/
حي الله اللي ينعش الديرة البور
وتصير عقبه فيـضـةٍ مَـهمـهيّة

مثل السحاب االي تهامى ومذكور
بالخير تفرح به جميع البريّة

وان جيت لك بالشعر في سبعة بحور
ارقى سنود ( الموج) لك مَقْدِريّه.

والصبر زين وتالي الصبر مخبور
مفتاح يفتح كل باب وقضيّة

والحلم في عقل الحكيمين موفور
قد ساد به ( مَـعـن ) العرب في سِنيّه

و الليل لو طالت مساريه بِـ يدور
يصبح عليه الصبح و يبـين ضَيّه



🌷🌷
/

/

أهلا بك / ممثل الموقع
وبمثلك يكتمل عقد الشِعر.
و يتَوّج بأبهى حُـللِه..

🌷🌷
/

/

أهلا مها
حضورك ترجمة لجمال الشِعر

🌷🌷
/

/
حياك د. فهد..

البيت يبنى فوق تأسيس بالدور
بيوت محكومة و تأسيس ميّة

الأصل ثابت له مواثيق و جذور
و فروعها تصل السماوات حيّه

و العلم تبليغ الرسالات و النور
ارث النبوة.. للنفوس الأبيّـه!!

تُجلى بنوره كل غامض و ديجور
نور ٍ على نورٍ وله مقدسيّه

و موقع بشارة بالبشارات مشهور
فهد العصيمي له سياسة جَـلِيّه.

ومن كان بيته من زجاجٍ و مكسور
بيت العصيمي مُحكم بمنهجيّه

و العلم يرفع عن سفاهاتٍ و زور
زكاة ماله بالتواضع عطِيّـة

و العلم واضح لكن الجهل مغرور
واجمل صفات العلم في حسن نية




🌷🌷
/