|
إِنِّى لأَعْجَبُ.. عَيْنِى كَيْفَ تَجْهَلُنِى
ويَقْطَعُ القَلْبُ فى جَنْبَىَّ شِرْيَانَا؟! وَالآنَ أَجْرِى وَرَاءَ العُـمْرِ مُنْتَظِرًا مَا لا يَجِىءُ.. كَـأنَّ العُمْرَ مَا كَانَا. |
هـذا انـت ولا حـمـرة الـشـمـس والـيــم .. ريـح الـمـطـر ولا نـسـايـم حـنـيـنــك يـومـك ضـحـكـت وبـش بـاوجـانـك الــدم .. قـبـل الـغـيـاب وكـلـهـم حـاسـديـنـك كـن الـنـهـار اللـي رسـم للـشـفـق فــم .. ضـحـكـة ثـغـرك اللـي سـمـاهـا جـبـيـنـك هـذا انـت ولا مـن يـضـم الـحـشـا ضــم .. هـذي يـديـن الـبـرد ولا يـديـنــك ثـلـجـي نـحـرك ادفـى مـن غـفـايـة الـهــم .. عـن خـاطـرً صـحـوات هـمـه تـديـنــك ابـَــتـشـتـت مـع جـديـلـك وبـَـالـتـم .. وابـقـى مـعـك سـيـد هـواك ورهـيـنــك مساعد الرشيدي .. |
فالبال اغاني وخلان ومواعيد .. قل لليالي تسولف لي وعدها فالبال لهفة قصيد وشوق لبعيد .. تو المشاعر على زمة نهدها لبست ضماها الدروب وحمحمت بيد .. واكهف سماها وحجانه عقدها كبف اختصرها وهي زفره وتنهيد .. اليا استضاقت وغابت عن رشدها خلاص منها مصادير ومواريد .. وليت ياسبتها البارد واحدها مساعد الرشيدي .. |
قالو حبيبك يسمع الشعر قلت ايه .. يقراه بعيوني قبل تسمعونه اكتب لغيره والقصايد تجي فيه .. كن القصايد حالفه ماتخونه متعب التركي .. |
🌹 🌹 🌹 " الشعر يداوي الجراح التي يحدثها العقل" نوفاليس. / |
سراب الصيف يغريني واشوفه بالعيون امطار سنين اركض ورى وجه السراب وحلم ديمومه مشاويري على دربه تواليها تعب واعثار وانا وان طحت بعزومي الا ياصعبها القومة م. ن 🔹🔹🔹 |
يا بعد من نزل بين الضلوع و رحل لا تطول قصير ولا تقصّر طويل ليلةٍ ما تجيبك و انت راعي محل جعلها ما تجيبك و انت عابر سبيل..! نايف بن علوى. / / |
https://f.top4top.net/p_9844w20i0.jpg نسانع هوا أبلٍ فالبداوه لها تاريخ لالاها ، ولالا حبها ! .. ما تبدويينا . ولو ندري أنها ودها ترتع المريخ! ضربنا لها القعده و صحنا و شدينا / / |
في دربكم يا راحلينٍ مناكيف تالي ليالي القيظ وأول خريفة ردوا سلام أهل القلوب المواليف على الوليف الي نشد عن وليفة ردوه لعذوق النخيل المهانيف وعلى القصور الي بوادي حنيفة دارٍ لها بالقلب عشق وتكاليف ياعل عينٍ ماهوتها كفيفة طبنا وشبنا واتعبتنا المشاريف والمرقب العالي هبوبه عنيفه يا واردين العدّ كفو المغاريف الي بقا دمعٍ هماجٍ ذريفة والله لو دمي يغيث الملاهيف قطعت عرقي لين يصفى نزيفه وياحظ من لا عرف من هو ولا شيف ان طاب يحمد وان تردى بكيفه وحنا ورثنا المجد عظم وغضاريف لا ما ورثنا المجد تاج وقطيفة .. بدر بن عبدالمحسن |
فيروز غني لي مع الصبح حاجه .. ابغى صباح اليوم مايشبهه شي غني عسانا يوم صدفه انتواجه .. ع مفرق الوادي او بأخر الحي . . . ياريحة الصبح مع فيروز لاغنت .. نسم علينا الهوى من مفرق الوادي ماعاد فيني صبر والعين ماضنت .. مثلك يجيها بصدق الشوق وينادي كل النسايم احس انها معي حنت .. قالت دخيل الهوى خذني على بلادي .. اعرف لمن ولا اعرف اللي كتبها .. يسعد صباح عيون الابيات ياهيه |
| الساعة الآن 12:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab