|
عليـك باللـي طلعهـم دايـمً فـوق اللـي عـن الـزلات تكـرم لحاهـا خلك عسر وارقى على كل شاهـوق وسلم علـى اللـي لارقاهـا رقاهـا واحذر تخاوي من تجرد عن الـذوق اللـي بـزلات اللـسـان يتبـاهـا |
أنا في رجا الله ماترجيت مد الغير .............ولالي ورى المقفين شرهه ولا حاجه .........................اواصل على دربي واحث القدم واسير .... ....................مع اللي يطيب ومنهج الطيب منهاجه |
آلضيق ضيق آلقبر ي كـآره آلكون
يـآمن تقول آلضيق عكـر حيـآتي صل وتعلم قيمـة آلصبر بآلهون هـذي وصـآتي كآن تقبل وصـآتي |
قالوا الدنيا غريبه قلت مافيها غرآبه
......الغرآبه فالنفوس اللي تخليها غريبه |
غلطان من قال خيره كـل تأخيـره مايستوي في السَبَق ريّض وعجلاني الحق ماكـل تأخيـره بهـا خيـره كم فرصةٍ ضايعه من عمر الإنساني طرايد الصيد ماتهدأ علـى سيـره تبغالهـا رامـيٍ ماهـو بمتوانـي رامي سريـعٍ بتصويبـه وتذخيـره إن فاتها السهم الأول صابها الثانـي الوقت ماينتظر من عاش في حيـره والدرب ماينمشي من غير برهانـي |
مايجلي الظلمه إلا نـور الإيمانـي احسب مكاسب زمانك من مخاسيره قدام تطلع من المشـوار خسرانـي ماكل ميـراد مرتويـه مصاديـره كم واردٍ غـادر الميـراد ظميانـي بايامنا من وصوف الخيل تصويـره تقبل وتقفي وعمـر العبـد ميدانـي |
يانايم الليل حلمـك ويـش تفسيـره القلب في غفلته والطرف نعسانـي مايقطع الدرب من ديره ليـا ديـره إلا غلامٍ سـرى والصبـح مابانـي إن شفت نبت الربيع تفوح أزاهيـره إحذر تباطا تقول أمـداه وامدانـي |
إغنم ربيعك ليـا عجّـت نواويـره واقطف ثمارك مادام العود ريانـي فرصتك ماغيرها والعمـر ماغيـره قبلك ربيعـي تباطيـت.. وتعدانـي |
لآعطيت آلشي لآ تدور , ورآه
مآبقى شخص بحيآتك مآجحد ! خل دآيم مبدآك في ھآلحيآه تموت جوع ولآتمد آيديك لآحد! |
اصبر ياقلبي لوْ تكــاثر وجوعك وارسم على درب الكرامه خطــآويك ولغيـــر ربّــك لا يبيّن خضــوعك الواحد السـتَّــار مخـــفي مســاويك إجعل صلاتك للكريم و خشوعك بلسم جروحـك و الله الـلِّي.. يداويك |
| الساعة الآن 11:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab