عدنا والعود أحمد
سلام ربي وسلامه على الجميع
بالنسبة لقصة الأثر وفائدتة فهي أسرع من الرقية وأنجح وخاصة اذا كانت سريعة يعني بعد حصول الاعراض
ذكرت خالتي ان أخو زوجها وهو رجل كبير في السن تزوج بشابة صغيرة ,,وعند إنتهاء الحفل عاد الجميع الى بيوتهم ,,وفي الصباح كانت هناك وليمة في بيته على عادة الأهل هناك وعندما حضروا وجدوا أنهم على غير ما يرام فقالت أخته إن أبو فلان لم ينم تلك الليلة وانه لم يستطع ان يجامع عروسه وأنه صار عنينا فجأة ((عاجزا ))
فأستشاروا بعضهم فقالوا اننا سمعنا فلانا يقول كيف لهذا الشيخ المسن بفتاة صغيرة ,,فقالت أخته إذن علينا بدعوتة غدا على ترويقة ,,الترويقة هي فاكهة مشكلة تقدم مع الحلويات الشعبية قبل أذان الظهر ,
وجمع مجموعة من الرجال حتى يموهوا الغاية وجمعهم وقد لهم البطيخ والشمام وكل أنواع الفواكة المعروفة
وكانت البطيخ لا بد من أكله بالأسنان على عادتهم وعندما انتهى الجمع جمعت أخته قشور البطيخ والشمام وغسلته وجمعت ماؤه بالحمام ودخل وأستحم به إتباع للسنه ,,وفي يوم غد جاءت الإتصالات لتبشر أن أبو فلان
ما شاء الله حصان وأنه إنما كان معيونا فقط وأكتملت فرحتهم بالشفاء ورزق منها أولادا والحمد لله رب العالمين
لا تستطيع أن تتخيل الحزن الذي كان باديا عليه لشعوره بالعنة فهو أمر رهيب للرجل وخاصة في مثل هذة الظروف
نسأل الله العلي القدير أن يشفينا ويشفي جميع مرضى المسلمين آمين وصلى الله على محمد وعلى آله وصحبه وسلم

اهلابك اختي رحماك ربي
واثريتي الموضوع بمشاركاتك القيمه
واخذ الاثر مما لاشك فيه فعال لازاله العين
ولكن م ن لايستطيع ان يعرف من تسبب عليه فلابد له من الرقيه وسيشعر معها بتحسن
شكرا لك من الاعماق لتواجدك الرائع هنا رعاك الله من كل شر وحاسد

انا كان عندي مرض عضوي استمر معايا لمده سنه مع اول بدايتي في حفظ سوره البقره حسيت بتحسن خفيف ولما اتميت حفظها ذهبت لدكتور فكتب لي دواء ارتحت عليه بحمد الله

وحدة من الأهل ما شاء الله كبيرة في السن نوعا ما وعندها عيال كبار
لكن ماشاء الله تبارك الله ما يبين عليها اللي يشوفها يقول انها بالعشرين
لانها وايد مهتمة بنفسها وتحافظ على بشرتها وتمارس الرياضة وتاكل اكل صحي
وهي دائما تقول ان في ناس كل ما يشوفنها يقول انها ما تكبر ويوم عن يوم تصغر
وفترة كانت تحس بحرق في الظهر والرقبة وراحت المستشفى وقالوها مافيها شي عضوي
وقامت تعالج نفسها بالرقية .. وقرأت على ماء زمزم واستخدمت السدر وتقول اكثر شي نفعها وحست ان له تأثر سريع السدر
تقول يومين ما طلعت من الحجرة: بعد ما صبت ماء السدر على نفسها اتحسنت الحمد لله

مشكوره ياصاحبه الموضوع جزاك الله والله يحفظ صاحب هالمنتدى اللي خلانا نستفيد من تجارب بعض من غير الاقسام الثانيه اللي مره مفيده

