منتديات موقع بشارة خير

منتديات موقع بشارة خير (https://www.22522.com/vb/index.php)
-   منتدى الشعر والنثر (https://www.22522.com/vb/forumdisplay.php?f=32)
-   -   سجل دخولك ببيت شعر ....هنا ....نبض متجدد .... (https://www.22522.com/vb/showthread.php?t=82201)

السعاده قادمه 2012-07-11 12:04 AM



يامرحبا ترحيبة تجـرح الـروح
لانـي باقيلهـا ولانـي بساكـت

تقولها عيني وانا اصـد مابـوح
من الزعل وورود الاحباب شاكت

باللي لفت عقب البطا تلعن النوح
بعيونها لوكان هي مـا تحاكـت

عين لعيني تشكي البعـد وتفـوح
بدموعها والعين لاخرى تراكـت

على الجفون وما لها اي مصلوح
سوى رضى اللي في لقاها تشاكت

كنت احسب اللقيا مسرات وفروح
واثر العيون ليا تالقـات تباكـت


السعاده قادمه 2012-07-11 12:16 AM

ووالله اني كل مادار حوليك الجدال
قمت كن الموت يشر على قبري يإيديه


ووالله ان قد لي وانا اصد لاجالك مجال
صدّت اللي لاتضايق تذّكر قبر اخيه


ومن سألني قلت مدري واذا عاد السؤال
قلتله تكفى سؤالك ترى ماهو وجيه


وش تبيني اقول عماََ ترى ذبحي حلال
والخطا منها علي صرت احبه واهويه

السعاده قادمه 2012-07-11 12:19 AM


يااول احلام الطفوله على حد الخيال
الرجا بللي حمى البيت من حملة بريه


حال دونك سيف عنتر وتاسع حول حال
باثر حولٍ حال دونك وانا ادعي هيه هيه


هيه يللي غرك الحسن واطغاك الجمال
والله ان اموت ماشفت لاوصافك شبيه




السعاده قادمه 2012-07-11 12:21 AM


شايفن ظلمك وساكت وطال الليل طال
لاتركتي طعن قلبي وانا ماقلت ليه ؟


لو بقا للهيل صبرن على فوح الدلال
مابقى للقلب صبرن على شيٍ يجيه


كنت احسب ان الغلا زال واثره لايزال
في الحشا ماكنه الا دخيلٍ في وجيه


ساقني حبك على الموت وسنيني هزال
والظروف اقسى من الظلم للعرض النزيه


السعاده قادمه 2012-07-11 12:42 AM


اللـي يبيـع لابسـات الازمــه
ثور يبابيـض الرعابيـب تغنيـه
يزعل ليا جت ليلة الـدور يمـه
يرضى بسوق المال فخوه وفابيـه
خطو البخيل اللـي يكبـر معمـه
يقرا الكتاب وواجـب الله يخليـه
إمر هرج لك فـي رفيقـه بنمـه
والا عطا وامـه تضيـع هقاويـه
أنشدك ياللي كـل فـرض تتمـه
تقرا الكتاب وكل فـرض تصليـه
ويش القليب اللي غميـق مجمـه
مافاد غرسه ماه وعطشى سوانيه
تخالـف الانظـار شـرق ويمـه
وكل هدف رآيه من الناس مرضيه
سم السبب ياعارف عنـه سمـه
سم السبب ياعارفه قبـل اسميـه


الخيال2 2012-07-11 3:56 AM

وانا واشواقي متحمل صبري واتعابه
لولا امـــل عودك لحياتي لولاه احيابه
ماكان بي قلبي المتفأل بالحب واحبابه

حامد نوار 2012-07-11 8:22 PM

تبسم للزمن تكفى ترى صمت القهر حراااق
وحذاري تذرف الدمعه ولو النفس مجروحه

حامد نوار 2012-07-11 8:24 PM

لا..تامن العقـرب ولاتامـن الـداب
السمّ واحـد لا..رقـا فـي متونـك

حامد نوار 2012-07-11 8:26 PM

تعلمت اني اسامح واعدي زلة الايام

................تعلمت ارضى بالواقع ولااتبع سنة الاحلام
ولااتمنى ولااستنى وهذا اللي يخليني

حامد نوار 2012-07-11 8:29 PM

تعلمت اني اسامح واعدي زلة الايام


.................ز...تعلمت ارضى بالواقع ولااتبع سنة الاحلام

ولااتمنى ولااستنى وهذا اللي يخليني

..............اسلي نفسي والدنيا تسلي نفسها فيني




الساعة الآن 4:47 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd. TranZ By World 4Arab

Ads Management Version 3.0.1 by Saeed Al-Atwi

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر الموقع وللأتصال بالدكتور فهد بن سعود العصيمي على الايميل التالي : fahd-osimy@hotmail.com