قرص العقيلي كنت أنتظر منال تقدمه لنا لكنها تهربت.
اليوم جهزته لكم لكن عشان ارفع الصورة لازم استخدم جهاز اللاب توب والآن صعب شوي.
المهم اني جهزته.
غدا الضحى أن شاء الله أضع الصور واليوم اكتفوا بتخيل شكله المتواضع جدا .
وبعدين اليوم يكفي كيكتك ماشاء الله.

ماشاء الله الامارات مرة متقدمة ...
ذكرتيني ببنت عمتي كانت تحكيلي عن الأعراس اللي تحضرها
هي متزوجة بالشارقة..
ولدينا كثير أقارب بس ما أعرفهم
كانوا بييجو عندنا لما كنت صغيرة

السلام عليكم ورحمة الله وبركاته
أهلين وسهلين فييكم

أعتذر عن التأخير والله ناسية انو موعدنا الاربعاء بس دخلت بالصدفة أتطممش ولقيتكم متجمعين الحمد لله

والله وتالله وبالله يابركة اني ماعرف القرص العقيلي ولا أدري كيف طريقته والله مو تهرب

وبالنسبة للقهوة كل ماتجهتي شمالاً زادت ا غمقاقها وثقلها وكل ماتجهتي جنوب زادت شقارها وخفتها

انا والأعراس غير أصدقاء. ..
لا أحب اجواء الاعراس صغيرها وكبيرها ولا أظهر إلا في عرس الأقارب من الدرجة الأولى.
لكن بعد فترة أصبح لدينا واجبات تجاه بعض المعارف والأصدقاء ومن لهم حق عدم رفض دعوتهم لأسباب كثيرة.
الآن أحضر وتجديني في أول طاولة قريبة من باب الخروج وما أن تدخل العروس انسحب بهدوء ولا من شاف ولا من دري. (:

أهلا أهلا بالغامقة الخفيفة.
حلوة كلمة اغمقاقها (:

والله ما اعرف هالمعلومة بس لكل قاعدة شواذ.

أحيانا القهوة تخضع للمزاج مثلا نحن في البيت والدي وأخي يحبوا الشقراء والدتي بنية تقريبا .
وأنا على قول إخوانا المصريين بتاع كله... حتى اسبريسو ما أقصر فيه.

والله صراحة قهوة الكيف هي الشقراء المهيلة ، الباقي ينشرب بس ماله كيف :cool:

ليش يا منال ماله كيف.
جربيها اغمق شوي وحطي هيل نفس الكمية ولمسة ماء ورد ياسلااااام.
بس بحذر لازم ماء الورد ما بظهر طعمه ويخرب على البن. .. فقط مثل مايقولوا ( تتش )

وهنا تظهر الخبرة ):

والدتي جربت قهوة الشعير مع الزنجبيل ومن يومها ما تشرب غيرها.

وأنا مرة جربت قهوة عند عائلة يمنية إلى الآن اشتهي قهوتهم لكنها تعتمد على أنواع من الحبوب ويضيفوا سمسم وحب ما اعرف اسمه بس عجييييبة..
خجلت أنشدهم عن مكوناتها. ):

تهاني احتفت. .. ويمكن ما تحب القهوة.

المهم منال تعالوا صوبنا.

لا تطولوا في الرد ما عندنا وقت.
نعسناااا

هههههههههههههه جحدتينا وصرتي امراتيه

افا يذا العلم

حنا احيان نحط شوي قليل جدا يادوب مستكة

ماء الورد نحطه مع الشاهي بس القهوة لا

والله روووعة ماء الورد مع القهوة. .
بس الله يخليك لا تجربيها اذا خبرتك بسيطة أخاف ما تعجبك وتقول هذي البركة علمتني.

في الإمارات يحطون ماء الورد لكن ما تحسي فيه يعني ما يغطى على البن خاصة أن الكثير من الناس مازالوا يحمسون البن في المنزل.
تعرفي ليش اقول تعالي صوبنا.

اسمعي ...
في منتجع في دبي اذا رحتيه في الإجازة بتتعجبي ويمكن تشكين هل أنت في الإمارات أم في المملكة (:
99% النزلاء من المملكة بس تشتهي تشوفي جنسية ثانية ولو من باب التغيير ... ابدأ الله لا يغير علينا.

