|
ما ألوم بعض الناس يوم كرهوني ................ ناس شطارتهم بــ شذب العراقيب ... !! وصــّـــلتهم يم القمر وجحدونــــي ................ يا قوم يا بعض اللحى والأشانيــب .. !! وش عاد لو بعض العرب عذربوني ................ هو فيه أحد يخلق بليا عذرايب .. !! |
صدري بحر يا وحشة الخاطر الغلـق........................
........................روحي ندى , وعروق الايـام يبّاس ابَشّر الأقـدار وجـه الرضـا طلق........................ .................ما قلَّط الاَّ الصبر , واستنكر اليـاس وش حدني للوحدة و عزلـة الخَلـق........................ ........................الاّ كثر .. ما تاكـل الناس فالناس ! |
أخسّر ولٱمن خسرت أقول : رآحت فـدآ
لٱنّ آلخسارھ بعـزة نفـس ماهيـب عيـب ياما تجمّلت فـ( العالـم ) .. و رآحـت سـدآ وياما تحمّلت تحت أسـم .. القـدر والنصيـب أنشهد الطيب في بعـض الموآقـف ردآ وأنشهد أن الردآ في بعض ألٱشكال طيب |
خل نفسك على الدنيا..عزيزة مقام
لين تصْغر مقامات العرب..دونها.. واحترمها وجنبْها..دروب الحـرام وتْهذْب..وتمشي لك..على هونها.. واحذر تطيعها وتفكـ.. منها الخطام تستذلكـ..وخلـق الله.. يذلونهـا .. |
تعبت ادور في القلوب الباردة لـيلة دفى
. . . . . والقى استغلال النفوس وكذبها واجحافها حتى اقرب العالم لو يوقف معك وقفة وفى . . . . .اصبر وتدري وش دوافع وقفته واهدافها |
عِندي مثل مآعند غيري أَمَآني
آسعَى لهآ و آطوي لهآ الصَّبر و البيد و آجمَل أَمَآني العمـر مآدمت فآني آموت سآجد بـ الدعآء و التنآهـيد |
يامن تدوّر في الحياه السلامه
العمر مرّه والليالي ..مغانيم صعبه عليّ اعلّمك ش الكرامه لان الكرامه طبع ماهي بتعليم ! |
الصمت له معنـى وله ذوق وإحساس مركب نجاتك فـي بحور الكلامي |
مايتبع المقفي اللي صدّ غير الضعيـف
اللي يضيّع ليالي راحتـه فـي شقـاه لو المقفّي يودّ وكان قصـده شريـف ماراح مـن يتبعـه يـدوّره مالقـاه واللي يبيع الغلا بيعه على اقرب رصيف ماعاد يفرق رحيلـه عنـك ولاّ بقـاه |
يا هاجسي غرّد ترا ما انت محبوس حرّر خيالك ما على الفكر حـراس وارسم مساراتك من القوس للقـوس وازرع ورودك بالأمل بين الأقـواس لا للنفـاق ولا لتطمينـة الــروس موت الشجر واقف وهو شامخ الراس |
| الساعة الآن 11:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab