حبيبتي لا تستغربين منطقتي بالذات لها حكايه خاصه و لها السبب لهجتتنا غييير !بعدين النسب لعب دور و اول كانت هالمنطقه مثل الواحه يقصدونها الناس و ايون فيها فتره الصيف لانها فيها فلايه ونخيل فيستأجرون النخيل لفترات معينه خصوصاً اهل دبي و ابوظبي و العين . وطبعاً بعد فيه اسباب تاريخيه اخرى ما ايوز نطريها جيه .

فيه كذا شاعر قال عن البريمي ،،

بالهنا قيض البريمي ،، دار جدي من جديمي
جنتي و بها نعيمي ،، موطني يا دار علياء

العبريين من الداخليه وفيه حد بعد من منطقه ثانيه ولهجتهم غير و المنذريين من عبري اعتقد و بعد لهجتهم غيير عمان فيها واايد لهجات و انا بنفسي ما بديت اعرفهن الا من دشيت الجامعه اصلا من صوب الجنوب خصووصا ظفار عندهم لغتين هن الجباليه و العبريه بالاضافه إلى العربيه وغير اللهجات الثانيه .

الله وكيلج منال اولهم امي ربي يحفظها ويخليها تحملتهم و عقب قالت شو ذا سكتن و لا دخلن الغرفه وسكرن على عماركن الباب حشرتولي راسي .

لا كل اهل البريمي الاصلييين لانه بعضهم من مناطق اخرى و استقروا فيها و صاروا يقولون انهم منها بحكم السنيين الي عاشوا فيها . بس قبايل هالمنطقه معروفه و بتلاحظين انهم يوم يتكلمون وااايد ماخذين باللهجه اما البقيه لا بتلقينهم شوي ماخذين من كل بستان زهره .

ههههههههههههه البيوت صارت كنها مسلسل تاريخي :cool:

بركتنا ابي اخذ عند كورس بالتراث الخليجي بشكل عام ، الحداثة خربت علينا :)

مالي سواك ياربي/حنا عندنا بالسعودية تلميحات بالكلام عربي فصيح داخل الحصص ولكن على ارض الواقع غير مطبق 100%

يالله حبايبي باجر ورانا دوام ،، تصبحن على طاعه الرحمن !!