طبعاً اللي كان مكتوب بالأخضر هذا كلامالحرمه وانا اول وحده اقول عن جد الكل منجن فشعري والكل يقول شعرك مو طبيعي انتي مسويه فيه شي وللأمانه ماطولت عليه بس اسبوع لأني ملوله وفيه خلطه قبلها كنت اسويها خلت شعري تلمع بشكل مو طبيعي وكنت شاكه اقول انا مدري شعري زاين من الخلطه حقت الحرمه وإلا من الخلطه الأولى اللي قبل وهي زيت كيشور+4اضعاف علبة زيت كيشور من زيت النارجيل عشان زيت كيشور جداً قوي وحار على الشعر فلازم يكون النارجيل اكثر منه
وعلى فكره الزيت مو غالي ابد زيت كيشور بـ4 ريال بس حلو
ومااستغني عن الفاشكول افضل شي اللي بالثوم او اللي بالقمح والعسل مره بالأسبوع
ومره بالأسبوع تسوين خلطه على شعرك ساعتين وينكتم بكيس وفوطه حاره وهي
موزه خربانه +2ملعقه (زبادي , عسل , مايونيز) وفنجان زيت اي زيت تفضلونه وانا ابصراحه احط زيت عافيه

خلطة الرموش انا استخدمته لرموشي مره حلوه لأني قصيتها مره وعيت لاتطول ومره ضاق صدري وبعد مااستخدمتها مالاجظت إلا بعد ماحطيت المسكرا احسها طويله بشكل وكثيفه غير عادتها ومره فرحت وهي:
المقادير :
قفشتين وسط زيت الحبة السودا ( حبة البركة )
قفشة ( ملعقة ) وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي ( الحواج = العطار )
قفشة ( ملعقة ) وسط عسل نحل طبيييييييييييييييييييييييعي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون ( يد الهاون يعني النجر ) او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة
__________________________________________________ ___

وغير كذا زيت اللوز مره حلو للرموش مع العسل
وزيت فيتامينE لحاله يدهن فيه الرموش والله ان تدعون لي بس مايتكثر على الرموش يندهن بشكل بسيط وخفيف عشان مايدخل بالعين ويخلي فيه مثل الغبش

خلطه للوجه زبادي وحلبه كلمة روعه قليله بحقه.
وماء الورد ينحط ببخاخ ويوضع بالثلاجه وينبخ عالوجه كل يوم كل مافتحي الثلاجه يخلي الخدود حمراء بأيام بسيطه
وشرب ماء مع ماء الورد يخلي البشره جنان
حتى ماء الحلبه مع الحليب ينطبخ ويشرب عا الريق الصباح لمده يفتح البشره يخليها بيضاء

اللحين للجسم اللي استخدمته والله انه سحر ينزل السواد بشكل مو طبيعي ويبيض فيوم تقولين كأن لك اسنين ماتروشين وفيه لوشن انا مسويته بعد مااطلع من الحمام ادهن جسمي فيه
خلطة الجسم وهي كالتالي:
قشور 3 موزات... بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير

افركيه على جسمك بحركات دائريه وغير كذا جربيه اول على يدك وشوفي كيف يصير وشوفي السواد اللي يطلع

اللوشن بعد الحمام عباره عن
ملعقتين جلوسوليد الأحمر
ملعقتين زبدة الكاكاو
ملعقه زيت اللوز الحلو
عصير ليمونه

اخلطيهم زين وحطيهم بعلبه وشوفي كيف النعومه اللي على اصولها

لي عوده

يعطيكم العافيه

لي عودة ان شاء الله

موضووع راائعـــ

يسلمواا يالغلا وربي يوفقك



بالفعل من اجمل..الوصفاات

بااارك الله لكـــ


هلابـــــــــــك

بارك الله لكــــــم...وجزاااكم خيرا