|
تدري وش أثقل من الريح بِ شراع الضلوع .. إنك تسولف عن ( الضيقه ) و مـابه أحد .؟! |
غدَت جِدرآني بروآزك ,
غدَى وجهِك هُو المنْفى ! و وجْهي صآر بك أعمَى ! كثييييير ارهقنِي غيآبكْ .. |
الطيب دمعه والردى ضحكة حجاج ونفسك قبل لا تلوم الأيام لـمهـا لو المراجل طالها كل هرّاج رخصت فعايلها وقلـّت شيمهـا الجهل غدراء ليل والحكمة سياج والخلـق شــاره والمنايـا سهمــها والضيق سجن البال والسجّة إفراج وأن ضامتك خطوى المقاريد ضمها لو الرجال تقاس بالبشت والتاج مانفرق شيوخ العرب من خدمها ولو كل من تارد بهقوتك هدّاج ماشفت كبد ناشفه من وهمها ناسٍ فرقها وجودها بين الأفواج وناسٍ تساوى وجودها مع عدمها وقت يهيج ويصطفق مثل الأمواج نبـني الأماني والظنون تهدمها من جرّب الحاجة عذر كل محتاج ناسٍ عطاها الله وناسٍ حرمها ماعاد يمدي والحكي دونه سياج لكن تهجّى كلمتي وأفتـهمـها أمّا تجي بحراج وتروح بحراج وألا تــثـمـّن جيّتك وتحشمها |
ماهو مطـر هلّت تباشـيره،
واسقى الظما من حاره لحاره. هذا السحاب ان حب له ديره، غصبٍ عليه يبوح باسراره |
صـلــّـوا صلّوا .. ترى باكر يصلّى عليكـم وقت القضا .. لو نازع الروح جاكم والموت .. لا منّه تغافـل حديكـم كل ما ملكتـوا تتركونـه وراكـم وإليا نفض كـفّ المنايـا يديكـم حتى (الكفن) ما تاخذونـه معاكـم في وسْط قبـرٍ ظلمتـه تحتويكـم واللـي دفنكـم مـا يلبّـي نداكـم لا زوجكم .. يوحـي ولا والديكـم لا عمّكم .. لا خالكم .. لا ضناكـم يا المسلمين .. المقتديـن بنبيكـم لبّوا نـدا خيـر العمـل لا دعاكـم صلاتكـم وقيـا ذنـوبٍ تجيـكـم في غفلـة الدنيـا وكثـرة لَهاكـم وعن خطوة دروب الضلال اتهديكم واتسوق في درب الهدايه خُطاكـم الله يرحمكـم ويحـسـن إليـكـم لا حان مـع رب الخلايـق لقاكـم ومعكم كتاب أفعالكم مـع حكيكُـم بيدين سلطـانٍ وقاضـي وحاكـم ثم رجّح الميزان مـا كـان فيكـم وصارت حسانيكم تبـاري خَطاكـم إمّـا تقرّبكـم محـبّـة وليـكـم والاّ عـذاب النـار يقلـع مداكـم |
من زمرة الطاغوت حذراك حذراك لا تبتلي بجـروح يصعـب دواهـا وإلى مشيت اعرف دروبك وممشاك احرص على نفسك وخالف هواهـا أمّارةٍ بالسـوء مـا هـي بتنهـاك اقبض عليها ليـن يجلـى صداهـا اقطـع نواياهـا بدينـك وتقـواك هلّـل وعنـد الله سريـعٍ شفاهـا |
أنا إنسان مع نفسي قبل لا أكون معك إنسان
ولي مبدأ ولي نظره وتحكمني قناعاتي أحاسيسي حقيقة ثابته في الوصل والهجران أنا طبعي إذا حبيت أحب بكل حالاتي أحب الصدق وأعمل به كسبت أو كنت أنا خسران ولو صدقي يخسرني تشرفني خساراتي |
بعض المواجع لها ما تنفع الفزعه !! وبعض المواجع وجعها من وجع ناسي !! عودت نفسي على الصدمات و الفجعه !! ولو دست جمر الزمن ما ينحني رأسي !!! |
تدريَ وش اللي من غيابكَ تعلمت !
............ إن القدرلا صار ما أحدٍ يـرده وتدري وش اللي حدني ماتكلمت ! ............ - شموخ - قلبٍ ماخلـقَ مـن يهـده |
]النفوسَ آلوآفيهْ : رغمْ آلمصآعِب مآتميل .]
والشمس، كِثر آلسحبْ مآيغطي نورهآ . |
| الساعة الآن 11:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab