يالله يارب يفرح قليبك

ويخلي اخلك يوافقون

ويخليك من الفرحه تسجدين باكيه لربك

اذا تبين نصيحة لوجه الله ...زاسمعي شور ابوك وأمك والخيرة في مايكتبه الله فوالله لو ربيكاتب لك تتزوجين هالشاب ماوقف بوجه نصيبك أحد ولو ربي ماكتبه لك لو جاهدتي وقمتي وقعدتي مانلتيه ...

ويبقى الاهم طاعة الوالدين وممكن تتزوجين بدون رضاهم وماتلقين لا التوفيق ولا السعادة ..وممكن الشاب يغلط عليك ويهينك لانك ذاك الوقت مالك وجه تواجهين اهلك وتشتكين لهم ...

إلا في حالة واحدة فقط إذا فعلا ثبت عضلك من والدك وكان يبحث عن أسباب دائمة للتطفيش فهنا ممكن يكون لك الحق اما غير كذه لا أنصحك بشور والديك والأب والله لديه إحساس عظيم والدليل والله شاهد تقدم لخطبتي شاب من الجماعة وكنت أتمناه بمعنى الكلمة لدرجة اتفقنا على المهر وفصل ثيابه للملكة ..وبعدها أبوية وبدون سابق انذار وقال لي انا مو موافق وحتى بدون شرح أسباب مقنعه ومارديت عليه بصراحة انقهرت وبكيت وقلت عساها خيرة وفعلا تزوج الشاب بعدها وطلع راعي سفريات وبنات ولف ودوران وانا الحين مع زوج بالدنيا كلها صلاة ودين واستقامة وخلق ولله الحمد ...ويمكن لاني أخذت بشور ابوية رغم اني زعلت وقتها ...

من خلال ماشفت الافضل في هذي الحالة يكلم والديك احد موثوق و ما يرخصك..
اما انتي تواجهيهم مش حلو.فيه كثير بنات سو حرب على والديهم وبعدين لما تزوجوا و ذلوهم ازواجهم صار مالها حق انها تطلب من اهلها ينصروها.خلي أختك تطرح الفكرة على الوسيط مو انتي.اختاروا احد قريب كلامة موزون وتذكرهقوله تعالى : من ﯾشفع شفاعة حسنة ﯾكن له نصﯿب منها ومن ﯾشفع شفاعة سﯿئة ﯾكن له كفل منها وكان الله على كل شيء مقﯿتا " هذا إذا كان الرفظ فعلا في غير محله. والولد مافيه عيب في أخلاقه.
ان شاء الله يكتب لك اللي يعزك ومايذلك
ويصونك و مايرخصك..لا تركزي بس ع الموافقة. احرصي ع الاكفأ لان الزواج يمتدد أثره للبعيد..
اذا هو فعلا خير الله مارح يضيع دعائك. . الله عنده ملكوت الارض والسماء ومارح ينقص ملكه لو اعطاك. .لكن اسأليه الأكفأ

عيب البنت تتكلم عن الزواج*
تعبت تعبت*


لاموعيب غاليتي ..انا اقلك العيب هو العيب لكن هذا حقك وهذا شرع الله فيه
خلي عمك يتفاهم مع لجان الصلح ويتدخلون في الموضوع
والله يسرلك وويسر لنا يااارب

الاستخارة مافيهاشي اسمه احس اني ارتحت..الاستخارة تدعين و تعملين بالاسباب مثل التأكيد من الولد و طلب رأي العقلاء الي ينصحون الوالدين بالحق موبس عشان يوافقوا والسلام..وبعد العمل الصادق الذي لا تكاسل ولا يأس ولا غش فيه. الله يتمم الخير

لا مو عيب بس مش حلو من ناحية انه ممكن هذا الشي يخليهم يعاندون. فقط لذلك زي ما قلتي ياعمها يا احد كبير..لان الآباء يشوفون عيالهم صغار..وأختها الي تكلم عنها عشان يحسون ان في أحد معاها و موافقها الرأي مو بس هواها والله الموفق.

ربي يعوضك الخير وييسر امورك