وإذا عرفتي السبب سيبطل العجب

السبب انه في وسط الصحراء. .. يعني كأن المملكة كلها خضراء عشان يتركوا كل دبي ويروحوا وسط الصحراء. .... سبحان الله الصحراء عشق ابدي ):
بس طبعا في غزلان واحصنة وبرك سباحة .... الخ وكل هذا في أحضان الصحراء ولا أحد غريب منا وفينا (:

اي لاتستغربي المدارس عندنا والجامعات اجازة ماشاء الله عليهم

اها لا اجل اسحب ردي الأول

أعتقد اتلانتس ما ينفع نطلق عليه منتجع. .. هو فندق ... المنتجع يكون خارج المدينة.

مثل منتجع الريف الأوربي في الرياض وغيره. ..

كلها يومين ان شاء الله وتفضى لكم الامارات كلها من السعوديين مو بس دبي 😄
يرجعون ربعنا لمدارسهم

اجل نووم الهناء ان شاء الله

انا دايم احب اضرب عصفورين بحجر اخلص كم شغلة عالجهاز وبنفس الوقت فاتحة عالمجلس

يحليل منتجع الريف عند اتلانتس :)

أغلب عربنا في دبي .
نحن عندنا بعض الأعمال في أبوظبي وهي تهدأ بكثير.. والله يعلم متى بيخلص الشغل.
لهذا نحن كل يوم والثاني تشد الرحال لبوظبي.

لازم تفرحي عشان اذا نويتي تزورين أبوظبي بس اعطيني خبر وحتى إذا ما كنت موجودة ببعث لك من يقوم بالواجب معك.

احبابنا هناك كثر ولله الحمد.

ماااتقصرين والله مالحقنا شك فيكم والله
عارفين كرم الامارات واهل الامارات مايلحقنا شك ابد
وان شاء الله يتيسر امركم وتستقرون

هههههههههههههه

قلت لك أتلانتس فندق.... بس يمكن في منتجعات تابعة له.
انا ما رحته. .
وبيني وبينك مالي بهالاماكن احيانا أكون مضطرة ارافق الجميع واللا انا أفضل اجلس في البلاد مع الأهل والأصحاب .

انا حطيني في مكة وبس. .

المهم غدا اعرفك على قرص العقيلي .... من زمن الطيبين.

اي والله صحيح مجرد التأمل والجلوس بالصحن وهو شبه فاضي
نعمة ومتعة كبيرة خصوصاً اذا كنتي لحالك
من ايام ماكنت بالثانوي ونا ماحب احد ينزل معي الحرم حتى لو آخر الليل

ان شاء الله
متى موعدنا ؟

سبحان الله مثلي.

انا مرة ضعت :eek:
في ذلك اليوم شعرت اني بحاجة لاتعرف على شوارع مكة.. مللت الخروج من باب الفندق إلى الحرم مباشرة وفقط أرى البنايات.

خرجت من باب السلام ويومها حسيت اني في عالم اخر

غدا أكمل لك حكاية خروجي من باب السلام.

نلتقي يوم الأربعاء بشكل رسمي.
لكن طبعا المجلس مفتوح على طول.

انا جهزت قرص العقيلي لكن ما استطعت ارفع الصور لأن الجهاز بعيد عني.
غدا صباحا يمكن اعمل فطاير بقدمها مع القرص وقت الضحى.
إذا استطعتي اقربي (:

مو من جدك تتمشين لحالك
يقال أهل مكة ادرى بشعابها
فعلاً اللي مايعرف بمكة يضيع
مرة كنا مسافرين كلنا يالعائلة بسيارة ولما وصلنا مكة جلسنا نلف حول الحرم ندور مدخل الفندق
من المغرب للعشاء
فجأة قلت لأبوي بنبرة طفش وبنغزة لو حنا مكبرين من عند الضوء الاخضر كان خلصنا 7 اشواط بالراحة
مع التوتر والعصبية والزحمة كل اللي بالسيارة انفجرو ضحك 😂😂😂😂😂😂

هههههه
يا حليلك.... عصبية منال.

لا والله اتمشيت واتمشيت ومن الزحمة ما ينعرف اذا انت لحالك أو مع الجماعة (:
بس والله كان يوم ولا كل الأيام.
واشتريت أشياء رخييييييصة وكنت سعيدة.
غدا بإذن الله أكمل لك السالفة. وعلى قول هل ابوظبي أكمل لج الرمسة:tongue:

تصبحين على خير يا راعية القهوة الشقرا (:

النت لما حد من اخواني بيحمّل شيء يسحب النت كله
قررت أنسحب..لأن الصفحة ماتنفتح معي..
وصح ما أحب القهوة..أشربها وقت الإفطار بعد صوم..
إلا قهوة السكر الأحمر ( السكر البني )
رااائعة




أهليين المنال
متأخرة بالترحيب :tongue:




والبركة الظاهر يوم بشوف القرص العقيلي في الحلم..من كثر ما تذكرينه..
ماقدرت أتخيل شكله..

