محتارة بين [ أمي ] و [ دراستي ] .. رأيكم يهمني ..
 

السلام عليكم ورحمه آللَّھ وبركاته ..

اسمحولي بدخل في الموضوع على طول ..

أنا طالبه درست سنتين في الكليه .. و حاليا بدأت ثالث سنه .. أفكر أحول الجامعه لكن المشكله أو الشي اللي محيرني ( أمي ) ..

الكليه اللي كنت أدرس فيها .. كنت يوميا اداوم الصبح و أرجع الظهر أو العصر أي أني أكون متواجده ف البيت يوميا على عكس الجامعه اللي رح أكون هناك طول الاسبوع ( بأمارة غير إمارتي ) و رح أرجع البيت في اجازة الاسبوع .. و أمي متعودة علي .. و في بيتنا أنا و أمي و أختي و الشغاله بس .. بس أمي أي شئ تبغيه تطلبه مني .. .. علاقتي بأمي أكثر عن علاقه أختي فيها قلت لها عادي أروح الجامعه هي موافقه بس ما من خاطرها .. ما مقتنعه ..

و آللَّھ ما أعرف أحس محتارة كثير .. أنا أريد أدرس شي ينفعني ف الدنيا و الآخرة ( بإذن آللَّھ رح اختار تخصص يحوي على دراسات إسلاميه ، كنت أريد علم النفس قبل لكن الحين ما أريده ) و أموري رح تكون تمام .. أريد أرسل الأوراق المطلوبة بس أمي .. ما أعرف هي ما مقتنعه و تريدني إبقى معها .. محتارة ما بين دراستي و أمي ..

بس ما أعرف أنا متحمسه للدراسه كثييييير لأنها رح تفيدني ان شاء آللَّھ في الدنيا و الآخرة و بنفس الوقت أمي و آللَّھ محتاااارة حتى و آللَّھ اتضايق ..

و أنا من الأساس أفكر استخير .. بس قلت أبغى أول شي أموري كلها تمام و الكل يوافق و بعدها استخير لأن أريد أخلص أموري من وقت عشان الحق على الفصل الثاني ..

شو رأيكم .. أنتقل للجامعه و أكمل دراستي في شئ ينفعني في الدنيا و الآخرة .. و لا إبقى في الكليه عشان أمي و أكمل اللي أدرسه و اللي أنا ما مقتنعه فيه تماما ...؟؟؟؟

استخيري اختي لان الاجابه الشافيه تجيك

من الله اسرع واريح

لاخاب من استخار

ولاندم من استشار

السلام عليكم ورحمة الله وبركاته ..
أرى إنك تكلمي أمك الله يحفظها ويبارك فيك وفيها..
وتقوليلها بالأسباب الي ذكرتيها هنا,, وتخلي أختك بنفس الوقت تكلمها إنه رح تهتم فيها كله عشانك..وعشان دراستك.. و كلميها إنك محتاجة هالمرة وقفتها ودعواتها لك بالتوفيق..
عادة الأم ماتحب تفارق ضناها وطلبك للدراسة والتماسك للرضا مارح يكون فيه عقوق بإذن الله..
بس إذا فهمت بترضا,, وإذا رضيت بالعكس رح تدعيلك و ربي يوفقك..
أخوية كان يبغى يروح الأمنية بدورة بمدينة بعيدة عنا لمدة ماهي قليلة..وكانت أمي كثير ممانعة لأنه بعيد عنا.وبيطول وكمان تعب عليه.
لكن لما حست إنه مستقبل اقتعت وضلت تدعيله ومع ذلك تبكي عليه ..وكل مرة يكلمها إنه ربي كل مرة يوفقه لدرجة صار قائد لفرقته..
ورجع بعدها بالسلامة وتوضف في فترة بسيطة..وأمي نسيت من زماااان بكاها..

السلام عليكم ورحمة الله وبركاته

ابقي الي جانب امك
كما انك تدرسي في ماده انتي مقتنعه بها
افرضي انت تركتي دراستك وذهبتي الي اماره اخري
انتي راح تتخصصي في ماده انت ما تدري راح تعجبك او لا
وراحت من دراستك سنتين
ليه التعب
انت تبغي شيئ يفيدك
ادخلي دار تحفيظ قران في وقت العصر
احفظي القران واستفيدي من الدار
الي جانب شهادتك

الله يكتب لك الخير و حاولي ااتقنعي امك

السلام عليكم ورحمة الله وبركاته
حبيبتي أي أم بيعز عليها أن يتركها أبناؤها حتى عند الزواج ولكن لوفيه مصلحه لهم بترضا على طول كلميها وخذي خاطرها وشوفي ردت فعلها لو عادي إتكلي على الله وروحي كملي لوحاسه إنهابتزعل ماتقدر على فراقك عاد هذا شي راجعلك ياإنك تسمعي كلامها ياإنك تكملي دراستك وبعدين هي راح تتعود على الوضع وبتدعيلك بعد المهم وأهم شيء أستخيري قبل كل شيء حتى الله يسهل لك الأختيار
وكلام سيدرا حلو ومقنع !!!!!!!