انا عانيت فجاءه التهاب العصب الخامس

والله ان مررض شين الالالم لاتطاق والله اني لاابالغ لاتسكن بمسكنات القويه وعلاجات الصرع والمنوم الشديد وكان الالم في موخره الراس والجانب الايسر وينزل للفك السفلي تصدقون لااستطيع الكلام ولا الاكل ولا النوم تعب نفسي وجسمي شديد ونزل زوني بسرعه
وصابن قبل 7 اشهر وبديت على طول بالرقيه الشرعيه والاستغفار وتعبت بزياده واخذت القسط الهندي وسويت حجامه
والحمدلله خف الالم بس ماراح يجي على خفيف وهالحين ملتزمه بقراءه البقره ويس والصافات والواقعه والدخان والرحمن والاذكار والسنن والنوافل الحمد لله كان المرض خيره لي في الالتزام الشديد بالدين مع اني محافظه على الصلاه بس احسن لاتكفي لها مكملات ثانيه الاذكار وقراءه القران وان نكون حريصين جدا بها

بالنسبه لي يوم حملت استمرت الامراض تنهال علي

واغلبها بالمنطقة التناسليه اكرمكم الله

وكلها يصرون الاطباء ان لا علاج لها وانها لو زالت فانها تعود مع الحمل مره ثانيه

كل من حولي يقولون لي ان اللي فيني عين الى ان ذهبت لقراء

واستخدمت خلطة الرومي بالاضافه الى اني ارقي نفسي

وادعي بحرارة ان يشفيني الله ويلبسني ثوب العافيه

تقريبا عام كامل وانا اعاني من المرض ومستمره على رقيتي ودعائي

حتى ارسل لي الله قارئ جيد كان يقرأ علي واحس بتنميل في ظهري

وبعدها ولله الحمد شفيت من الامراض

والان اعاني من حساسيه بالمنطقه التناسليه

سبحان الله يوم كنت بنت كنت سليمه معافاة ومن يوم حملت والمنطقه التناسليه مليئه بالامراض

اللهم لا اعتراض ..

دعواتكم لي بالشفاء

السلام عليكم ورحمة الله وبركاته ..

بصراحة موضوع ولا أروع ..

استفدت وانا أقرا وايد من القصص .. ومن كيفية الرقيه ..

أنا بصراحه أشكي من سقوط الشعر بشكل كثيف ..

وحالتي النفسية بصراحه تتأثر بين فترة وفترة من هالناحية ..

بس أتوكل على الله .. لا اعتراض .. حاولت أسوي أشيا وايد بس ما نفعتني ..

غير هذا الأقدام عندي بدت تتشوه بسبب عزكم الله النعال .. مع العلم ان النعال مريح ومستحيل يترك أثر ..

بس الحمد الله ع كل حال ..

هذا كله بدا من فترة يمكن 10 سنين اذا ما خاب ظني ..

قبل سنتين اذكرت شي .. حتى قلت لأختي .. قالت يمكن مب بعيد ..

اللي أذكره يوم كان عمري 10 سنين يمكن .. وحده من قرايبنا قالت انتوا بنات فلان ريوولكم ما شاء الله بيضاء وزينه ويلست تمدح .. وانا كنت منصدمه منها لأن كان شي غريب عليه انا تتكلم عن شي الناس ما تشوفه وايد !
وعقب ريولكم مب شرات ريوول بناتي ! مع ان بنات زينات ولا يعيبهن شي .. الزين فيهن والحلى فيهن بعد !

انا اذكرت هالسالفة بس للحين ما سويت شي .. فمعقوله اكون معيوونه انا وخواتي !! لأنا نشكي من نفس الموضوع الشعر والريوول ! ~

كلما نسير مكان العيون ورانا ..

وفي سالفة استوت من سنتين ونصف تقريبا .. اختي كانت في عرس والناس عانوها بصراحه وكانت يومها بتموت .. لو ما رحمها ربي .. والله العظيم ان ذاك اليوم كان صفعة فحياتي .. دخلنا متحصنين وذاكرين ربنا .. وخليت امي تحصنا كلنا فوق هذا .. بس سبحان الله على آخر المناسبة أختي مسكتني وقالت شليني مكان ثاني .. سرت غرفه وياها وفجأة طاحت عليه .. ونفسها با يضيق .. وتقوولي اختي بموووت بمووت خلاص ما اقدر اتحمل .. انا وين تووني في هالموقف .. يلست أصيح .. عرفت ساعتها انهم صابوها بعين .. ويلست أقرى عليها وأقرى وعقب يت أمي وعمتيه يلسوا يقروا .. والحمد الله شلينا ممن الأثر ورشينا عليها من الماي في غفله .. والحمد الله غدت بخير ..

بس هي دوم متضايقه إذا صار لها شي × وتقوول انا دووم حياتي صعبة ..
وانا وايد أحاول وياها وصارت أحسن الحمد الله ^^ دوم اذكرها بالله وبالحق والتوكل .. وطبعا بالتفكيـر الإيجابي


بس خواتي ألحين إذا كنت معيوونه .. يعني لازم أشل من الأثر .. وشو لازم أسوي يعني أشرب الماي ولا ؟؟

وشو بعد لأني ما أعرف بصراحه شي وأريد أسويو هذا من غير خواتي ما يعرفن .. يعني اييبلهن ماي ويشربن من دون ما يدرن لأنه مستحيل يشربنه وهن يعرفن ^^

تسلم اللي فكرت بهالموضوع وربي يرزقها وين ما ترووح

ويرزقنا جميع ويبشرنا بجناته .. ~ اللهم آميــــن

هيه في نقطة بعد ما ذكرتها ..

أنا طالبة جامعية كان مقدر لي أني أدرس الطب ولكني أدرس شي ثاني أحبه وكنت أتمناه

الحمد الله إن ربي رزقني هالشي ^^ ..

ولكن بعد سنه من دخولي الجامعه وبتقدير امتياز << وآآآأسفآآآه

الحمد الله أوله وآخره على كل شي .. اللهم لا إعتراض .. فأنا ارقب حكمتك

المهم بدا مستواي ينزل .. وينزل وينزل لدرجة اني دخلت امتحان ونسيت كل شي × وانصدمت اسمي اللي هو اسمي ما ذكرته الا عقب 5 دقايق ..

يالله بغيت أتجنن .. شو أسوي .. وبصراحه أول صدمة حياتي اني رسبت في المساق × بصراحه أقولها وانا ما استحي لأنين اعرف مستواي ..

والله صارلي 2 ونص الA والله العظيم ما أشوفها ولا B+ ؟؟؟

فشو الجواب ؟؟ على الغموض هذا !!!!

فممكن يكون عين بعد ؟؟!!

والله ع المذاكره اللي أذاكرها خلاص بديت ما اتعب عمري هالكثر لأني أتعب ..

بديت أذاكر بشكل معقوول بس ما أهمل ..

انصحووني من هالناحية لأن أهلي تعودوا على شطارتي والحين والله أبويه يقدرني بس فخاطره أسئله .. وانا حاسه فيه .. دوم يقوولي بنتي فيج شي أقوله أبويه ما فيني ..

إذا انا ما اعرف الجواب .. من يعرف .. !!

انا متوكله على رب العالمين في كل شي في حياتي الكبير والصغير ..

وشو ما يصير × في النهاية كلمة الحمد الله على لساني ..

أفيدوني يجزيكم الله الخير ..

؟؟؟؟؟؟؟؟؟؟؟ انا اجهضت مرتان والحمدلله بدات بالرقيه الشرعيه ولكنى فى بدايه الطريق اذ حملت واكتمل حملى

سااقول لكم قصتى

كنت مريضه بالسحر لسنوات طويله
وقد تسبب السحر في طلاقي
و لم اجد علاج و كنت في بعض الاوقات اشك في وجود المرض
ثم اراد الله ورائيت رؤيا في نهار رمضان
كانت رؤيا طويله لكن ماسأذكره منها هو ان منادي طلب مني ان اكرر سورة يس
وسبحان الله من بعد حفظي لها و تكرارها تيسرت لي اسباب الشفاء
شكرا على الموضوع

موضوع جمييل جدا
لي عودة لكتابة قصتي الطويلة :)