ما أقول غير الحمدلله
حسرانة عن جد
انتو بنعمة كبير احمدوا ربكم عليها..
الله يديمها عليكم ويرزقني ولو القليل بشوفة مكة والمدينة..

🔴 ماشاءالله عليك بروكة
ذكرتيني بنفسي تقريباً قبل 3 سنوات ضعت ف المدينة المنورة تحديداً ف مسجد قباء
كنت بنجن كنت أجري ف الشارع مثل المجنونه يمين ويسار يمين ويسار ما أدري وين أروح :eek: عاد انتو لكم حرية التصور كيف كان شكلي :tongue:
والأدهىٰ والأمر خليت جوالي عند أمي :confused:
ولولا لطف ربي بي شفت رجل كان واقف شفته قبل لا أطلع من عند باب مسجد قباء
المؤدي أكرمكم الله إلىٰ دورة المياة .. يوم شفته رجعت لي أنفاسي .. دخلت المسجد صليت
وطلعت أحكي لهم قصة ضياعي :tongue: بعدها رحنا السوق
بالنسبة لي كان يوم نحس من بعد نزولي من الطائرة إلىٰ يوم رحلة الإقلاع مرة 2
🔴 هههه قبل كم شهر راحو أهلي وتذكروا مكان ماضعت 😂 بس أكيد ماراح يعيشوا
نفس الشعور إللي وقت ماضعت فيه الحمدلله ما طحت أنا وعبايتي ولا طارت غطوتي وأنا أجري والا كان صارت علوم :wink:

أن شاء الله ربنا كريم.

:tongue: :tongue:

لا ... اختك البركة متماسكة جدا ولله الحمد.
إن شاء الله اكتب لك لاحقا ما حدث معي.
ذكرى حلوة ...
ولا أحد حس اني خارج الحرم وأتجول في شوارع مكة لاني معتادة مثل منال أنزل الحرم واتركهم بالساعات ...
وأحيانا أتركهم من صلاة العصر إلى صلاة العشاء.
سأقول لكم فقط موقف بسيط من مواقف تجولنا في شوارع مكة .
مرة أخذت إحدى قريباتي ... مسكينة حبت تحرب المغامرة.
المهم لحقنا واحد للفندق ولا حسينا فيه..
بعد دقائق دق علينا الباب شخص وفتح له ابن أخي فقال اعتذر الظاهر اني غلطان:eek:
وبعد ربع ساعة طلعت مع بنت خالتي فصادفنا عند المصعد سيدة من الكويت تعرفنا عليها سابقا بحكم أن غرفتها قريبة من غرفتنا فقالت لنا:
ها شفتم الريال راعي التكسي :confused:
أي تكسي يا خيتي(:
قالت : من شوي بعد ما دشيتم غرفكم طلع واحد وراكم ويوم شافني قال في ثنتين بنات متغشيات توهم طالعات شفتيهم.
وطبعا الحرمة ذكية فقالت له خير ان شاء الله ليش تنشد عنهن.
فقال لها: ركبوا معي التكسي وما عندهم فلوس فقالوا لي وصلنا الفتدق وتعال فوق بنعطيك.. :eek:
تخيلوا الكذب.
والحرمة ما توقعت انه يكذب.
قلنا لها كذاب .
قالت انا قلت وليش بيركبون تكسي وعندهم سيارة وعندهم ريايل .. يعني رجال.
لكن ما توقعت أن هذا الشيء بيحصل في مكة.
هههههه

قصة.

وطبعا ما تاب رغم أنه اتأكد أن غرفتنا فيها محرم لنا.
لكن استمر يزعجنا هاتفيا ونحن طبعا سترنا عليه وما وصلنا خبره لمن معنا من الرجال كي تمضي العمرة على خير.

السلام عليكم ورحمة الله وبركاته

دخول بعد جولة طويلة ف المنتدىٰ 😣

كيفكم حبوبات بشروا عنكم ☺️

🔴ماشاءالله عليكم
أنا عكسكم تماماً أخاف من ظلي😅
والله إذا ضعت ولا رحت من هنا ولاهنا بموت من خوووووف وبتجيني ع قولتهم أم الركب😂

عموماً الله سلم مغامرات الله يسعدكم ف هذي ما أحب المغامرات لو ع موتي 😑
أصلاً لو طلعت لحالي ضايعة ضايعة لأني ما أطلع كثير ☺️ بيوتيه ماشاءالله أحب جلسة البيت :tongue: