|
[ بالصلاة ] يهون كل أمر عسير..
يكفي إنك تبتدي بــ [ الله أكبر ] .. |
غلطـة عمــر كَنت احسب النـاس للنـاس ولقيتهم يَ سعـود كلن بحـاله لقيت فيهم من عديمين الاحسـاس ولقيت باقيـهم يعيش بجهالــه جربت صدقاني بضيـقي والاونـاس وقت الرخاء كلن يجود بوصالـه واذا اخـذ المقسوم قفــى بنومـاس ولحتـاج لك خــلاكـ حــلاله مابهم يٰ سعــود واحد قوي بأس اطيبـهم اللي عدى شوفـة جماله |
يا ذا الجلال اللـي عليـت بـسمائـك
.............. يا مأمن الخايف .. لنا فيـك طمعـه ! حنا عبـادك .. مـا لنـا الا دعائـك ! ..............وفي الصدر تنهيدة .. وفي العين دمعه ! يالله مـن جـودك .. ووافـر عطائـك ..............لا تحرم عبادك .. أجر يـوم جمعـه ! |
يا كثـر مـا يعطونـك النـاس ، لكـن
ما في عطاهم ما يداوي جروحـك! أطيبـهـم الـلـي مـدتــه جـــرح داكـــن وأرداهم اللي مدّته .. عذر نوحك! لـــذا فـــي كـــل الآزمـنــة والأمـاكــن حاول تجنبّهم ، وتبقى بـ/ روحك! |
يا ربّ أنا عبدك .. ولا اشكي لـ/ غيرك
همّي .. وغربة خافقـي .. وإحتياجـي ! فـيـك العـشـم .. والخـيـر يــا ربّ خـيــرك ماني لـ/ خير النـاس لـو زاد .. راجـي ! فـي ظـلّ عفـوك .. وقّنـي عـن هجـيـرك ولاّ تــــــرى يــــــا ربّ مــانــيــب نـــاجـــي ! |
الله يجعل لك من الضيق مـخـرج
ويبدل احوالك من العسر لليسر مهما يطول الوقت لابد تــفـرج خل الأمل بالله وهو يجبر الكسر |
استغل اليوم في حاجه تفيدك
................ دام هذا اليوم عيد المسلمين زر مريض , أكفل يتيم , اجعل رصيدك ................ يتضاعف عند رب العالمين |
لو للشجر قدره على حامل الفاس
ماكان تلقى بالبشر قاطعينه ولو للخطا في دربنا صوت واجراس ماشفتنا باقدامنا دايسينه ولو الأماني تطرد الحزن والياس ماشفت بين البشر نفسٍ حزينه ولو السوالف تكشف لك انجاس الأجناس ما كنت تشكي من رفاقه غبينه وهذي أماني واحدٍ عاشر الناس أوفى لناسٍ وشافهم خاينينه |
يــــارب وفـقـنــا لــوقــت الإجــابــه
لامـن رفعنـا بالدعـا لـك يدينـا!! متضرعـيـن وغاشيتـنـا المـهـابـه منك ولاغيرك يجيب إن دعينا!! بذنوبـنـا ضـاقـت عليـنـا الرحـابـه يـارب سامحنـا ووســع عليـنـا!! |
إسرق لي النوم من عينك وعطني بنام تعبان ما غمّضت عيني حدود الشهر أنت المخير ليا ضاعت حروف الكلام أبيك تقتل /حدانا يا أنا يالسهر |
| الساعة الآن 1:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab