|
العبد ماله من تصاريف الاقدار.. واللي كاتبه ربك محدن يرده |
من لانفع في شبته قبل ماشاب.. عقب الكبر والشيب يصعب مجاله ومن لاحكي له باول العمر مضراب ..لامات تطوى بالصحايف افعاله |
ترى الردي لامن سفهته تنكد يموت في غيظه ونفسه سقيمه وانا اعرف ان به ناس دايم تهبد مرضى نفوس مدورين النميمه |
لصرت مرضي ربي ومومنٍ فيه ما همنّي لو يزعلون الخلايـق الناس مافي ايدينها شي تعطيـه والله يسوق الخير مع كل سايق |
الجروح اكبار والنزف الدليل
والخطا .. قدام عيني شايفه ! والرفيق اللي مع الطرقه يميل عايفه .. لو قلت: ماني عايفه |
أعرض عن الجاهل السفيه*********فكل مـا قـال فهـو فيـه
ما ضر بحر الفرات يومـاً********إن خاض بعض الكلاب فيه |
القـلوب آلوان / والنيـه عـيون
والبشر مابين ﻣزمار وطبل بين شعرة عقل وأنواع الجنون صافي النيه يشوفونه خبل ! |
قالو الشيبان : فْ الصباح الرباح .,
........................ الطيور تطير / صوب [ ارزاقها ] لو تسابق فِ الطموحات الرياح ., ......................... كل نفس حظّها .. اللي ساقها حظ من (صلّى الفجر) ثم استراح ., ....................... ذاق لذّة صبح محدِ [ ذاقها ] |
المراجـل ماتهيـا بالمراكـب والبخـوت
ولاتهيـا بالمناصـب والبنـي المترفـات الرخوم رخوم حتى لو تباهـوا بالبشـوت والرجال رجال حتى لو مشوا فقراء حفـات المراجل شبه دره فى البحر في بطن حوت مايجيها كـود رجـلٍ ماحسـب للكايـدات لو حمى حر الهجير يدوس حره دون بوت ماحسب حر الهجيـر ولاعطـاه الالتفـات وان طراء للبرد طاري ماحتسى للبرد كوت زمهرير البرد دونـه ماتلحـف بالعبـات خير من بعض الكلام اوقات ميلك للسكوت والكلام اوقات خيرٍ لك من اظهار السكـات كلمةٍ تنفعك قلها ماعليـك مـن الشمـوت والكلام اللـي يعيبـك لاتكلـم بـه بتـات لاتكون بكل وضع وحال رجالٍ صمـوت وان هرجت يكون هرجك مايلحقك الشمات |
عش عزيز النفس حتى لو تهاجر للخبـوت
لاتذل النفـس مهمـا تعتريـك النايبـات لو بجيبك ماتحصل غير كوم اوراق نـوت عزة النفـس وكرمهـا ماتقـدر بالميـات |
| الساعة الآن 3:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab