[COLOR="Blue"]ياطير يلي بالسماء تدرج الحــوم
سير على الي للبعــــــــد ناوي
وذكره فيني و بذيك الحلــــــــوم
ولاقدر على فرقاه ولانيب قاوي
وقله اني من غيابه امهمــــــــوم
لاعاده الله من فراق وبـــــلاوي
تغيرت دنياي وخانتني العلــــوم
ظنيت ظنا بين هاوي وعــــاوي
الناس ماتعرفك حتى انك تقـــوم
يبين المدبول من فعل الــنداوي
والدنيا كذا فيها معطى ومحروم
ولاعاد ينفعك الطلب والعـزاوي[/COLOR

هذا الي قدرني الله عليه واهم شي المشاركه وتحياتي لكم جميعا ودايما نحتاج لدعمكم عشان نكتب الي بالخاطر بس المسابقات والله اني اضيع فيها وسامحونا على القصور

ليس إطراء ، وليست مبالغة

كتبت ابيات جميلة وتستحق الاعجاب

من وجهة نظري .

وبالتأكيد لن اجامل هنا بالذات لأنها مسابقة

وأمانة وضعت بين يدي .

تمنياتي لك وللجميع بالتوفيق .

ننتظر بقية المتسابقين

اختي خلود صدقيني انه بنقدك والتوجيه استفدت كثير وانا احاول قد ما اقدر والجاي ان شاء الله ازين وبراجع فيها شوي وانا مثل ما قلت اهم شي اني اشارك معكم وشكرا لمروك

ننتظر مشاركتك غفا ..

..

سامحوني لدي بعض الظروف، أتمنى لكم التوفيق.

بسم الله الرحمن الرحيم
السلام عليكم ورحمة الله وبركاته

واعمري اللي زل زلات لغــــــــيوم...........وماعاد ينفعني كثـــــير الرجاوي
ودي أصلي بتالي الليل وأقــــوم...........وودي بذكر الله ضحى والعشاوي
ودي لاهل الهلال بمكه أصــــــوم...........وأفطر على زمزم شــــرابٍ يداوي
وقلبي على طيبه توديه الـــحلوم...........لامن طرتلي راحي دمعي غشاوي
والدرب قدامي مفخخ ومـــــلغوم............ودي أسابق مير مــــــاني بقاوي
والنور ياليته إلا زارني يــــــدوم.............من دونه والله دنيتــــي ماتساوي
وش فايد الدنيا إلاكانت غمـــــوم.............وش فايدةنصحـي إلا كنت غاوي
وصبرٍ على هالحال ماني بملزوم............باغير إللي قدرتــــــــي دام ناوي
وباهجرك يادارٍ بها أنكاد وهموم.........دارٍ عليها الذيب دايم يعــــــــــــاوي
وبالزم كتاب الله ولاني بمعصوم..........والله يجنبني دروب الخـــــــــــزاوي

هذا مااستطعت ، وإن كان الأليق به قسم المحاولات الشعريه، الذي سأشد إليه الرحال قريبا حتى يشتد عودي باذن الله، واستميحكم عذرا فظروفي متقلبه هذه الايام، والابيات كتبتها من يومين ، وظننت أني لن استطيع وضعها، ولكن ماأن وجدت بعض الوقت حتى أنزلتها هنا لمحبتي لكم وخاصة لجنة التحكيم، ...وأثق أن الجائزة ستذهب لمن يستحق وله مني التهنئة مقدما.وشكرا لكم.

أشكر لكِ مشاركتك ونحن من فاز بها .. وفالك طيب ..

..

والله ياغفا انك تملكين موهبة جميلة جدا جدا

وتملكين احساس اجمل

كل مافيك جميل واحبه كثيرا .......!!!

بدءا من حروفك ، فأخلاقك ، وأسلوبك ، وخفة دمك ، وتفاعلك الجميل جدا ، والروح الأخوية الرائعة والنادرة

احبك في الله غفا .....!!!!

ابياتك جميلة جدا وقافيتها التزمتي بها تماما

ولكن ينقصك بعض الوزن القليل فقط

لديك بيتان فقط تحتاج تعديل بيسط جدا وتكون القصيدة موزونه ورائعة

ودي لاهل الهلال بمكه أصــــــوم

مثلا لو قلتي :

ودي بمكة يكتب الله لي الصوم .


والشطر الثاني من البيت السادس :
من دونه والله دنيتــــي ماتساوي

لو قلتي مثلا :

دنياي من دونه ابد ماتساوي

فقط شطر من بيتين .

يعني نعتبرها بيت واحد

يحتاج للوزن



وبالتأكيد سيشتد عودك .!!!

وتكونين من اجمل الشاعرات فقط قليل من التجربة والمحاولة للوزن فقط لاينقصك الكثير.!!!

تملكين موهبة جميلة .

ولا نقبل بأن تتغيبي عنا .........!!!!