هل هي اضغاث احلام ؟؟
 

السلام عليكم ورحمة الله

هذي اول مشاركة لي في هذا المنتدى الراقي الأكثر من رائع

اتمنى تفيدوني في اسئلتي اللي محيرتني

فالفترة الأخيرة احلم احلام كثيرة ومتخربطة بمعنى

أحلم اني في مكان ومع ناس فجأه المكان تغير وناس غير

او احيانا احلم ناس كثيرة واصادف شخص اعرفة او شخصين ومكان ما اعرفه

واحيانا احلم بأشياء غريبة مثل ( سيارة داخل المبنى تمشي فالطابق الثاني ) أو ( افتح قشرة الموز والاقي ثلاث موزات داخل)

واكثر من مرة انش من النوم ( اصحى من النوم ) نص الليل وارجع انام واحلم احلام اخرى

ومثل هالأحلام احياناً اشوف شخص تكررت رؤيته في اكثر من حلم وبأكثر من طريقة

هل افسر الرموز الواضحة من الحلم واترك باقي الحلم ؟؟ ام اعتبرها اضغاث أحلام ؟؟

اعتقد ان الرائي لازم يذكر الرؤيا كلها (مب يقتصر على ذكر رمز) والمعبر هو اللي يحدد الجزء المهم اللي له تعبير والاجزاء المسمى حشو منام او انها اضغاث احلام لا تأويل له
والله اعلم

ونسمع رأي المعبرين في الموضوع هم اهل العلم والاختصاص

جزاك الله خير ( الودق ) عالرد

واقصد اني اذكر الرموز الواضحة ،، يعني بعض الأحلام اشوف فيها اناس كثر واحس انه اكثر من حلم ولما اصحى ما اذكر الا موقف او موقفين من الحلم كله والباقي احسه مخربط وما اقدر اتذكره بوضوح وين كنت ومنو شفت

اذكري اللي تذكرينه
وقولي انه في اشياء ما تذكرينها

شكراً للمرة الثانية (الودق) جزاك الله الف خير

رزقك الله حسن الخاتمه وجنة الفردوس،، آآمين

الحمدلله اني احصل أحد يرد علي :)

شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .

بإذن الله تحصل من يرد عليك

بارك الله فيكم