيوم فرج هم اختي صرخات انثى وردها لزوجها رداً جميلاً اللهم فرج كربها وازل همها يارب العالمين..
استغفري الله وادعيه في كل وقت وحين وقولي اللهم سيرني ولا تخيرني وارضي بما كتبه الله لك فهذا ابتلاء احتسبي واصبري إن الله مع الصابرين. |
اشكر كل من رد على موضوعي
لكن لم اجد عندكم اي جواب شافي لكم جزيل الشكر |
صرخات انثى اسمعي انا كنت بكتب لك الرابط اللي حاطته كسر الخواطر وماشاء الله سبقتني بالاضافه الى سورة البقره اقرأيها يوميا وادعي ربي ان كان فيه شي انه يفكه لان بصراحه مبين انه سحر مابي احط بذمتي بس مو معقوله مايقرب منك مهما كانت امه متسلطه الا بالفراش الرجال مايقدر يتحكم بفسه بالذات انك تقولين انه طيب وحنون او عييييييييييين قووووووويه انتي استمري ع هالشغلتين واستغفري باليوم اقلها 500مره وصدقيني اسبوع واحد وبأذن الكريم ينحل لك موضوعك وقيااااااااااااااااااااااااااااااااااااااااااااااا اام الليل لو ركعه بالذات في الثلث الاخير بالليل يعني بعد الساعه3 وادعي واصلا انتي مكبوته محتاجه تبكين ابكي عند الكريم الذي يقول كن فيكون وصدقيني يتدخلين وتبشرينا وكرري اللهم عجل فرجي وووووبس اتمنى انك تسوي كل شي انا قلته لك وع فكره ترى النوافل مثل السنن اللي بعد الصلاه وصيام الايام البيض والاثنين والخميس الخ هالاشياء تعجل في الاجابه لان ربي بمعنى الحديث يقول مازال عبدي يتقرب الي بالنوافل حتى احبه واذا احببته اصبحت سمعه الذي يسمع به وبصره الذي يبصر به ويده التي يبطش بها ورجله التي يمشي بها وان طلبني لأعطينه وان استعاذني لأعيذنه ..
|
الله يصلح حالكم يااااااااااااااااااااااااااارب
|
الله يعينك أختي أكثري من الدعاء والاستغفار وقيام الليل وان شاء الله ربي راح يفرج همك......
|
أختي اقرأي اقران وخاصة الرقية الشرعية بالبيت وفي مويه وزيت وأعطيه لأنه يمكن مايقبل يروح لقارئ .
واكثري من الدعاء والاستغفار ربنا يصلح حالكم |
اقتباس:
|
اختي الله يفرج لك يارب ويحنن قلبه لك ولاكن حاولي ان تبعدي الوسواس عنك السحر لاني مابي تفكري كثير وتتعبي واذا انتي مصره اعملي بفك السحر الايات اللي ذكرها الدكتور فهد وهي مجربه وراح تعرفي ولاكن انصحك بالدعاء وحاولي بان تتفاهمي مع زوجك وتبحثي عن الاسباب
|
اهلك مو ملاحظين شى
|
امك وينها ليش ماتتكلمين معها في مشكلتك الا اقرب لبتها في ها الامور وتعرف
|
صح كلام اختنا انه الحلتيت يخلي الجن يخافو
وهو اسرع طريقة طيب والدك ما ينفع يقله ما صار زواج هذا تخلي البنت عندنا وتروح اهلك لو يسعدوك كويس يعني قوليلهم انه فيه شي ويحتاج رقيه وانك محتاجة تروحي له البيت وخلي والدك يتفاهم معه بس يقله انه ما يصير كذا تخلي البنت عندنا وهذي زوجتك وانت مسؤول عنها |
الله يصلح بينكم
اختي المفروض ماتطلعي من بيتك مهما صاااار زوجك فيه شي (سحر او عين)وهالشي مايحس فيه ومالو ذنب لاتتركيه لابد تكوني جنبه..ارجعي بيتك لاتنتظريه يرجعك..لاتقولي كرامتي وهبال النسوان ارجعي وقولي برجع عشانه ,,عشان اكون جنبه في مرضه وضيقته ابدئي بنفسك بالنسبة للبيت بخريه بالحلتيت وشغلي فيه سورة البقرة كل يوم بصوت عالي واقرئي سورة البقرة على نفسك بصوت عالي وبنفس الوقت حطي امامك قنينة ماء وهيك بتكوني قريتي البقرة على الماء واشربي منها وشربي زوجك بطريقة غير مباشرة..وتحصني بالاذكار كل يوم واستغفري بنية الاصلاح بينكم وادعيله وحافظي على الي ذكرتها وان شاء الله وباذن الله تشوفي اللي يسركــ |
يا حبيبتي قلبي معاك
وربي مدري ايش اقولك ما عندي اي معلومه تفيدك بس من جد قلبي معاك يارب يارب يارب يرجع لك زي ما تحبين قولي امين |
حبيبتي لا تقولين ما وجدتي الرد الشافي في الردود
اقول البقرة و الاستغفار و الانكسار بين يدي الله هم الحل الشافي باذن الله لا اظن زوجك الا مسحور و الله اعلم اجتهدي اكثر و استمعي للاخرين فالنصائح السابقة من الاعضاء اراها من ذهب انت فقد خدي بها بيقين |
الله يعينك ويهدي زوجك ويرده لك ويكفيك شر الناس
عليك بالرقيه الشرعيه لك ولزوجك والدعاء والاكثار من الاستغفار |
وعليكم السلام ورحمة الله وبركاته
لاحول ولا قوة الابالله اللهم فرج هماه وانصرها يارب ورد كيد كل ساحر ياارحم الراحمين |
سبحان الله اااا
|
الله يعينك اختي
اكثري من الاستغفار واقرئي سورة البقرة كل يوم وصلي بالثلث الاخير من الليل لان ربك ماينسى عباده |
| الساعة الآن 11:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab