|
اللهم سهل أمري الله يجزاك ِ خير وكلامك في البداية صحيح وصدقيني أول ما صار اللي صار تذكرت وقلت دين علي ورجع لي أنا سافرت معاها مكة أكثر من مرة وأخذنا أكثر من مرة العمره وحاولت أسافر أكثر من مكان عشان أنسى لكن المشكلة إني لما عرفت عن ماضيها عرفته بالتفصيل يعني لما أقعد معها مثلا الحين أذكر إنها سوت كذا أوكذا بالضبط نفس الشي اللي أنا أشوفه قدامي فترجع حالتي النفسية للأسوء مرة ثانية وكأن السفر وتغيير الجو ما صار .. تسلمي على نصيحتك وإن شاء الله إنها أول شي أسويه وأحاول فيه إنها تبقى معي لكن إذا النفس طابت منها ما أعتقد بظلمها وبتجلس معي مجرد زوجة بالاسم لأن هذا ظلم لها .. |
اقتباس:
لكن أقول الله يعوضك خيراً عنه أو يرجعه لك وترجعي له وتكونوا أسعد زوجين .. |
يا اخي لا نملك الا الدعاء لك فرج الله همك
وانا اتفق مع اختي الاقحوان 100\100 وانت ما اقول غير بيض الله وجهك والله انك مثال الرجل الي تحلم فيه اي بنت شهامتك مع زوجتك اكبر دليل الله يسعدك اعطيها فرصه الله يقبل التوبه كيف احنا ياخوي واخلي ابنك او بنتك تتربى بينكم وفكر في مستقبلهم وديما ردد انه ماضي ولا يجب ان احسبها عليه اعرف انه شي صعب في البدايه ولكن انت اهل لذلك اخي والله زادني شرف ان علقت ع موضوعك تقبل مروري |
اقتباس:
اخي شايل همي (قلت بنفسك الان وقع الفاس بالراس )استخر ثم استشر من تثق بدينه وامانته ومحبته وتقواه وتقواه وتقواه فيما وقع لك وسوف يختار الله لك مافيه خير وانس وسعاده وراحه بال وانشراح صدر اياك اياك ثم اياك ان تتبع عثراتها فيستهويك الشيطان ويفتح لك ابواب لاتحمد عقباها اخي الكريم اذا كنت ستستمر في تتبع عثراتها ستزيد الامور وبال عليك وعليها توذي نفسك وتوذيها اغلق باب الشيطان عليك الحمد لله انها اعلنت توبتها ولاتتذكر الماضي سيفسد عليك عيشتك وهنائك اخي الكريم الان هي تحمل ابن او ابنه انتظر ربما انها صادقه في توبتها والله سيظهر عليها التوبه مع مرور الايام والاحوالوتظهر لك النتيجه اخي لاتستعجل في الطلاق ربما بعد توبتها تكون خير لك من الف امراءه طالما انها حامل وفي اشهرها الاولى لك فرصه طويله بظهور صدقها في التوبه (انتظر ثم انتظر ثم انتظر ) اسئل الله العظيم رب العرش الكريم ان يشرح صدرك وييسر امرك ويكتب لك ولها مافيه الخير في دينكما ودنياكما ومعاشكما وعاقبه امركما اللهم امين |
اقتباس:
لو ما أبغى أخليها عندي ما صبرت عليها 10 أشهر للحين وما كان تحملت كل يوم السالفة لكن كل ما فكرت أتزوج عليها أو أطلقها أخاف أكون غلطت لأنها تابت وشفت توبتها بس التفكير في الماضي هو اللي متعبني ولا تظني إن النسيان سهل والله صعب جداً بالذات إنها قدامي كل يوم وكل ساعه وأي شي تسويه أحس يذكرني بتصرفاتها بالماضي .. إن شاء الله ما تحسي باللي صار لي لأنه مؤلم جداً ويعطيك ِألف عافية |
اقتباس:
ورغم ذلك كنت أتعوذ من الشيطان وأحاول الصبر فسافرت معها لأهلها وتركتها عند أهلها شهرين وبسبب ضغوط أهلي أرجعتها ولكن النفسية هي نفسها ( سيئة ) .. سأخذ بنصيحتك إن شاء الله وسأحاول العمل بها قدر المستطاع .. بارك الله فيك ِ ولك ِ أختي والله يجزيك ِ الخير |
اقتباس:
وبالنسبة للقصة اللي قلتيها هذا اللي يخوفني ويخوف غيري كيف نقدر نثق مرة ثانية وبسهولة وبالذات إن اللي سوته كان دليل جرأه وتخيلي أختي عمر زوجتي 20 سنة يعني سن صغير وسوت كل هذي الأمور يعني في جرأه غير طبيعيه والدليل إني كنت في البيت موجود وهي تتصل على شخص ! اي زوج بالدنيا يتمنى يشوف في زوجته الحياء والخوف لأن هذا يزيد الزوجة جمال وعفة لكن لما يعرف الزوج إن هذا كان مصطنع وإنها جريئة والخوف معدوم كيف يشعر الزوج وقتها ! أنا أحاول قدر المستطاع أنسى وأخذتها أكثر من مرة للسفر واكثر من مرة أحاول أتأخر عن البيت لعل وعسى أشعر بالشوق لكن المشكلة هي نفسها إني أحس إني أعاملها كزوجة فقط بالاسم لكن لا شعور بالحب ولا شي ، صح أحن عليها وما أخليها تحتاج شي حتى أكون أبري ذمتي عند الله لكن بنفس الوقت لنفسي علي حق إن أحب وأعطي الانسانه المقابلة لي هذا الشعور .. أنا قلت لها انتي هدمتي سعادتك وسعادتي بنفسك وكنت بسوي أشياء ما تخطر في بالك وأخرها هذي الاجازه كنت ناوي أسافر لماليزيا وأخذك معي بس ما أعتقد في سفر وإذا سافرت بسافر لحالي وبخليكي عند أهلك لأني محتاج أجلس مع نفسي وأرتاح ، ما أبغى ألومها كثير أو أجرحها بس هذا شعور لا إرادي داخلي يخليني أوقات ألومها على اللي صار لدرجة إن عمري ما أعرف الاستراحات والجلوس مع الشباب في وقت متأخر في الليل بس من أول ما صار المشكلة إلى الان لازم اروح الاستراحه وأقعد للساعه 1 أحياناً .. الله يجزيك ِ خير ويرد لك زوجك أو يعوضك خير عنه ويفتح لك أبواب الجنة أختي أحبس دموعي |
انزين اي احسن لك توبتها ولا الاستمرار في الخطأدون علمك؟؟
الي احسه من كلامك انك لو ماكنت تدري احسن لك شنو يثبت لك اعترافها لك ؟؟ فكر يعني اعترافها لك مايسوى شي عندك يعني لو ما قالت لك بتكون احسن عمر الهرب ما يحل المشاكل سافر معاها يمكن تنحل المشكله انت رحت العمره معاها روحوا ماليزيا يمكن تتغير نفسيتك وكل ماتجيك هالافكار تعوذ من الشيطان وامسك المصحف واقرى القرآن تقرب من الله اكثر العلاج عند رب العالمين حاول اتقوم الليل وتدعي الله يشيل من بالك هالافكار وكل ماتجيك هالافكار ابعدها عنك بقول مثلا لاء تغيرت مثلا هي تحبني وقبل النوم نفس الشي قول انا مرتاح وانا احبها هي حبيبتي ادعم نفسك بجمل ايجابية صدقني بتصحى الصبح بتحس انك تغيرت وصرت نفس الجمل الي ذكرتها ولاتنسى ان الله مع الصابرين اليوم انا صايمه وان شاء الله بدعيلك ان ربي يشيل همك ويبعد عنك وساوس الشيطان على فكره يمكن اذا فكرت تتزوج غيرها بعد بتقعد اتفكر واتخاف انها ترجع للخرابيط؟؟؟!!! فكر في اشياء ثايه لين تجيك افكار تحرق قلبك فكر بالطفل الي بجي روحوا جهزوا له لاتحاول تكبد الي في داخلك طلع الي في داخلك عن طريق الكتابه في دفتر يوميات بتحس انك مجرد من كل شي ويمكن هالشي يساعدك وترتاح الله يشيل همك عاجلا غير اجل ويسعدك ويريحك ويبعد عنك وساوس الشيطان اللهم امين |
السلام عليكم ورحمة الله وبركاته
اول شي لازم اسويه انك تذهب لطبيب نفسي وتعرض عليه المشكله وتقوله انك صعب تنسى هالموضوع وتشرح الوضع بتفصيل صدقني راح يعطيك الجواب الكافي والوافي وتحتاج لجلسات عشان تنسى الموضوع تماما مواتنساه احسن شي الواحد يعرض مشكلته على انسان عنده خبره ومتمكن ونظرته واسعه للحياه والله يسخر قلبك لها |
لاحول ولا قوه الا بالله
والله اشغلني موضوعك لكن لك مني الدعاء بأذن الله الله يهدي سركم يارب ويجمعك انت وزوجتك على خير الله يجعلها اجمل وافضل النساء في عينك وانت اجمل وافضل رجل في عينها الله يبعد عنكم كل مكروه ويجي ان شاء الله البيبي وينسيك مو بس الماضي الا الدنيا ومافيها الله يجعل صبرك في ميزان حسناتك ويهدي زوجتك يارب ويسخركم لبعض اللهم امين يا ارحم الراحمين |
| الساعة الآن 7:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab