|
كانك تبي الـرزق خلك صافي النيه لآ تجعـل الخبـث في نيتـك متخبـي الشخص اذا نيته عوجـاء و ملـويّه مهما يســّوي مهو بـ موفقـه ربـــي |
الطّيب ماهو عزّ في كلّ الاحيان
الطيب في بعض المواقف مذلّه ! لا صرت دايم تاخذ الطيب عنوان يجيك من هو بالردّى يستغلّـه ! |
انا تغربت والمكسب من الغربه
حذفت بعض الفشق من عدة احزامي وش حاجتي في رصاص ما يثوربه اليا بدت حاجته يبلش به الرامي |
الله يسوق السحاب اللي يجيب المطر
اللي يغيث الغصون ويحي عروقها من قبل عيد الضحيه بعد عيد الفطر وسميّةٍ يدوي الرعاد ببروقها .. |
لاتكتئب وتعيش بظنون و اوهام
دامك سحابه لايوقف هطولك وإن ضايقوك فبعض الاحيان الاقزام مضايقتهم شي يعني: يا طولك! |
ماكل فعل ٍ تنضرب فيه الأمثال
الفعل كايد والكلام بسهوله فعل ٍ يموت وفعل يبقى للأجيال وفعل ٍ تبيه الناس ماحد يطوله |
الذيب لا كثرت عليه المشاعيب
أقفا بجوعه وأمرحت عقبه الشاه والرجل دام إنه ترفّع عن العيب لو يظلمـونه مـا يقصـوّن يمناه |
عشنا وشفنا والتجارب لها دور
وكلٍ على ماقيل يذكر ماواجه مافي الحياة أقبح من الكذب والزور ولا أجمل إمن الصدق في كل حاجه |
يـارب لامنك طـويت السجـلات
وآمرت روحي في موادع جسدها خذها وانا ساجد بأحد الصلوات وقد تبت توبه صـادقه م بعدها |
لى ذوق والعالم كذالك لها ذوقhttp://www.albdoo.com/vb/clear.gifhttp://www.albdoo.com/vb/clear.gif
وذوقى عن اللى ما يجوز إمتناعي وإليا لقيت بضاعة ٍترفع السوقhttp://www.albdoo.com/vb/clear.gif http://www.albdoo.com/vb/clear.gifفى مشتراها أبذل جميع المساعى |
| الساعة الآن 7:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab