للحنين المـر في صدري مأسي
‎يزدحـم فيني عبث… من ساكنينه

وين ذاك … اللي يجدد بي حماسي
‎ليه خاطرنا حزيـن… و فاقدينه

ليه رحت ؟ وكيف جيت ؟ وليه ناسي ؟
‎اسئلة راحت ضحيتها سنينه

تذكر الجلسه على ذيك الكراسي
و البحر و الموج و اضواء المدينة

ماجهلته … والصبر… من قو باسي
‎لو جهل سطح البحر ، بطن السفينه

لو نسىى قبطانها ذيك المراسي
ما وقف فيها ولا ناظر بعينه

الصبر ثوبن لبسته…من لباسي
‎ولا زهاني بالفرج… مع لابسينه

التبسّـته وحسب انه جا مقاسي
‎لين صرت بداخله …مثل الرهينه


كل ذكرى… جابتك في وسط راسي
‎لك بها… مرتع و جرحٍ … خابرينه

مرحبا غيوم
شكرا لك نبهتيني لأني نسيت كتابة شاعرها
هي لشاعر اسمه : عبدالرحمن المطيري

/

المواني ساكنة و الليل بات..
في بدايات الشجون و منتهاها

كل ذكرى مرته و تقول: هات..
تستثير الدمع.. حتى انه بكاها

كل موجة صمت مرت في سكات
تغرق شعوره و هو يغرق معاها

ليه حزن الليل ما منّه نجاة..
و القوارب راسيه في صمت ماها

ليه صوت الجرح سكين و شمات
و الندم موشوم في جرة شقاها

و المواني حلمها بعد الشتات
تلتقي بالموج و يعانق مساها.

/
لـ خلوووود الخالد

يسعدني حقًا أن تلقى أبياتي البسيطة استحسان ذائقتك الراقية.

وإهداءك عزيز علي جدا لجماله و جوهره و لمكانة من أهدته في قلبي.