يا حبيبي كان قررت الرحيل
وتترك اللي حطك بعينه ونام

اعرف انه مستحيل ومستحيل
ينسى كل ايام عمره والغرام

لا تسولف والسكوت ارحم ما دام
الملامح سولفت من غير صوت

كل كلمه شالها صدر الغرام
شفتها في نظرة عيونك تموت

طريت في بالي ،، وفجأه تبسمت !
وغمَّضت من لذّة خيالك عيوني ،
الليل والذكرى وطاريك ، والصمت ،
هالأربعه في غيبتك ، سامروني !

الحزن .. ماهو ظلم سود الليالي
ولا هو احساس القلوب الجريحه

ما يقلب الدنيا حزن … غير غالي
لا قلت من بعد اسمه "الله يبيحه"

خابرك لازادت جروحي تعالجــني
وشلون عاش المريض ومات دكتوره

رح و اعتبر كل احاسيسي معك / غلطه
عاهـدت نفسـي عهـد مـا عـاد / اكـررّهـا

مبادئي من دونهـا مـا التفـت فيـك
و كرامتي وهبه . لك الحمد يا رب

يعـنـي تـوقّــع اي لـحـظـه اخـلـيـك
اشيا كثيره عندي ألـزم مـن الحـب

ليت الوجع بعروق قلبي ولا فيك
وليت التعب غلطان ساهي ولا جاك
♥
لو الشفا بضلع صدري لداويك
واطحن جميع ضلوع صدري فداياك

تدري انـي بينـي وبينـي اسبـك !!
دايما حظـي يجـي عكـس التمنـي

خايف اني اضيّعك لو قلت ( احبك ) ؟
كـل شـيِ كنـت ( احبـه ) ضـاع منّـي

لا حشى ما طحت من عيني ، تطمّـن
مـانت في عيني عشان تطيح منها ؟