طبببببعا اصلا هو كلشي بي باجلا يستهويه وخصوصا في فصل الشتاء
لووووو تدرين بركتنا باول زواجي كان ايجيب شوال من الباجلا الخضراء بوقتها بالربيع منها للتيبيس
ومنها للتجميد للسلق ومنها مقشره وجهين للرز ولليخني .
طبعا امي اتسوي نفس الشي بس لماكنت عند امي مااسوي شي هي الله يحفظهه اتقوم بهذه الواجبات
وآني اخاف على ايدي لاتصير سوده ههههه وبوقتها كانت اضافيري طويله ومصبغه ايام الجاهليه .
بس عند سي السيد اتعقققققققدت من الباجلا ومن ذكرها لحد ماتدريجيا خفف الشوال الى 4او 3 كيلوات سنويا بالمجمده ايخاف مني لاني اعصب .
بالمقابل ايجيب علب المدمس وياخذ حريته .
لكن الي مسويته بالصوره من المجمده اخر طبخه وخلص :smile::tongue:

الأم غير يا نوران، وحتى الأب غير، ومن بعدهم الباقي حظ ، يا تكون بطيختك حمراء أو قرعة:tongue:
الصراحة الخضراء روعة، والمعلب لابد منه في المنزل للضرورة، لكن أنا اشتري بالكيلوا، يعني من لديه هواية
الطبخ دائما سبحان الله يميل للطبيعي الخالي من المواد الحافظة ويمكن هذا سر تميز طعم طبخه خاصة إذا
كان في بيئة قليل من يفعلوا مثله.

الله يعطيك الصحةوالعافية يا ست البيت وست الستتات:tongue:

تسسسسسسلمين حبيبتي من كل شر بعض ما لديكم

لا وبعد مفرش الطاوله الكروشيه من صنع ايدي وداعتج 7 صنايع والبخت ضايع .
ومثل ماكلتي مافي بعد الام والاب ولو تشعلين العشر شمع مايغزر ههههه هذا مثل عراقي .
وعلى ذكر الباجلا الخضراء الحين موجوده بالاسواق جابلي قبل يومين ههههه ولهذا خلصت المجمد لان البشاير جايه :tongue:.

ماشاء الله،
أنا ما فلحت في الخياطة، حتى أخذت كورس للتأسيس وللأسف استصعبته،

هل صنعتي ملابس من الصوف؟

كثثثثثثير بلوزات صوف تريكو ولحد الان عندي بلوزات مستعزه فيها وفي حاله جيده جدا مطرزه وفيها ترتر وقصب كانت مودتها في التسعينات البسها بالبيت لان قياسي ماتغير بعد الزواج .
وخياطه ماهره ايضا للملابس النسائيه والقمصان الرجاليه خيطت لسي السيد في بداية الزواج ولاخوتي
يوووووه ايام الشباب الحين النظر ضعف لما اجي الظم ابرة الماكنه اظل ساعه .
بس اسرق من وقتي للكروشيه اصنع مفارش للطاولات دائريه واضعها في قصناع واعلقها كلوحه على الحائط . ولولا المنتدى لانجزت الكثير ياخذ اغلب وقتي صارعندي ادمان :smile:

تريكو ولا كروشيه
لازم انسوي التصميم اولا إذا عندك تصميم فيه مربعات صغيره باسمك اعمله ان شاء الله .
اعمليه بالكومبيوتر الخط الي ترغبين فيه وضعي فوقه مربعات صغيره مثل الاتمين حتى استطيع امشي على هل الاساس .
يله شجعيني لاعمله وارسله لك DHL للمملكه .

ما أعرف لهذه الأمور، اعطيني مثال.

يعني البركه سليمان مكتوبه بالخط الكوفي او على شكل دائري يعني بخط عريض وبالكومبيوتر تضعين عليها مربعات
المربعات البيانيه
اشلون من نشتري قطعة اتمين عليها صورة طفل او مثلا مكتوب
بسم الله الرحمن الرحيم وعلى اساس المربعات تبع الاتمين نعمل الغرز اذا كانت كوشيه او شغل التريكو او الاتمين .