|
[تعبت وانا اشيـل والوقـت مشفـوح يطوي سنيني دون رحمه ولا احساس كني غريقٍ شاف موته على لـوح !! تلعب به الامواج مـا صابـه اليـاس ابني مـن الاحـلام بنيـان وصـروح احلام ورديه غـدت مالهـا سـاس ! واطرد سراب الـلال واخيلهـا دوح! [/align] |
مثل الذي فالدهـر للسيـل عسّـاس ! وازيف الفرحـه سواليـف وامـزوح وامنّي الخاطر بـلا بـاس.. لا بـاس |
الضيقه اللي بالصدر مالها حل والا مع الايام بتصير عاده صبرت لين الصبر من خاطري مل مثل الطفل لامل ربطة مهاده المهتوي لاصار ضامي ولاعل ماينفعه كثر الصبر والجلاده ارجوك ساعدني ودور على حل اخــاف تبقى ضيقة الصدر عاده |
ماعاد لي قلب ضلوعي تضمه وش كثر راح من الشقا وش بقى كم .. للى رضع من ثدي الايام همه يموت قلبه ماتعافى من الهم.. !ياليت لي جرح وينشاف دمه مير البلى من جرح ماشيف له دم..؟ |
اخترت في الدنيا ثلاث الستر وانصاف وصلاح ... وكرهت في الدنيا ثلاث _لا_ ولا يمكن_ ولن وحبيت في الدنيا ثلاث الشعر وامي والصباح .... واقسمت ما اخون الثلاث انت وجاري والوطن |
على ويش اتندّم والليال اللي تفوت . تفوت ؟
ليا حققت رغبة خاطري . ماني بـ باكيها ..!! مادام العمر باقي له نصيب ولا كتب له موت ! ابا عيش الحياه بـ [ مرّها ] .. ولا .. بـ [ حاليها ] ! |
هذي هي الدنيا وهذا هو الحال لا بد تبكينا ولو ضحكتنا !! فيها العمر يقضي ولو كله آمال الله لايحرمنا حسن خاتمتنا |
ترضى بحكم الله ولا ماترضى منته مغيّر حكم ربي يـ الانسان ..!! اقلوبنا من كثرة الذنب مرضى .! وعلاجها معروف في قو الايمان ..!! |
كان عشنا على قيد الحياه انتواجه ؛ ( الوفاء ) .. بلسم الـ جرح المفارق وطبّه ..!! ماني ابخايف الا الغدر معرف علاجه .! ( هب ) يالغدر ماله فال كل ٍ يسبه ..!! |
لـَنفترضْ فيّ عالمْ الفرضيّات
أنْ الحُزنْ و [ الإنزواء ] فيّ غُرفةٍ ظَلامُهآ دامس سوفَ يُعيدْ لنآ منْ افتقدْنآهم ممنْ نُحب...... ! ماذا سيترتبُ على ذلكَ يّ تُرى ! سوفْ يلفّ العآلم السواد الحآلك , وَ يّتلاشى الفَرح منْ على شفآه البشرّ . لـ ذلك دعونا نبْتسِمَ وَ ننْسى أحزانُنا وَ نرميها وراء ظُهورنا وَ نبدأ منْ تآرخ هذا اليوم بـ ابتسآمةٍ نقيّه تُضيئُ سمآء أيآمنا وَ تُشْرق بِها صَبآحاتُنا |
| الساعة الآن 4:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab